Jeremia 2:3 - KITABU KITAKATIFU

³ Munyi avandu va Isiraeli mwaali avatovole vange; mwaali kuli amakuyu gange gokogesa. Ku mundu woosi umusaaliriza, ndaleta kivi kandi uvudamanu kuye, Inzi Yahova mali kovora.”

Jeremia 2:3 ပူးပေါင်းရင်းမြစ်များ

Kutwula 22:29

“Muhaane kuinzi zisadaka zie ligesa lienyu, lie iwaini yienyu namaguta gamizeituni ginyu lwa muva nimwakagesa. “Muhaane ku inzi avana vayaayi vinyu vukutanga kwivulwa.

Kutwula 23:16

“Mulindi kandi mwizurizi lisavo lwa mutanga kogesa viukulia vienyu “Mulindi kandi mwizurizi lisavo lia madiri mu ing'inga yi ichuvwi, lwa muvungiza amakuyu ginyu kutura mu milimi jinyu je vizabibu.

Isaya 41:11

“Yavo avamudunyira, valaduuka mu zisoni ziukuguutwa; yavo avahing'anaa nimunyi valava kindu vuzwa kandi valadiva.

Isaya 47:6

Inzi ndaali nu vutima na vandu vange; ndaavakolera kuli sivali vandu vange mba, ndaavaviika mu zinguru ziu vwami vwa Babiloni, kandi siwavavererera mba. Kali avasaakulu avakulundu vaali mulilindika lidinyu ligali.

Jeremia 12:14

Yahova avoora, “Inzi mbeeye nichokovoola ku vatende va Visiraeli avamali kwononyia kivala chandaha avandu vange Isiraeli. Ndahira avandu vachamu yavo ihale kutura muvivala viavo kuli musaala gwihiywi, kandi ndasoora avandu vi Ivuyuda kutura muvo.

Jeremia 2:4

Huliri Likuva lia Yahova, munyi visukululwi via Yakobo, munyi zihiiri ziosi zia Isiraeli.

Jeremia 30:16

Navuzwa kalunu, vosi avamudiviza navo kandi ndavadiviza, kandi avasigu vinyu vosi valahirwa ihale kuli vahambe. Vosi avamudambizaa navo kandi valadambizwa, kandi vosi avamuranya navo valaranywa kandi.

Jeremia 50:7

Vosi avavanyooraa vavingilira. Vasigu vaavo vavoola, ‘Vaakolera Yahova uvwoni, kandi ndio, agakumali kokora sigaveeye amadamanu mba. Avaguuga vaavo vaasuuvira mu Yahova, na yavo aveene ngano vaali vasuuviri muye.’

Joeli 1:3

Muvoolere ku avana vinyu ageene yago; navo navavoolere avana vaavo, navo navavoolere likula lizaa.

Amosi 6:1

Oh, vayaayi, kivi keveeye ku yavo averemerizaa mu jerusalemi kandi ku munyi avalolaa muveeye ni mirembe ku kiguru cha Samaria, munyi avasaza vanene ava ihiiri enene yiyi, Isiraeli, munyi ava avandu vazizaa kuvo ukwenya ovokonyi!

Habakuk 1:11

Maku vavitaa vwangu kuli vukindu ma vazia, nyasaye wa vandu yava ni zinguru ziavo.”

Zekaria 1:15

Navuzwa mbeeye nu vutima vunyingi ligali ni zihiiri zisangaliraa vweremerizi ni mirembe. Lwa ndaali nengehizi vutima vwange ku vandu vange, zihiiri yizi ziameeda vusaliri ku vandu vange.

Zekaria 2:8

Mundu woosi ukuduka amanyirizi ndi aduyaa endolero yemoni yeeye.” Kunangwa Yahova Wuvunyali yanduma na makuva yaga ku zihiiri ziali ni zialanya vandu veve.

Livalidza 18:12

“Mbana kuivi vindu viosi vilahi viukutanga muligesa lia avandu va Isiraeli vahaana ku inzi vuli muhiga: amaguta ga muzeituni, iwaini kandi vuswage.

Varumi 11:16

Niiva kedonye chu kutanga chu mugadi kihanwa ku Nyasaye, kunangwa mugadi gwosi goveeye gwa Nyasaye, kandi niiva imiliju musaala jihaanwa ku Nyasaye, iziisia nazio ni zia Nyasaye.

Varumi 16:5

Mirembe jange kandi jiduuki ku likanisa livuganiraa munyumba yaavo. Mirembe jange jiduuki kandi ku Epainito mulina wange muyanze, waali wu kutanga mu kivala cha Asia kusuuvira mu Kristo.

Vafeso 1:4

Kali lirova nilikikiri kolombwa, Nyasaye yaali niyamala kotovola kunyi kove vandu aveeve kuvitira mu vuhambani Kristo kunangwa kuduuki kuva avatakatifu kandi vugira imbara mbiri weve. Kigira vuyanzi vwivwe,

Kwidzulitsa 14:2

Muveeye avandu vatovole va Yahova Nyasaye winyu. Kutura mu vandu vosi ku lirova, Yahova umali kotovola munyi muve avandu veve mwene.

Kwidzulitsa 26:19

Alakamukole muve avanene kuvita ihiiri yindi yoosi ya yalomba, kandi mulahaana lisandiza nu luyali ku lieta lilie. Mulava avandu veve, kuli yamusuuviriza.”

Kwidzulitsa 7:6

Mukore ndio kigira muveeye vandu va Yahova Nyasaye winyu. Kutura mu vandu vosi vilirova, Yahova Nyasaye winyu yamutovola muve avandu veve avadukiru kuvita avandu vandi.

Yakobo 1:18

Ku vulaliri vwivwe umwene, yakoleta mu livamwoyo kuvitira mu likuva lie ligali, kunangwa kuduuki kuva kuli amakuyu gu kutanga hagati hi ivilombe vivie.

1 Petro 2:9

Navuzwa munyi muveeye ihiiri etovoleywi, avasaalisi vu Mwami, avandu avatakatifu, avandu va Nyasaye mwene, yavo avatovolwa valandizi uvulahi vwa Nyasaye, uyu wamulanga munyi muturi mu kisundi muduuki mu vulavu vwivwe vwokogenyia.

Likunula 14:4

Yava nivo avasaza avilindaa na vavula kokora ovoheyi na vakali; aveene vayilinda kandi vaveeye avagima. Yava nivo avalondanga Mwana wi Ligondi hoosi na hoosi aha azizaa. Yava vahonywa kutura mu avandu vandi vaveeye va Nyasaye amakuyu gukutanga kuhaanwa ku Nyasaye kandi ku Mwana wi Ligondi.