Jeremia 25:15 - KITABU KITAKATIFU

¹⁵ Yahova, Nyasaye wa avandu va Isiraeli, yambolera, “Mbeeye nu vutima uvunyingi kuli kekombe chizuuyi iwaini. Vugula kekombe yiki chuvutima vwange uhili ku zihiiri ziosi zia Inze ngutumaa kuzio, na uvakole kunwa iwaini yiyi.

Jeremia 25:15 ပူးပေါင်းရင်းမြစ်များ

Ayubu 21:20

Leki avoni vanyoore amageri gaavo aveene. Leki vahevwe uvutima vonene vwa Nyasaye Wuvunyali.

Zaburi 11:6

Yahova atumaa amanda gu muliru, ni kibiriti kisambaa ku vachamu vosi. Ahaanaa amageri kuvo ni kihuzuzi kisambaa.

Zaburi 60:3

Ivi umali kokora avandu vovo kusalira vululu ligali. Kuguyaguyaa vuzwa yiyi ni yiyi kuli avandu vahambiki iwaini.

Zaburi 75:8

Yahova ugumiyi kekombe mu mukono gwigwe, nichizuyie iwaini induru yu vutima vwivwe. Agisundulaa ichova na avandu vachamu vosi vu mulirova, vaginwezaa; yee, vaginwezaa ku engelageriza yu kumalirika.

Zaburi 75:9

Navuzwa inzi sindaleka komoloma amakuva ga Nyasaye wa Yakobo. Anoho kolekera ukwimba zinyimbu ziu kumwizominya mihiga ni mihiga mba.

Isaya 14:26

Yili ni lilohiza liange ku lirova liosi, kandi nanyiira mukono gwange kuhaana amageri ku zihiiri ziosi.”

Isaya 34:2

Yahova aveeye nu vutima ni zihiiri ziosi harara na mahi gaavo goosi. Umali kuvakalagira likuza.

Isaya 51:17

O, Jerusalemi, vuka! Vuka ivi mwene na usingiri vulungi! Ivi umali kunywa kutula mukekombe cha mageri icha Yahova amali kukuha mu vutima vwivwe; lwa mwakinywa mwagoyana.

Isaya 51:22

Yahova, Nyasaye winyu, ukingaa munyi avoora, “Inzi mali kutuliza ho vutima vwa ndamuha mu vutima vwange. Simulanwa kandi iwaini imukolaa kugoyana mba. Si mulanwa kandi lubaago lwu vutima vwange mba.

Isaya 51:23

Ndanwehiza avadambizi vinyu kekombe yicho. Yavo avamukola mugone hasi mu zinzira. Ni vakora migongo jinyu kuli lirova, kandi kuli inzira yaavo yukuvitira ku.”

Jeremia 1:5

“Ndaakotovola imbiri wa ndaali ningikiri kokolomba munda mwa mama woovo, kandi ndaaku takasa imbiri wa waali nukikiri kwivulwa. Ndaakotovola kuva muporofeti kuzihiiri.”

Jeremia 36:2

“Vugula ikaratasi ilingiywi na ong'ode ku amakuva goosi agaamali kokovoolera kigira avandu va Isiraeli na avandu vi Ivuyuda kandi ni zihiiri ziosi. Ong'ode amakuva goosi agandakovolera kutura ing'inga ya ndamoloma ku ivi mulitanga, lwa Josia yaali mwami kuduuka lero.

Jeremia 43:11

Nebukadineza alaza na alaguuta Egebeti. Avandu valagirwa likuza liuvulwaye vaza vakuzi kigira uvulwaye, yava avalagirwa kuzia ihale kuli avahambe navahirwi ihale kuli avahambe, yavo avalagirwa likuza mu vulwani navitirwi muvulwani.

Jeremia 45:5

Weyenyela likolerwa vulahi ivi mwene? Utakola ndio mba. Inzi ndeta kivi ku avandu vosi, navuzwa ndakohonyia vuli havundu hoosi ha uzia. Inzi, Yahova mali kovora.”

Jeremia 46:1

Yahova yamoloma ninzi kigira zihiiri,

Jeremia 48:26

Yahova yavoola, “Munyi avandu va Moabu, mulakolwa kuva kuli avahambiku, kigira mumali kwibaala ku inzi. Mulagalagala mu maluki ginyu aveene, kandi avandu valamusekeriza.

Jeremia 49:12

“Kali niiva yavo avataduukanaa vahevwe mageri, muganaganaa mulavula kohevwa mageri? Awa munyi kuduuka munyore mageri malala mere!

Jeremia 51:7

Avandu va Babiloni vaali kuli kekombe chi zahabu mu mukono gwange, ichaloomba kivala choosi kuhambika. Zihiiri zianwa iwaini ma nivararuka.

Ezekieli 23:32

Yahova Wuvunyali avoora, “Ulanyora mageri malala mere, kuli aga mwavo woovo yanyoora; gaveeye manene kandi amalulu. Vuli mundu alakusekeriza kandi alakokolera kehenyahenye; amageri yaga gaveeye maduukiru.

Ezekieli 23:33

Ulava kuli muhambiku kandi wovovereri, amageri gu kutihiza kandi gu kudiviza, amageri ga mwavo woovo Samaria.

Ezekieli 29:12

Ndakora kivala cha Egebeti kuva hazwa ligali mulirova. Ku mihiga 40, madaala manene ga Egebeti galakave mang'anye; galava madamanu ligali kuvita lidaala lindi liosi. Ndakora vandu va Egebeti kuva avahambe. Valakirukili muvuli vivala kandi valakamenye hagati muvandu vandi.”

Ezekieli 36:5

“Inzi Yahova Wuvunyali mali kovora mu vutima vwange vululu ku zihiiri ziamukumbeliza, kukila ligali avandu va Edomu. Vaavugura kivala change harara ni miandu jacho josi ni liekonya kandi ni lilegeriza.

Obadia 1:16

Avandu vange vamali konyoora mageri amalulu ligali ku kiguru change kitakatifu. Zihiiri ziosi ziveeye ahimbi zilanyoola mageri, zilazizagilira konyoora mageri malulu ligali. Ziosi zilanyoola mageri goosi nukudiva ligali.

Habakuk 2:16

Munyi kandi mulava mu zisoni havogono hu kuva nu luyali. Munyi mulakanwi kandi mulakagende ni muyekayeka. Yahova alakahaane mageri ku munyi kuli gamudukira, kandi luyali lwinyu lulakagirunganywi kuva lichaya.

Likunula 14:10

Ye umwene kandi alanwa iwaini yu vutima vwa Nyasaye imali kuzukwa mu kekombe vugira kuzuganywa nu uvutima vwa Nyasaye! Kandi alasalirizwa nu muliru gwi kibiriti imbiri wi zingelosi avatakatifu kandi imbiri wu Mwana wi Ligondi.

Likunula 14:19

Engelosi zana yanuya engonono yeyo ku lirova, naahalula umuzabibu gwi lirova, navungiza amazabibu gagwo nu kugaviika mu kiminiru kenene chu uvutima vwa Nyasaye.