Jeremia 15:19 - KITABU KITAKATIFU

¹⁹ Kulwayago, Yahova yavoola, “Niiva ulirana ku inzi, ndakwiranyia kandi ulava mutumikiri wange. Niiva ulavoola amakuva gaveeye amalahi na oleke kovora amakuva amadamanu, hene yaho ulava muporofeti wange kandi. Avandu varirana ku ivi, navuzwa ivi si ulazia kuvo mba.

Jeremia 15:19 ပူးပေါင်းရင်းမြစ်များ

1 Avami 17:1

Muporofeti walangwa Elija, kutura Tishibe mu kivala cha Gileadi, yavolera mwami Ahabu, “Mu lietia lia Yahova, Nyasaye oveeye mwoyo wa Isiraeli, wa inzi ndumikiraa, ngovolera ndi sihalavaho ni lime anoho imbura ku mihiga giviri anoho jivaga kuduuka lwambolera.”

Kutwula 4:12

Kalunu zia! Ndakokonya komoloma, kandi ndakovolera agovoola.”

Tsing'ano 22:29

Ololaa mundu oveeye nu vusiza ku miyinzi jije milahi? Uyu alatumika imbiri wu mwami, kandi si alatumika imbiri wa vandu vataduukanaa mba.

Jeremia 1:9

Maku Yahova yanyira mukono gwigwe nadiira ku munwa gwange, kandi nambolera, “Hulira, inzi mali kukuha amakuva gomolomaa.

Jeremia 15:1

Maku Yahova yambolera, “Kali niiva Musa na Samweli vakasingiyi hano nokogoonya inzi, sindakamanyi avandu yava livererera liange mba. Vakole vazie ihale; vakole vatuli imbiri wange.

Jeremia 20:9

Navuzwa lwa mboraa, “Ndivilira Yahova kandi si ndamoloma mu lieta lilie mba,” maku likuva liilio liveeye kuli muliru gusambanga mu inzi. Ngelizanga kwikuzira, navuzwa sinyalizanga mba.

Jeremia 35:19

Kunangwa inze, Yahova Wuvunyali, Nyasaye wa Isiraeli, ndagaa ndi Jonadabu mwana wa Rekabu nave nikisukululwi musaza wu kundumikira mihiga ni mihiga.”

Jeremia 4:1

Yahova avoora, “Avandu va Isiraeli, niiva mwenya kugirung'ana mugirung'ane muuzi ku inzi. Niiva muveeye avasuuvirifu ku inzi, kandi nimutulizaho ivifananyi viandunyira,

Jeremia 6:29

Muliru gusambaa vululu, navuzwa lisasi silisaluluka nokotonyatonya mba. Navuzwa kuzizagilira kutakasa avandu vange, kigira yavo avaveeye avadamanu sivatulizwa ho mba.

Lisyoma lya Jeremia 1:11

Avandu vosi vi lidaala linene vakenya lwa venya chukulia, chukulia, vakenyanga, vakiranyaa mavikiru gaavo kigira viukulia, kunangwa vaduuki kuva mwoyo. Avandu va Jerusalemi vavoola, “O, Yahova, henza ku kunyi, kigira kumali kolegerizwa.”

Ezekieli 2:7

Ivi kuduuka ulavavolera amakuva gange, kali niiva valahulira anoho valasura kuhulira, kigira vaveeye avandu vibaali.

Ezekieli 22:26

Avasaalisi vavunanyi lilago kandi sivahaana luyali kuvindu vitakatifu mba. Sivaveeye ku niliavukanyia hagati hivindu viveeye vitakatifu nivitaveeye vitakatifu mba. Sivigizaa liavukana hagati hivindu vinifu ni vitaveeye vinifu mba, kandi sivagumira lisabato mba. Kigira yaga, avandu va Isiraeli sivambezaa luyali mba.

Ezekieli 44:23

“Avasaalisi yava valigiza vandu vange vaduuki kumanyiriza agaveeye matakatifu kandi hataveeye hatakatifu, kandi vaduuki kwavukanyia hagati hu vulahi kandi uvudamanu.

Kyavalevi 10:10

Kuduuka mwavukanyie hagati hi vindu vitakatifu ni vindu vitaveeye vitakatifu, hagati hu vudamanu nuvulahi.

Kyavalevi 14:57

kumanyiriza lwi kindu keveeye kilahi anoho kidamanu. Yaga nigo malago gu vulwaye vwu kuhambizana anoho vuguku.

Jona 3:2

Yavoola, “Zia Nineve, lidaala linene yilio, wilwaziri avandu zana likuva liamali kukuha.”

Zekaria 3:7

Yahova Wuvunyali umali kovora: “Niiva ulatia malago gange kandi okole miyinzi ja ndakuuha, ulazizagilira kuva munene mu Litembeli harara ni ving'oze via lio. Ndahulira lisaala liilio, kuli mbulira lisaala lie zingelosi vaveeye imbiri wange.

Luka 1:19

Engelosi yamutivulira, “Inzi mbeeye Gabirieli usingiraa imbiri wa Nyasaye; na ndumiywi komoloma na ivi, kandi ngoletere makuva malahi yaga.

Luka 10:16

“Oyo uhulira munyi, ahuliraa inzi; kandi oyo usulaa munyi asuraa inzi, kandi oyo usulaa inzi asuraa uwanduma.”

Luka 12:12

Ing'inga yeyo, Roho Mutakatifu alakamwigizi gaduukanaa muvoore.”

Luka 21:15

Kigira ndakahaane ku munyi amakuva kandi ovogeri vwa avasigu vinyu valivula kuhangaliza anoho kuhing'ana na aga muvooraa.

Luka 21:36

Mulindi, musaale kazozo muluhi muduuki konyoora zinguru kuvitira mu vindu yivio viosi ni mirembe, ivizizaa kwekoleka kandi muve avanyala kusingira imbiri wu Mwana wa Adamu.”

Vikolwa 20:27

Sindaleka kali hakuzu kumulandizira makuva gi lienya liosi lia Nyasaye.

2 Vakorintho 5:16

Kutura kalunu, kunyi sikukalagiraa mundu woosi kolondekana ni liiva liu muviri mba. Kali niiva ing'inga yindi kwakalagira Kristo kolondekana ni liiva liu muviri mba. Kali niiva ing'inga yindi kwakalagira Kristo kolondekana ni liiva lia vandu kalunu sikokolaa ndio kandi mba.

Vagalatia 1:10

Muganaganaa ngerizaa koteeva vandu anoho Nyasaye kovora ndi agambooraa sigaveeye malungi? Anoho ngerizaa kuyaanziza avandu? Niiva ndakagerizi kuyaanziza avandu, si ndakaveeye mutumikiri wa Kristo mba.

Vagalatia 2:5

Sikwavugilira ku lienya liavo kali hakuzu mba. Kunangwa, kwenya agiligali gi Ivangeri gaduuki komenya mumirembe kigira munyi, vugira kwononywa.

Vahebraina 5:14

Navuzwa chukulia kidinyu, ku lovega lundi, keveeye cha vandu vakulundu, kuvitira mu limanya liavo lia viinaliza, avanyala kwavukanyia hagati hu vulahi nuvudamanu.

Yudasi 1:24

Kalunu uyu, unyala kulinda munyi muvuli kugwa, nu kumusingiriza imbiri wu vukumi vwivwe vugira imbara mu uvusangari ovonene,