Jeremia 27:8 - KITABU KITAKATIFU

⁸ “Navuzwa niiva ihiiri yoosi anoho uvwami vwosi si vulatumikira Nebukadineza mwami wa Babiloni, kandi niiva si valamutia nu kwegehiza imbiri weve, inzi Yahova ndahaana amageri ku ihiiri yeyo mu liihi, ninzara enene kandi nuvulwaye kuduuka lwa mwami Nebukadineza avadiviza ligali.

Jeremia 27:8 ပူးပေါင်းရင်းမြစ်များ

Jeremia 24:10

Ndaleta iliihi kuvo, inzara kandi uvulwaye kuduuka vosi valadivi. Si halakaveho kali na mulala ulitigala mu kivala cha ndaavaha harara na avaguuga vaavo mba.”

Jeremia 25:9

‘Ndatuma na avandu vosi kutura Ivaale harara nu mutumikiri wange, mwami Nebukadineza wa Babiloni. Valaza kulwaana avandu vi Ivuyuda, harara ni zihiiri ziosi ziveeye ahimbi. Ndadiviza ihiiri yiyi harara ni zihiiri zindi zimenyi ahimbi nayo, na zilatigala hazwa, kilava kindu chokogenyia kandi chukutiihiza ligali mihiga ni mihiga. Inzi Yahova mali kovora.

Jeremia 27:11

Navuzwa niiva ihiiri yoosi ilatia nu kwegehiza imbiri wu mwami wa Babiloni, kandi kumutumikira, maku ndavavugilira vamenye mukivala chavo aveene, kandi valimi milimi jaavo. Inzi Yahova mali kovora.”

Jeremia 27:13

Kigira ki munyi harara na avandu vovo mwitwi muvulwani anoho ninzara enene ligali anoho nu vulwaye? Yaga nigo aga Yahova amali kovora galakoleka ku ihiiri yoosi ivuulaa kwegehiza imbiri wu mwami wa Babiloni.

Jeremia 28:14

Yahova Wuvunyali, Nyasaye wa avandu va Isiraeli, avoora ndi, alaviika iniira yi kivia ku zihiiri ziosi kandi zilatumikira mwami Nebukadineza wa Babiloni. Yahova avoora ndi, kandi alakola kali zinyama ziu mbulimu kutumikira mwami Nebukadineza.”

Jeremia 28:4

Kandi ndilanyia Jehoyakini muyaayi wa Jehoyakimu mwami wi Ivuyuda, harara na avandu vosi vi Ivuyuda avaazia mu lihaminywa mu Babiloni. Yee, ndavunaga zinguru ziu mwami wa Babiloni. Inzi Yahova mali kovora.”

Jeremia 29:17

Yahova Wuvunyali avoora, ‘Inzi ndaleta kuvo iliihi, inzara enene ligali kandi uvulwaye, kandi ndavakora vave kuli amakuyu gaguunda agaveeye amadamanu ligali kali agatanyala kulivwa mba.

Jeremia 29:18

Inzi ndavalonderera ligali ni liihi, inzara enene ligali nu uvulwaye; kandi zihiiri ziosi zie lirova zilava nu vuti vunyingi ligali kolola yaga. Vuli havundu hoosi hambahila, avandu valava ni ligenya kandi nuvuti ku agaamali kokoleka kuvo. Avandu valavasekeriza nukuvakolera kehenyahenye, kandi kutumikira amita gaavo kuva kuli kilaamo.

Jeremia 40:9

Gedalia yavavolera, “Inzi muvooleraa ndi, ikivuni kivulaho kigira mutie kwihana ku avandu va Babiloni mba. Mumenye mukivala yiki, mutumikiri mwami wa Babiloni na goosi galava malahi ku munyi.

Ezekieli 14:21

Yaga nigo agu Mwami Munene Yahova avoora: “Ndahaana mageri malulu haali kane ku Jerusalemi; ndaleta iliihi, inzara, zinyama ziu muvulimu kandi uvulwaye vudamanu kudiviza vandu ni zinyama.