Jeremia 28:15 - KITABU KITAKATIFU

¹⁵ Maku ndavolera Hanania ndi, “Huliriza, Hanania! Yahova si yatuma ivi mba, kandi okoli avandu yava kusuuvira ovovehi.

Jeremia 28:15 ပူးပေါင်းရင်းမြစ်များ

1 Avami 22:23

Na Mikaya yamaliriza, “Yiki nicho chekoleki. Yahova umali kokora vaporofeti vovo yava vakugaade. Navuzwa oyo mwene amali kulaga ndi ivi uduuki konyoora kivi!”

Jeremia 20:6

Na ivi Pashuri, harara na avandu vi inyumba yooyo mulagumirwa nu kuhirwa mu vutugwa mukivala cha Babiloni. Uwene yeyo ulakuzira yo kandi ulatevwa yo, harara na avalina vovo vosi avawavooleraa ovovehi vunyingi ligali.’ ”

Jeremia 23:21

Yahova yavoola, “Sindaatuma vaporofeti yava mba, navuzwa kalindio vazia. Sindaavaha likuva liosi mba, navuzwa vamoloma mulieta liange.

Jeremia 23:31

Ndunyiraa avaporofeti yavo avamolomaa mang'ana gaavo aveene nivavoora gatuli ku inzi.

Jeremia 27:15

Yahova mwene amali kovora ndi si yatuma avaporofeti yavo kumunyi kovora makuva gu vugadi mulieta lilie mba. Kulwayago alamukunga kutura mukivala yiki, munyi harara na avaporofeti avavooraa uvugadi kandi muliitwa.”

Jeremia 28:11

kandi yavoola imbiri wa avandu vosi: “Yahova amali kovora ndi, nindio alakavunanyie iniira mwami Nebukadineza yavika ku magoti gi zihiiri ziosi; na alakola ndio ku ing'inga yi mihiga 2.” Maku ndaazia.

Jeremia 29:23

Yiki kilava ikivi kuvo, kigira valoleki kuva nuvwoni uvudamanu ligali. Vamali kokora ovoheyi kandi vamali kovora ovovehi mu lieta lia Yahova. Yaga gaali amadamanu ku Yahova; yamanya ligali agavamali kokora, kandi aveeye mulolekizi kuvo. Yahova Wuvunyali umali kovora.”

Jeremia 29:8

Inzi Yahova, Nyasaye wa avandu va Isiraeli, mwiganihizaa ndi, mutaleka avaporofeti, avasigitiri na avakumu avamenyi hagati hinyu vamugade mba. Mutahulirizi ku maloto gaavo mba,

Jeremia 7:8

“Henza, munyi musuuviraa mu amakuva gu vugadi.

Lisyoma lya Jeremia 2:14

Avaporofeti vinyu vaamugada na malola gataali gagiligali; mu voporofeti vwavo, si vavoola havulavu uvwoni vwinyu kunangwa muduuki kwiranya miandu jinyu mba, navuzwa vaamuvolera malola gataali gagiligali kandi gu kuvachaminya.

Ezekieli 13:22

“Mumali kogotiza liluvirira lia vandu valungi nu vugadi vwinyu, ava inzi ndaveeye ni lienya vavuli kusalirizwa. Mwigalira vandu vadamanu vavuli koleka vudamanu vwavo, kandi muhonyia livamwoyo liavo.

Ezekieli 13:6

Amalola gaavo si gaveeye gagiligali mba, kandi ovoporofeti vwavo voveeye vwu vugadi. Vavoola ndi vamoloma makuva gange, navuzwa sindaavatuma mba. Venya makuva gaavo gaduuki kuva gagiligali.

Ezekieli 13:9

mbeeye himbi kuhaana mageri ku munyi, avaporofeti avaveeye na malola gataveeye gagiligali kandi avaveeye nu voporofeti vwu vugadi. Sinamuve harara nu muganda gwa vandu vange, anoho simulang'odwa harara namita ga vandu va Isiraeli mba, anoho simulakilane mu kivala cha Isiraeli mba. Maku mulakamanye ndi, inzi mbeeye Yahova Wuvunyali.

Ezekieli 22:28

Vaporofeti vamali kuvisa uvwoni yivu kuli avandu vavaki lidigi no vodohi uvulavu. Valora malola govovehi kandi vakora vusigitiri vwuvugadi. Vekola vamoloma makuva ga Yahova Wuvunyali, navuzwa Inzi, Yahova, si molomi navo mba.

Zekaria 13:3

Niiva mundu woosi alazizagilira koporofeta, baba weve na mama weve valamwiganihiza ndi ivi siulava mwoyo mba, kigira ovola makuva gu vugadi mu lieta lia Yahova. Niiva si alahulira lieganihiza yili, baba weve na mama weve vamwivula valamutoza nu kumwita lwava naporofetaa.

Kwidzulitsa 13:6

“Kali amwavo woovo anoho mwana muyaayi anoho mukaana woovo anoho mukali wa wayanza, anoho mulina woovo wa ahimbi ligali alakogonya musigamiri vanyasaye vandi mu vwivisu, avanyasaye vamunyi anoho vaguuga vinyu vavura kusigamira,

Kwidzulitsa 18:20

Navuzwa niiva muporofeti woosi aluvilira komoloma likuva mu lieta liange ku lihindagiliza lwa inzi mburi kumulaga akole ndio, kuduuka akuzi kigira agene yago, nandio kandi muporofeti woosi amolomaa mu lieta lia avanyasaye vandi kuduuka akuzi.’