Jeremia 16:17 - KITABU KITAKATIFU

¹⁷ Inzi ndolaa vindu viosi viavakola. Sikeveeyeho ichaaviswa kutura ku inzi mba; ndolaa uvwoni vwavo.

Jeremia 16:17 ပူးပေါင်းရင်းမြစ်များ

2 Kyetsinyinga 16:9

Zimoni zia Yahova zihenzaa havundu hoosi mu lirova liosi. Yahova ahaanaa lidinyiriza ku yavo avaveeye vasuuvirifu kuye. Kuyaga goosi, wakola uvudamanu, na kutura kalunu ulamenya mu, vulwani.”

Ayubu 10:14

Ivi wambenzeliza niiva ndakakoli vwoni, kunangwa usuuli kusamiha.

Ayubu 31:4

Nyasaye amanya vindu viosi viangolaa, nukuvaliza zinduvatiru ziange ziosi zia inzi senaa.

Zaburi 109:15

Leka Yahova yizulizi uvwoni vwavo kazozo, navuzwa yavo vene vivilirwi ligali ku lirova!

Zaburi 139:3

Ivi ondolaa kali lwa nyinziraa anoho lwa sosa: Ivi umanya vikolwa viange viosi.

Zaburi 33:15

Alombaa zing'anagani ziosi mu mwoyo gwa vuli mundu, kandi amanya vindu viosi via vakora.

Zaburi 51:9

Utahenza uvwoni vwange mba, na utulize ho uvudamanu vwange.

Zaburi 90:8

Ivi uviikaa uvwoni vwitu imbiri woovo. Uvikaa uvwoni vwitu vwumuvwivisu aha unyala kuvolola.

Tsing'ano 15:3

Yahova alolaa chekoleka havundu hoosi, akohezaa lwa kokoraa vulahi anoho vudamanu.

Tsing'ano 5:21

Yahova alolaa vindu viosi via okolaa. Hauzia hoosi, akohezaa.

Isaya 29:15

O, vayaayi, kivi keveeye ku munyi, avavisaa lienya liavo ku Yahova! Vakora gaveenya mu kisundi ma vaganagana ndi siaveeyeho numulala unyala kuvalola anoho kumanya agavakola mba.

Isaya 66:18

Inzi manyirizi zing'anagani ziavo, kandi miyinzi jaavo. Inzi nziza kuvungiza avandu vi zihiiri ziosi harara. Lwa navaze harara, valakalole likora lie zinguru ziange,

Jeremia 2:22

Kali niiva mulisinga ni isavuni inyingi ligali, navuzwa uvudamanu vwinyu vulaloleka imbiri wange.

Jeremia 23:24

Siaveeyeho nu umundu unyala kwivisa hanyala kuvula kumulora mba. Simumanyi inzi mbeeye havundu hoosi mwigulu kandi kulirova?

Jeremia 29:23

Yiki kilava ikivi kuvo, kigira valoleki kuva nuvwoni uvudamanu ligali. Vamali kokora ovoheyi kandi vamali kovora ovovehi mu lieta lia Yahova. Yaga gaali amadamanu ku Yahova; yamanya ligali agavamali kokora, kandi aveeye mulolekizi kuvo. Yahova Wuvunyali umali kovora.”

Jeremia 32:19

Olomba lilohiza lie zing'anagani kandi okolaa vindu vie zinguru; ololaa vindu viosi via avandu vakora, kandi uvahezaa madanyi kolondekana ni vikolwa viavo.

Jeremia 7:11

Muganaganaa ndi Litembeli liange liveeye kuli luhangaywa lwa avanuli vivisamu? Inzi mali kolola aga munyi mukoraa.

Ezekieli 8:12

Maku Nyasaye yambolera, “Mwana wu Mundu, ololaa agaviimiliri va Isiraeli vakora mu vwivisu? Vosi vaveeye mukeng'oze chizuuyi vifananyi kandi vavisigamiraa. Vavola ndi, Yahova akolola mba! ‘Yahova umali koleka kivala.’ ”

Ezekieli 9:9

Nyasaye yativura, “Avandu va Isiraeli na vandu vi Ivuyuda vamali kokora vwoni vudamanu ligali. Vamali kwita vandu mu kivala choosi kandi vamali kuviika likalaga litaveeye lirungi mu Jerusalemi. Vavoola ndi inzi Yahova, mali koleka kivala chavo kandi si mbalolaa mba.

Zefania 1:12

“Ing'inga yeyo ndakavuguli itaya nu kwenyeleriza Jerusalemi. Ndakahaane mageri ku vandu visuuvirizaa vene kandi avaluviriri, avevoora ndi, ‘Yahova siakolaa kindu choosi kilahi anoho kidamanu mba.

Zekaria 4:10

Valavihilirwa kigira miyinzi sijizizagiliraa vulahi mba. Navuzwa valalola Zerubabeli nazizagilira kwumbaka Litembeli, navalava nuvusangali.”

1 Vakorintho 4:5

Kunangwa mutakalagiri mundu wundi woosi ing'inga nikikiri kuduuka mba. Likalaga liu kumaliriza kuduuka lilindi lwu Mwami yaza. Alalang'aminya havulavu ivindu viaviswa viosi viu mu kisundi kandi alamanyia havulavu viaviswa mu zing'anagani zia vandu. Maku vandu vosi valakanyore lizoinywa lidukanaa navo kutura ku Nyasaye.

Vahebraina 4:13

Sihaveeye ho ni kindu kinyala kuviswa ku Nyasaye, vindu viosi vialombwa, viamanywa havulavu imbiri wizimoni zizie. Uyu niyie Nyasaye wa kulihaana kuye makuva gi vikolwa vietu.