Jeremia 1:9 - KITABU KITAKATIFU

⁹ Maku Yahova yanyira mukono gwigwe nadiira ku munwa gwange, kandi nambolera, “Hulira, inzi mali kukuha amakuva gomolomaa.

Jeremia 1:9 ပူးပေါင်းရင်းမြစ်များ

Isaya 49:2

Yakola amakuva gange kuva amuugi kuli kivavi. Yaambisa muchiriri chu mukono gwigwe. Kandi yangola kuva kuli muvano gwu vuta, ogoveeye umwugi kandi gwetegeki kutumika.

Isaya 50:4

Yahova Nyasaye umali kumba amakuva gokovoola, kunangwa nduuki kuhaana zinguru kandi kudinyiriza avadedekere. Yambukizaa vuli mugambazuri, kunangwa nduuki kuhulira agazizaa kunzigiza.

Isaya 51:16

Mali kuviika makuva gange mu munwa gugwo, nguvisi mu chiriri chu mukono gwange; ndaavambura ligulu niinzava muse gwi lirova, mbolera munyi avandu va Jerusalemi: ‘Munyi muveeye avandu vange.’ ”

Isaya 59:21

Ndalomba lilagana liange ni munyi: Mali kumuha zinguru ziange kandi amigizu gange kuva aginyu mihiga ni mihiga. Kutura kalunu, gamudukira muhuliri inzi kandi mwigize avana vinyu kandi visukululwi vienyu vaambuliri zing'inga ziosi.”

Jeremia 15:19

Kulwayago, Yahova yavoola, “Niiva ulirana ku inzi, ndakwiranyia kandi ulava mutumikiri wange. Niiva ulavoola amakuva gaveeye amalahi na oleke kovora amakuva amadamanu, hene yaho ulava muporofeti wange kandi. Avandu varirana ku ivi, navuzwa ivi si ulazia kuvo mba.

Jeremia 34:6

Maku ndaavoolera mwami Zedekia makuva yaga mu Jerusalemi

Jeremia 36:2

“Vugula ikaratasi ilingiywi na ong'ode ku amakuva goosi agaamali kokovoolera kigira avandu va Isiraeli na avandu vi Ivuyuda kandi ni zihiiri ziosi. Ong'ode amakuva goosi agandakovolera kutura ing'inga ya ndamoloma ku ivi mulitanga, lwa Josia yaali mwami kuduuka lero.

Jeremia 5:14

Yahova Nyasaye Wuvunyali yambolera, “Kigira vamali kovora makuva yaga, ndakora makuva gange gave kuli muliru mu minwa jiinyu, na avandu valava kuli zingu, na muliru gulavasamba ligali.”

Ezekieli 3:10

Nyasaye yaazizagilira kovora, “Mwana wu Mundu, uhulirizi ligali ma wizulizi vindu viosi viangovoolera.

Danyeli 10:10

Maku mukono gwangimira kandi gusingiriza kumalu na makono gange, ningedegera.

Danyeli 10:16

Maku engelosi, yaloleka kuli mundu, yanyira mukono gwigwe nadiira munwa gwange. Maku ndavoora, “O, mwami wange, malola yaga gaanombi kuva mudedekere kandi si nyara koleka kodegera mba.

Livalidza 23:5

Yahova yavolera Baalamu cho kovora ma naamutuma kwirana ku Balaki kumuha makuva geege.

Matayo 10:19

Lwa valimuhila mu viina kumuyaara, mutakahende mioyo ku aga mulitivula anoho kuli mulivoola; kigira ku ing'inga yeyo, mulakahevwe aga mulivoola.

Marko 7:33

Yeso yaamutuliza mu avandu naamuhira ha lovega yenyine, naviika videte vivie mu matu geege, naatuza amate ma namudiira ku lulimi.

Luka 12:12

Ing'inga yeyo, Roho Mutakatifu alakamwigizi gaduukanaa muvoore.”

Luka 21:15

Kigira ndakahaane ku munyi amakuva kandi ovogeri vwa avasigu vinyu valivula kuhangaliza anoho kuhing'ana na aga muvooraa.

Kwidzulitsa 18:16

“Ku lidiku lia mwavuganywa ha kiguru cha Sinai, mwateeva muvuli kuhulira Yahova, Nyasaye witu naamuloma kandi muvuli kolola liiva lilie liu muliru munene kigira mwatia ndi mulakuza

Kwidzulitsa 18:17

Kunangwa yahova yambolera, ‘Vamali koteeva liteeva lilahi liovogeri.

Kwidzulitsa 18:18

Ndavatumira muporofeti kuli ivi kutura hagati ha avandu vaavo. Ndamuvolera icha avoora naye alavolera avandu vindu viosi via inzi mulaga.