Jeremia 17:27 - KITABU KITAKATIFU

²⁷ Navuzwa kuduuka vatie nu kulinda. Lidiku lie Lisabato kuva Litakatifu, kandi sigavaduukira kuginga misigo nu kwingira mu virivwa via Jerusalemi ku lidiku lie Lisabato mba. Ni vakora ndio ndahambiza muliru nu kusamba virivwa vie lidaala linene, kandi gulasamba zinyumba ziu vwami ziosi zia Jerusalemi kandi si gunyala kusiminywa mba.”

Jeremia 17:27 ပူးပေါင်းရင်းမြစ်များ

2 Avami 22:17

Vamali kondeka kandi vamali kuhaana visiuviliru ku vanyasaye vandi, nandio vamali kuvukiza uvutima vwange ku miyinzi ja vamali kokora. Uvutima vwange vwakiziywi ku Jerusalemi, navwo sivulasiminywa mba.

2 Avami 25:9

Yasamba Litembeli lia Yahova, inyumba yu vwami, harara ni zinyumba zia avandu vanene mu Jerusalemi,

2 Kyetsinyinga 36:19

Yasamba Litembeli lia Nyasaye kandi lidaala linene harara nizinyumba ziuvwami zialio, kandi nivononyia uvutugi vwalio naduya lidigi lie Lidaala.

Zaburi 122:7

Leka mirembe jive musi mwa madigi ginyu, Kandi likingwa mu zinyumba zienyu ziu vwami.”

Isaya 1:20

Navuzwa niiva mulasuura nu kwibaala ku inzi, mulitwa nikivavi. Inzi Yahova mali kovora.”

Isaya 1:31

Kuli uluvuva luhambizwa muliru neesese, nindio kandi vasaza vi zinguru valadivizwa muvikolwa viavo vidamanu, na sihalava numulala unyala kugaya lidivizwa zana yilio mba.

Jeremia 17:24

“Volera avandu yava ndi, gavadukiraa vatie amalago gange goosi. Vatageriza kuginga musigo gwosi kuvitira mu virivwa vie lidaala linene ku lidiku lie Lisabato mba. Gavadukiraa valikole kuva Lidiku Litakatifu kandi vatakola muyinzi gwosi kali hakuzu mba.

Jeremia 17:4

Mulaleka kivala cha ndaamuha nu kukihaana ku avasigu vinyu. Ndamukora mu vatumikiri avasigu vinyu mukivala cha mutamanyi kindu kali hakuzu, kigira uvutima vwange voveeye kuli muliru, kandi guladuka nu kusamba mihiga ni mihiga.”

Jeremia 18:1

Yahova yambolera,

Jeremia 21:12

O, Ivisukulurwi via Daudi, yaga nigo aga Yahova avoora: Mukore vulungi vuli lidiku ohonyie oyo umali kunuurwa kutura mu zinguru ziavadambizi, gase vutima vwange vulaloleka kandi vulaaka kuli muliru kigira uvudamanu vwamumali kokora. Namusambwe nasialavaho na mulala ulisiminya mba.

Jeremia 21:14

Navuzwa inzi ndamuha amageri kigira agamumali kokora. Ndasaamba zinyumba zienyu ziuvwami kandi muliru gulasamba vuli kindu keveeye himbi. Inzi Yahova, mali kovora.”

Jeremia 22:5

Navuzwa niiva simulatia malago gange, hene yaho, inze nzisuha ku munyi ndi, inyumba yu vwami yiyi ilagwa amang'anye. Inzi Yahova mali kovora.

Jeremia 32:29

Valahambiza muliru ku lidaala liene yili, nukulisamba ligali; harara ni zinyumba zia avandu vaanomba kuva nu vutima ku lisaamba vimuli ku Baali ku visegese vie zinyumba, kandi ku lisundula vihaanwa vie Iwaini ku avanyasaye vandi.

Jeremia 39:8

Inyima wa yaga, avandu va Babiloni vasamba inyumba yu vwami kandi zinyumba zia avandu ma nivaasambula amadigi gi lidaala linene lia Jerusalemi.

Jeremia 44:16

“Kunyi kusuuyi kuhulira amakuva ga umali kokovoolera mu lieta lia Yahova.

Jeremia 49:27

Ndasamba madigi ga Damasiko kandi ndasambura zinyumba ziuvwami zio mwami Benihadadi. Inzi Yahova Wuvunyali, mali kovora.”

