Jeremia 18:18 - KITABU KITAKATIFU

¹⁸ Maku avandu vavoola, “Hambi, gendi kolohizi mu vwivisu kwingilira Jeremia; kigira liegiza lielilaga navasaalisi, anoho konyoora amigizu kutura ku vageri, anoho makuva kutura ku vaporofeti sigalagota mba. Kunangwa hambi, kumwingiliri namang'ana giitu malulu kandi kuvuli kuhuliriza ku kindu choosi cha avoora.”

Jeremia 18:18 ပူးပေါင်းရင်းမြစ်များ

2 Samweli 15:31

Lwa Daudi yavolerwa ndi, Ahizofeli yiyungi ni liebaala lia Abisolomu, yasaala, “Yahova, mwaza, girung'anyia lihaana zing'anagani zia Ahizofeli kuva uvusiru!”

2 Samweli 17:14

Abisolomu na vandu va Isiraeli vosi vavoola, “Livoora lie zing'anagani zia Hushai liveeye lilahi kuvita lia Ahizofeli.” Yahova yaali natovoye livoora lilahi lia Ahizofeli livuli kolondwa kunangwa lidivizwa liduuki kuuza ku Abisolomu.

1 Avami 22:24

Hene yaho muporofeti Zedekia yazia ku Mikaya, naamwala luhi mumoni, navoora, “Kutura ng'inga ki Roho gwa Yahova goleki inzi nokomoloma ku ivi?”

2 Kyetsinyinga 24:21

Mwami Joashi yahambana na vandu nivikiruka muporofeti Zakaria, na ku lilaga liu mwami, avandu valasa Zakaria na magina mu mugizi gwi Litembeli.

Ayubu 5:13

Agumiraa avageri mu vogeri vwavo; Kandi agayaa lilohiza liavo liu vugadi ma lihelizwa vwangu.

Zaburi 21:11

Valomba lilohiza liavo, nukumuganaganira uvudamanu. Navuzwa sivalaguuta mba.

Zaburi 52:2

Ivi olohizaa muvwivisu kudiviza avandu vandi; lulimi lulwo loveeye kuli logembe lwugi. Ovola uvugadi vwere kazozo.

Zaburi 57:4

Avasigu vange vamali kungumbiriza, vaveeye kuli zisimba ziveeye ninzara izienyaa kulia avandu. Amiinu gazio gaveeye kuli amatimu kandi mivano ju vuta; na zinimi ziavo ziveeye kuli vivavi viugi.

Zaburi 64:3

Vahiagalaa zinimi ziavo kuli vivavi, valasaa makuva malulu kuli mivano juvuta.

Tsing'ano 18:21

Amakuva agovoola galahonya livamwoyo anaho galalidiviza, kunangwa gakuduukiraa uvugiliri makuyu ga makuva googo.

Isaya 32:7

Mundu muyingu aveeye mudamanu kandi akolaa vindu vidamanu. Alohizaa mu vwivisu aduuki kudiviza avadaka na amakuva gu vugadi, kandi ahingiraa vadaka vavuli konyoora uvulungi vwavo.

Jeremia 1:19

Avandu yava valakulwaana, navuzwa si valakuguuta mba, kigira mbeeye harara na ivi na ndakukinga. Inzi Yahova mali kovora.”

Jeremia 11:19

Ndaali kuli kememe kehoma ikihilwa kwitwa. Navuzwa si ndaamanya ndi avasigu vange valohiza vindu vidamanu ku inzi mba. Vavoola ndi, “Koteme musaala yigu nigukikiri na amatu amavisi; kumwiti kunangwa mundu navuli kumwizuliza kali hakuzu.”

Jeremia 18:11

Kunangwa kalunu, ovoolere avandu vi Ivuyuda na Jerusalemi ndi ndohizaa zing'anagani ziukuvingilila kandi nzetegekaa kuvaha amageri. Uvavoolere valeke komenya muvwoni - vagirung'anyie zinzira ziavo ni vindu viavakola.

Jeremia 18:19

Kunangwa ndasaara, “Yahova, uhuliriza agambooraa kandi huliriza aga vasigu vange vavola ku inze.

