Jeremia 12:3 - KITABU KITAKATIFU

³ Navuzwa, Yahova, ivi wamanya inzi; olola agangolaa, kandi kuli ndakuyaanza. Kunga avandu vuvudamanu yava vazie ihale kuli magondi gu kwita; uvalindi kuduuka ing'inga yukusinzwa.

Jeremia 12:3 ပူးပေါင်းရင်းမြစ်များ

2 Avami 20:3

“Wizulizi, O, Yahova, inzi ndakutumikira nu vusuuvirifu vwu mwoyo gwange gwosi kandi nu luyali lwosi, kandi vuli kazozo, ndageriza kokora vulahi choosi ichawenyaa ngole.” Ma yaatanga kulira ligali.

1 Kyetsinyinga 29:17

Inzi manya, O, Nyasaye wange, ivi ugerizaa mwoyo gwa vuli mundu na uyanzizwa na avandu vu vulungi nu vusuuvirifu. Na mu vulungi nu vusuuvirifu vwange, mali kuhaana vindu yivi viosi ku ivi, kandi mali kolola kuli avandu vovo avamali kuvunga hano vayanzi koleta vihaanwa viavo ku ivi nu mwoyo gwosi.

Ayubu 23:10

Nyasaye amanyirizaa zinzira ziange, niiva alangeliza, alanyoola inzi kuva mulahi.

Zaburi 11:5

Yahova agerizaa avandu vosi avaveeye avalungi na avadamanu keleng'ani. Navuzwa adunyiraa yavo avaveeye avadamanu nu mwoyo gwigwe gwosi.

Zaburi 139:23

O, Nyasaye, ambenzeriza ligali na umanye zing'anagani ziange. Ongerize na umanye zing'anagani ziumwoyo gwange.

Zaburi 17:3

Ivi umanya mwoyo gwange ligali ivi umali kuuza ku inzi mu vudiku; ivi umali kombenzeriza ligali. Na uvuli konyoora likayirwa lidamanu mu inzi. Inzi simolomaa uvudamanu kuli vandi vakora mba.

Zaburi 26:1

O, Yahova, umbalize kuva vugira imbara, kigira inzi ngolaa agaveeye malungi, kandi suuviraa ivi ligali.

Zaburi 7:9

Ivi Nyasaye oveeye mulungi, kandi umanya zing'anagani zietu ziosi ni likayirwa lietu. Heriza uvudamanu vwa vandu vadamanu kandi uhaane madanyi malahi ku valungi.

Jeremia 15:15

Maku ndaavoora, “O, Yahova, ivi oveeye ni limanyiriza, unzizurize kandi ongonye. Oleke inzi mbanze kisaalia ku yavo avandambizaa. Utikuzira navo mba kigira valanzita. Wizulizi ndi linyegwa liange liveeye kigira ivi inzi nyegangwa.

Jeremia 17:16

Navuzwa, Yahova, inzi si ndakuniga olete ikivi kuvo mba; kandi sindegomba ing'inga yu vudinyu kuza kuvo mba. Yahova, ivi umanyi yaga; kandi umanyi ligali aga inzi mali kovora.

Jeremia 17:18

Viika yavo avandambizaa muzisoni, navuzwa utambika inzi mu zisoni mba. Leeta litihiza linene kuvo, navuzwa utatiihiza inzi mba. Leeta ikivi kuvo kandi uvadivizi ligali.

Jeremia 20:12

O, Yahova Wuvunyali, ivi ogerizaa avandu nuvulungi; wamanya agaveeye mu mioyo jaavo kandi mu zing'anagani ziavo. Kunangwa, ndakayanzi kolola ivi nuvaanzaa kisaalia ku avasigu vange, kigira inzi mali kuviika ku ivi kivuni cha makuva gange.

Jeremia 48:15

Kivala cha Moabu harara na amadara gacho gamali kudivizwa, avasoleri vaavo avalahi vamali kusinzwa. Inzi mbeeye umwami, Yahova Wuvunyali, kandi inzi mali kovora.

Jeremia 50:27

Mwiti avasikari vaavo vosi! Muvasinzi! Avandu va Babiloni vadiviziywi! Ing'inga imali kuduuka iyavahevwa mageri!”

Jeremia 51:4

Valatozwa nukugwa hasi mu zinzira zia amadara gaavo amanene, kandi valakuzira mukivala cha Babiloni.

Yohana 21:17

Yamuteeva lwa kavaga, “Simoni mwana wa Yohana, unyaanzaa?” Petero yavelera kigira Yeso yamuteeva haali kavaga; “Unyaanzaa” Petero yavoola, “Mwami, ivi wamanya vuli kindu, ivi wamanya ndi ndakuyaanza.” Yeso yamuvolera, “Lihiza magondi gange!

Yakobo 5:5

Livamwoyo lienyu hano ku lirova limali kwizura nu vweremerizi, ni lienyaanziza. Mwayekomeriza munyi aveene kwetegekera lidiku liukwitwa.

2 Petro 2:12

Navuzwa avandu yava vayinzira novogeri kuli zinyama ziu muvulimu, ziivurwa ma zigumirwa nukwitwa. Vingilira namanyego kindu choosi chavatamanyi. Valadivizwa kuli zinyama ziu muvulimu,