Jeremia 52:13

Yasamba Litembeli, inyumba yu vwami, harara ni zinyumba ziosi zia avandu vanene mu Jerusalemi;

Jeremia 6:17

Maku Yahova yatovola avalindi avukuhuliriza kisiriva chukwiganihiza. Navuzwa vavoola, “Sikulahulira mba.”

Jeremia 7:20

Kulwayago, inzi Mwami Munene Yahova, ndaviika vutima vwange vululu ku Litembeli yili. Ndaviika kandi ku avandu harara ni zinyama, kali ni misaala harara ni vitagwa viu mumilimi. Vutima vwange vulava kuli muliru gutanyala kusiminywa nu mundu.

Lisyoma lya Jeremia 2:6

Yasambula havundu haavo hokomenya hatigala kuli mulimi, kandi yakola havundu haavo havatovola hukuvuganira kuva amang'anye. Yamali koheriza lidiku liavo lie lisavo kandi lisabato mu Ziyoni; yamali kuviika vutima vwivwe vululu ku avami kandi avasaalisi.

Lisyoma lya Jeremia 4:11

Yahova umali kololekiza vutima vwivwe uvululu. Uhambizi muliru mu Ziyoni ugwasaamba mise jie lidaala.

Ezekieli 16:41

Navasambe zinyumba zienyu kandi navaleke muganda gwa vakali kolola amageri gamuhezaa. Ndaaza mukore kolekera kuva amalaya kandi na mukore namuleke kuhaana vihaanwa kuvayaanze vinyu.

Ezekieli 21:15

Yaga gakoraa avandu vange kogeeha vuluviliri kandi kwikigatira. Inzi ndihizaa avandu vi lidaala liavo ni kivavi kehemahemaa kuli loheni kandi chetegeki kwita.

Ezekieli 21:3

ndi Inzi, Yahova, mboraa: Inzi mbeeye musigu winyu. Inzi ndasomola kivavi change mu chura chacho nu kwita munyi mwosi, avalahi navadamanu harara.

Ezekieli 22:8

Munyi mumali kolegeriza ivindu viange vitakatifu kandi mwayonogonyia lisabato liange.

Ezekieli 23:38

Si gaveeye yago geng'ine ga vaakora mba, navuzwa vonogonyia Litembeli liange kandi vaavunaga lidiku liange lie Lisabato, lia Inzi mwene ndaviikaho.

Hosea 8:14

“Avandu va Isiraeli vamali kwumbaka zinyumba ziuvwami, navuzwa vayivilira mulombi wavo. Avandu vi Ivuyuda vamali kwumbaka madaala manene gi zimbinga. Navuzwa inzi ndasamba zinyumba ziavo ziu vwami kandi madaala gaavo manene.”

Amosi 1:10

Kunangwa, ndatuma muliru ku madiji gi lidaala linene lia Tiro, na gulasamba zimbinga zialio.”

Amosi 1:12

Kunangwa ndatuma muliru ku lidaala linene lia Temani na gulasamba zimbinga zia Bozira.”

Amosi 1:14

Kunangwa ndatuma muliru ku madiji gi lidaala linene lia Raba na gulasamba zimbinga zialio. Lirira linene lilavaho mu madiku gu vulwani ni lifuliana kuli kihuzuzi.

Amosi 1:4

Kunangwa, ndatuma mulilu ku inyumba yu vwami yumbakwa nu mwami Hazaeli, na ndasamba zimbinga zie zinyumba zio vwami vwa mwami Benihadadi.

Amosi 1:7

Navuzwa ndatuma mulilu ku madigi gi lidaala linene lia Gaza na gulasamba zimbinga zialio.

Amosi 2:2

Kunangwa ndatuma muliru ku kivala cha Moabu na gulasamba zimbinga zia Keriozi. Avandu vi kivala cha Moabu valakuzira mu liyoga liu muliviti gwu vulwani na vasikari valakuba lwanga na visiliva.

Kwidzulitsa 32:22

Vutima vwange vuladuuka kuvo kuli muliru kandi vulasaamba vindu viosi ku lirova. Vuladuuka isi wikivala vakuzu nu kuhakiza misingi ji vigulu.

Vahebraina 12:25

Muhenze vulahi, mutasuula kuhulira uyu omoloma. Yavo avasuuraa kuhulira wahaana likuva litakatifu kutura ku Nyasaye ku lirova, sivalahona mba. Kunyi kulahona ndi nikwiyahula kutura ku omoloma kutura mwigulu!