Jeremia 2:8

Avasaalisi si vateva, ku ‘Yahova aveeye hayi?’ Yava avaari ni lilago sivamanya inzi mba. Avamihi vibaara ku inzi avaporofeti vaporofeta mu lieta lia Baali, kandi nivasigamira vifananyi via vuzwa.”

Jeremia 20:10

Mbulira vuli vandu nivamonya, “Litihiza liveeye havundu hoosi! Kulwayago, kulamuvoola ku vanene!” Kali avalina vange vahimbi ligali valindilira ku ligwa liange. Avalina yava vavoola, “Hawundi anyala kugadwa, maku kunyala kumugumira kandi kuvanze kisaalia.”

Jeremia 26:11

Kunangwa avasaalisi navaporofeti vavoolera aviimiliri navandu, “Umundu uyu adukanaa kukalagirwa likuza kigira omolomi vudamanu ku lidaala lietu. Mwamuhulira munyi aveene.”

Jeremia 37:13

Navuzwa lwa ndaaduuka mu kirivwa cha Benjamini, umundu walangwa Irija, mwana wa Shelemia mwisukulu wa Hanani, munene ulindaa avasikari vaaliho ku miyinzi, yasingiriza navoora, “Ivi ung'anyaa kuzia mu vandu va Babiloni!”

Jeremia 43:2

maku Azaria mwana wa Hoshaya na Johanani mwana wa Karea na avandu vandi vosi vikirage vambolera, “Ivi ovoraa vovehi. Yahova Nyasaye wiitu siatumi ivi okovolere kuvuli kuzia komenya mu Egebeti mba.

Jeremia 44:16

“Kunyi kusuuyi kuhulira amakuva ga umali kokovoolera mu lieta lia Yahova.

Jeremia 44:17

Navuzwa kulakola vindu viosi via kwavoola kulakola. Kulahaana visiuviliru ku nyasaye wiitu wi kikali, mwami wikikali wu mwigulu, kandi kulahaana vihaanwa vie Iwaini kuye, kuli kwakora na avaguuga viitu, avami na aviimiliri viitu kuli vakoola mu madaala gi Ivuyuda kandi mu zinzira zia Jerusalemi. Mulikola ndio, kwalange ni viukulia vinyingi; kwagasizwa kandi si kwali nu vudinyu mba.

Jeremia 8:8

Munyi munyalandi kovora muveeye avageri, kandi mwamanya amalago gange? Henza, avang'odi avataveeye avasuuvirifu vamali kugirung'anyia amalago kugwa ovovehi.

Lisyoma lya Jeremia 3:62

Vamoloma kuinzi lidiku liosi nokolomba lilohiza liavo liumuvwivisu kunzita.

Ezekieli 7:26

Kivi kenene kilaaza vuli kase kandi ulusuma lwa makuva govovehi lulaza. Valageliza konyoora malola kutura ku muporofeti; liegiza lielilaga navasaalisi lilagota, kandi lihaana zing'anagani kutura ku vakulundu lilagota.

Kyavalevi 10:11

Kuduuka mwigizi avandu va Isiraeli malago goosi ga inzi mali kumuha kuvitira mu Musa.”

Mika 3:6

Kulwayago, uvudiku vulaza ku munyi vugira malola, kandi kisundi kiladuuka ku munyi vugira uvusigitiri. Iliuva lilayelera avaporofeti, kandi lidiku lilava kisundi kuvo.

Mika 3:7

Avaloli valava muzisoni; kiyira ligutwa liavo. Vosi valakunika minwa jaavo, kigira Nyasaye sialavativulira mba.”

Malaki 2:7

Miyinzi ja vasaalisi nu kwigiza agaveeye gagiligali ga Nyasaye. Avandu gavadukiraa vazie kuvo kwiga liiva liange, kigira vaveeye vatumwa vange.

Luka 11:45

Mulala ku avigizi vi Lilaga yamuvolera, “Mwigizi, lwa ovola yaga onyegaa kunyi kandi.”

Yohana 9:40

Valala ku Avafarisayo avaari ahimbi naye vahulira amakuva yaga, nivamuteeva, “Kali kunyi koveeye ndio kandi?”