Jeremia 22:21 - KITABU KITAKATIFU

²¹ Yahova yamoloma ku munyi ing'inga ya mwali ni mwagasizwa, navuzwa mwasuura kuhuliriza. Mwakora yaga mulimenya lienyu liosi, simwali munyala kutia Yahova mba.

Jeremia 22:21 ပူးပေါင်းရင်းမြစ်များ

2 Kyetsinyinga 33:10

Yahova yiganihiza Manase na avandu veve, navuzwa vasuura kuhulira.

Zaburi 129:1

Sa mulala ku vandu vi ihiiri ya Isiraeli avoole: “Avasigu vange vangubiza kivi ligali kutura mu vwana vwange!

Tsing'ano 30:9

Niimba ni chukulia kinyingi, nyara kuvoola ndi si ngwenyaa mba. Navuzwa nimbeeye mudaka nyara kwiva ma mbane izisoni ku Nyasaye wange.

Isaya 48:8

Munyi simwahulira, kandi simwamanya kutura mu madiku gakale mba. Inzi ndaamanya ndi munyi muveeye avagaadi, kandi muveeye avibaali kutura mu liivulwa lienyu.

Jeremia 13:10

Avandu vadamanu yava vasuuye kutia inzi. Vamala kuva avahindagirizi kandi avachamu kuli maziambiri, kandi vamala kusigamira nukuyinzilira avanyasaye vandi. Kulwayago valava kuli zimbala yizi zitaveeye zindahi mba.

Jeremia 19:15

ndi, Yahova Wuvunyali, Nyasaye wavandu va Isiraeli, avoora, “Inzi nziza koleta kulidaala yili Kandi ku lidaala lindi liosi liahimbi amageri goosi agandavoola ndakakole, kigira muveeye avahindagirizi kandi simulahulira agambooraa mba.”

Jeremia 2:25

Avandu va Isiraeli, mutasaliriza virenge vienyu mba, anoho mutava nuvuha na avanyasaye vandi mba. Navuzwa muvooraa, ‘Awa, si kunyala kwirana inyima mba. Kwayaanza avanyasaye vandi avageni. Kandi kulavasigamira.’ ”

Jeremia 2:31

Munyi avandu va Isiraeli, muhulirize agambooraa. Inzi mali kugwa kuli changalangwi ku munyi, kandi kuli kisundi ligali kandi kivala chu vuhimwa? Kigira ki muvooraa ndi mulakola kuli gamuyaanzizaa, kandi simunyala kwirana ku inzi mba?

Jeremia 25:3

“Ku mihiga 23, kutura ku muhiga gwa 13 lwa Josia mwana wa Amoni yaali mwami wi Ivuyuda kuduuka ing'inga yiyi, Yahova umali kumoloma ku inzi, na inzi ndaamuvolera goosi agayaambolera. Navuzwa munyi si mwahulira mba.

Jeremia 25:4

Kali niiva Yahova yaazizagilira kutuma ku mwinyi avatumikiri veve avaporofeti, navuzwa si mwenya kuhuliriza mba.

Jeremia 25:7

Navuzwa Yahova mwene avoora ndi, mwasuura kumuhulira. Mu vogono vwene yivwo, mwamukola kuva nu vutima ni vifananyi vinyu, na mulikola ndio, mumali koleta amageri geege ku munyi aveene.

Jeremia 25:8

“Kunangwa, kigira si mwahulira, Yahova Wuvunyali, avoora,

Jeremia 3:24

Navuzwa lisigamira Baali nyasaye wizisoni, limali kokora kogotizi iviayo ni mitugu kandi navana vayaayi na vakana, nivindu viosi iviavaguuga viitu vanyola muliyinzira vudinyu kutura muzing'inga ziakale.

Jeremia 3:25

Gakuduukiraa kogone hasi muzisoni kandi koleke lileganywa lietu likukuniki. Kunyi navaaguuga viitu kumali kwakora uvwoni ku Yahova Nyasaye wiitu haali kanyingi. Sikwatia malago geege mba.”

