Jeremia 2:24 - KITABU KITAKATIFU

²⁴ Muveeye kuli isukiri yu muvulimu inyagura mwigendanyama, lwa eveeye mulienya kutumwa eheranaa mwika kuli imbuza! Nivwaha unyala kugigaya kutura ku lienya liu muviri gwayo? Isaza yoosi eveeye ni lienya nayo, si ilanyangana mba. Isukiri yiyi ilanyooleka ing'inga yoosi ya yenya kutuma.

Jeremia 2:24 ပူးပေါင်းရင်းမြစ်များ

Ayubu 11:12

A vandu vasiru valatanga kuva avageri, niiva zibunda ziumbulimu zilivula mundu.

Ayubu 39:2

Umanyi ing'inga ya zimalaa ku ziivulaa? Umanyi ing'inga ya ziivulaa?

Jeremia 14:6

Zisukiri ziu mu vulimu zisingiraa ku zindongozi zie vigulu kandi zigamulaa mwika kuli vivwi. Zimoni zia zio si zilolaa vulahi mba, kigira si ziveeye ni chukulia mba.

Jeremia 2:27

Munyi vosi mulavikwa mu zisoni, munyi avavoora ndi umusaala goveeye kuli baba winyu, kandi lwanda loveeye mama winyu. Yaga galakoleka kigira mwagirung'ana kuzia ihale kutura ku inzi havogono hukugirung'ana nu kuza ku inzi. Navuzwa lwa muveeye mu vudinyu, muteeva inzi kuza nu kumuhonyia.

Ezekieli 16:33

Liraya lihevwa mitungu, navuzwa munyi muheezaa avayaanze vinyu vihaanwa kandi muvahezaa viambeti vaze kutura havundu hoosi kunangwa vagone nimunyi,

Hosea 5:15

“Inzi ndaleka avandu vange kuduuka lwa vasalira ligali kigira uvwoni vwavo kandi valaza konyenya. Namusia mulisalirizwa liavo valageriza kwenya Inzi.”

Hosea 8:9

Avandu va Isiraeli vavoyavoya veng'ine kandi vaveeye kuli zihiiri zindi kandi kuli zibunda ziu muvulimu. Vamali kuzia nukwenya vokonyi kutura ku avandu va Asiria, kandi vamali kutunga zihiiri zindi kunangwa zivakingi.