Jeremia 25:27 - KITABU KITAKATIFU

²⁷ Maku, Yahova yambolera, “Ovoolere avandu ndi, Inzi Yahova Wuvunyali, Nyasaye wa avandu va Isiraeli, mbalagaa vanwi iwaini yiyi kuduuka lwa vahambika kandi valuki, valagwa hasi kandi si valavuka mba, kigira iliihi lia ndetaanga hagati haavo.

Jeremia 25:27 ပူးပေါင်းရင်းမြစ်များ

Isaya 51:21

Kunangwa, hulirizi munyi avandu va Jerusalemi avasalirizangwa, munyi avahambiki, navuzwa sigali kigira iwaini.

Isaya 63:6

Ndaaduvagira hasi avandu vi zihiiri mu vutima vwange. Ndavakora vahambiki mu vutima vwange vululu. Ndasundura masahi gi livamwoyo liavo hasi ku lirova.”

Jeremia 12:12

Engereka wivisuru vie viangalangwi, avandu vamali kuuza ku valanya. Mali kutuma uvulwani kwononyia kivala choosi; siaveeyeho kali mulala oveeye mumirembe mba.

Jeremia 13:13

Kunangwa uvavoolera ndi, Inzi Yahova, mboraa ndi, ndanwehiza vandu vikivala yiki iwaini kuduuka lwa vahambika: avami avaveeye visukululwi via Daudi, avasaalisi, avaporofeti kandi avandu vosi avamenyi mu jerusalemi.

Jeremia 22:10

Avandu vi Ivuyuda, mutalira kigira mwami Josia mba, kandi mutasioma kigira likuza lilie mba. Navuzwa muliri vululu ligali kigira Joahazi mwana weve. Vamuvugura nu kumuhila mukivala chi ihale, si alirana kandi mba, sialalola kivala chiche cha yiivulwa mu kandi mba.

Jeremia 25:16

Lwa vanwa iwaini yiyi, valayekayeka kuli avahambiku kandi valagota zing'anagani, kigira iliihi liandumaa hagati haavo.”

Jeremia 46:10

Yili nilidiku liu Mwami munene Yahova Wuvunyali: kalunu alavaanza kisaalia; kalunu alahaana amageri ku avasigu veve. Kivavi chiche kilavalia kuduuka lwa chizula, kandi kilanwa masahi gaavo kuduuka lwa chiguta. Kalunu Wuvunyali alahaana kisiuviriru mu kivala chi Ivaale ku mugera gwa Efurate.

Jeremia 46:14

“Ulandizi mu madaala ga Egebeti, mu Migidoli, Mefisi na Tahapanesi: ‘Mwetegeke kwikinga munyi aveene; viosi viamuveeye navio viladivizilwa mu liihi!

Jeremia 50:35

Yahova avoora, “Likuza ku Babiloni! Likuza ku vandu valio, ku vimiliri valio, ku vasaza valio vovogeri.

Jeremia 51:39

Lwavava ni vaveeye ni nzara, ndavalombera lilia, kandi ndavakora valie kandi vanwi ni vasaangala. Valagona na sivalavuka kandi mba.

Jeremia 51:57

Ndakora avanene vaavo kandi avasaza vovogeri, avamihi vaavo kandi aviimiliri vaavo, na avasikari vaavo vahambiki. Valazia kogona na si valavuka kandi mba. Inzi, mwami, Yahova Wuvunyali, mali kovora.

Lisyoma lya Jeremia 4:21

Museke O, munyi avandu va Edomu, na avamenyi mu kivala cha Uzi, musangare kuli munyaliza. Navuzwa munyi kandi muladuuka mukivi; mulatuliza zinguvu nukutigara chahonyo.

Amosi 8:14

Yavo aviisuhaa ku lieta lia Ashima, umunyasaye wa Samaria, avavooraa, ‘Ku Nyasaye wa Dani’; anoho ‘Kunzira ya Beerisheba’; valagwa na sivalavuka kandi mba.”

Nahum 3:11

Munyi avandu va Nineve, mulakahambiki! Mulakagelizi kwiluka kutura ku vasigu vinyu.

Habakuk 2:16

Munyi kandi mulava mu zisoni havogono hu kuva nu luyali. Munyi mulakanwi kandi mulakagende ni muyekayeka. Yahova alakahaane mageri ku munyi kuli gamudukira, kandi luyali lwinyu lulakagirunganywi kuva lichaya.

Kwidzulitsa 32:42

Imivano jange juvuta jilatonyatonya amasahi gaavo, kandi kivavi change kilaviita vosi avahing'anaa niinzi Sindaleka mundu kali mulala kuva mwoyo ulwaana niinzi; kali vandu avizing'oma na vahambe valakuza!’

Likunula 14:10

Ye umwene kandi alanwa iwaini yu vutima vwa Nyasaye imali kuzukwa mu kekombe vugira kuzuganywa nu uvutima vwa Nyasaye! Kandi alasalirizwa nu muliru gwi kibiriti imbiri wi zingelosi avatakatifu kandi imbiri wu Mwana wi Ligondi.