Jeremia 32:30

Avandu va Isiraeli kandi avandu vi Ivuyuda vamali kokora uvudamanu imbiri wange kutura mu vosooleri vwavo. Avandu va Isiraeli vamali kumbihiliriza kumiyinzi jaavo.

Jeremia 35:15

Nzizagilira kumutumira avaporofeti avatumikiri vange vosi, kandi vamali ku muvooleraa muleke likora lienyu liuvuchamu na mukore agaveeye malungi. Vaamwiganihizaa kuvula kusigamira nukutumikira avanyasaye vandi, kunangwa muzizagiliri komenya mukivala cha ndamuha navaaguuga vinyu. Navuzwa simwahulira inzi mba.

Jeremia 48:11

Yahova avoora ndi, “Avandu va Moabu vamenya mu likingwa kazozo, na sivahilwaku mu vuhambe mba. Vaveeye kuli iwaini iviikiywi mu kiju kilala vujira kwituruka kutura mu kiju kilala kuzia mu kiju kindi. Ovonolu vwayo si vwayononywa mba, kandi lizazama liayo liveeye lilahi kazozo.

Jeremia 6:16

Yahova yavolera avandu veve, “Musingiri muvwavukaniru vwizinzira na muhenze. Muvateeve zinzira ziakale kandi winzira indahi eveeye. Mugeendeku kandi muramenya mumirembe.” Navuzwa vavoola, “Awa kokora mba!”

Ezekieli 20:13

Navuzwa avandu va Isiraeli vibaara ku Inzi mwigendanyama. Sivagumira lilago liange mba, kandi vasuura malago gange agaleetaa livamwoyo ku mundu woosi wegehiza kugo. Vamali kwononyia lidiku liange lie Lisabato. Ndavika kuva nu vutima vwange vululu mwigendanyama kandi ndavadiviza ligali.

Ezekieli 20:21

“Navuzwa vana vaavo vibaara ku Inzi; vaavunanyia lilago liange kandi sivagumira malago gange agaleetaa livamwoyo ku mundu woosi wegehiza kugo mba. Vonogonyia Lidiku liange lie Lisabato. Ndaaganagana kuva nu vutima vululu kuvo mu changalangwi nu kuviita vosi.

Ezekieli 20:28

Ndaavaleta mu kivala cha ndaali nindaviisuhira ndavaha, valora vigulu vitambi kandi misaala ja matu mavisi, nivahaana visiuviliru kuvio viosi. Vaangora kuva nu vutima kigira visiuviliru via vasamba kandi iwaini ya valeta kuva kihanwa.

Ezekieli 20:8

Navuzwa vibaara ku inzi kandi sivenya kumbulira mba. Si venya koleka anoho kusiuva ihale vifananyi viukuvihiliriza viavo anoho koleka vanyasaye va Egebeti avavaali ni vayaanza mba. Mu vutima vwange uvululu, inzi ndaatovora kuhaana mageri ku vandu va Isiraeli mu kivala cha Egebeti.

Zefania 3:2

Siliahuliriza Yahova anoho kuvugilira konyoora mageri mba. Si liasuuvira Yahova anoho koteeva vokonyi kutura kuye mba.

Zekaria 7:7

Yahova yavoola yaga kuvitira mu vaporofeti vaali ho kale ing'inga lwa Jerusalemi yaali nu vutugi na vandu vanyingi, kandi lwa vandu vavura komenya mu madaala gakumberiza lidaala linene kandi mulosoma lwi Isavaalu, kandi hi vigulu vie madioli vitangira.

Kwidzulitsa 31:27

Manya kirage chavo nuvwibaali vwavo. Henza, niiva vibaara ku Yahova ing'inga ya ngikiri mwoyo harara navo, navalandi inyima wi likuva liange!

Kwidzulitsa 9:24

Kutura nimumanya, mwayibaala ku Yahova.

Kwidzulitsa 9:7

“Mwizurizi yaga kandi mutivilira kuli mwavihiliriza Yahova Nyasaye winyu muchangalangwe mba. Kutura ku lidiku liamwatula mu kivala cha Egebeti kuduuka lidiku lia mwaduuki hano, mwayibaala ku Yahova ligali.