Jeremia 25:33 - KITABU KITAKATIFU

³³ Ku lidiku yilio, miviri ja avandu va Yahova amali kwiita jirasalanywa kutura kolovega lulala lwi lirova kuduuka ku lovega lundi. Mundu kali mulala si alajisiomera, kinga si jilavugulwa nukuzia kuyavirwa mba. Miviri yiji jirakave kuli kitumi chi isiina kumalova.

Jeremia 25:33 ပူးပေါင်းရင်းမြစ်များ

2 Avami 9:37

Zinyama ziu muviri gwigwe zilakasalanywe uwene yeyo kuli isingu, kunangwa mundu kali mulala sialakanyalize kugumanyiriza.’ ”

Zaburi 79:3

Vatahizi avandu vovo amasahi kuli amazi, amasahi giturukaa kuli amazi mu Jerusalemi mwosi, na sihaliho nu mundu kali mulala uwatigala kuyavira miviri mikuzu.

Zaburi 83:10

Ivi wavadiviza ligali mu lidaala lia Endori ahimbi ni kiguru cha Tabori, kandi miviri jaavo jagundira ku marova.

Isaya 5:25

Kigira yaga, Yahova aveeye nu vutima na vandu veve na umali kunyiira mukono gwigwe ukuvaha amageri. Ivigulu viladegera, miviri ja yavo avakuzaa jilalekwa muzinzira kuli mavivi. Na kali ndio uvutima vululu vwa Yahova sivulalekera mba; navuzwa alanyiira mukono gwigwe kuhaana amageri.

Isaya 66:16

Yahova alaleeta likalaga lilie liu muliru kandi alahaana amageri gi kivavi ku vandu vosi. Yavo ava Yahova aliita valava vanyingi.

Jeremia 8:2

Vigumba yivi vilakavagalwe ku muvasu kandi ku mweli ni zing'ereng'ani via vayaanza kandi via vatumikira, kandi via venya zing'anagani kutura ku vio, kandi via vasigamira. Vigumba yivi sivilakavungizwi nu kuyavirwa mba, navuzwa vilakave kuli isiina kumalova.

Ezekieli 21:11

Kivavi kishagaliywi kiduuki kutumikirwa. Kishagalilwi, kiduuki kuvikwa mu makono gumwiti.

Ezekieli 29:4

Ndavika zindohani muzisaya zizio, kandi ndakora zisuzi ziu mu migera zihande kuive. Inzi ndakungusa kutura mumugera gwa Naili, nizisuzi ziosi nizihaandi kuive.

Ezekieli 29:5

Nangusiuvi muchangalangwe harara ni zisuzi yizio ziosi. Muviri gugwo nagugwi kumalova kandi si naguyavilwi mba. Nambane muviri gugwo ku zinyama ziu muvulimu na manyonyi gu muvwerefu kugulie.

Zefania 2:12

Yahova alakiti avandu va Ezopia ni kivavi.

Likunula 11:9

Ku madiku gavaga ni nusu, avandu kutura mu zihiiri ziosi numu zinimi ziosi, ni zihiiri ziosi, noku avandu vosi valahenza ku miviri jaavo mikuzu kandi sivalivugilira miviri jaavo mikuzu jiyavilwi mu vilindwa mba.