Isaya 65:17 - KITABU KITAKATIFU

¹⁷ Yahova avoora, “Inzi nombaa lirova lihia kandi ligulu lihia. Vindu via kale vilivirirwa ligali.

Isaya 65:17 ပူးပေါင်းရင်းမြစ်များ

Isaya 43:18

Navuzwa Yahova avoora: “Mutizuliza vindu vimali kuvita, kandi mutaganagani vindu via maziambiri mba.

Isaya 46:9

Mwizurizi vindu viakoleka mu madiku ga kale, muduuki kumanya ndi inzi wengine mbeeye Nyasaye, kandi siaveeye ho nu munyasaye wundi kuli inzi mba.

Isaya 51:16

Mali kuviika makuva gange mu munwa gugwo, nguvisi mu chiriri chu mukono gwange; ndaavambura ligulu niinzava muse gwi lirova, mbolera munyi avandu va Jerusalemi: ‘Munyi muveeye avandu vange.’ ”

Isaya 66:22

“Avandu vange harara ni visukululwi viavo valamenya mihiga ni mihiga, kuli ligulu lihia kandi lirova lihia via ndilomba vilakamenye mihiga ni mihiga.

Jeremia 3:16

Maku nimumali komeedeka mukivala yicho, avandu sivalamolomaku kandi kigira lisandugu liange lia malago mba. Sivalaliganaganyia anoho kulizuliza mba; kali sivalalienya anoho kolomba ilindi mba.

1 Vakorintho 2:9

Navuzwa kuli Mang'oda Matakatifu gavoora, “Kindu chu mundu yavula kolola anoho kuhulira, kindu chu mundu yavula kuganagana kilekoleka, nicho kindu zana cha Nyasaye, yeetegekizira yavo ava muyanzaa.”

2 Vakorintho 5:17

Lwu mundu woosi, aveeye mu Kristo, aveeye ekelombe ikihia. Henza ivindu viosi via kale vimali kuvita. Na viosi vigwiyi vihia.

Vahebraina 12:27

Likuva yili, ing'inga yindi kandi, limanyia havulavu ndi ivindu vialombwa na Nyasaye viosi viladegerizwa, kandi vilakatulizwi ho, kunangwa vindu vitanyala kudengeyizwa vilakatigale.

2 Petro 3:13

Navuzwa, kolondekana ni lisuuviriza lilie, kunyi kulindiliraa konyoora ligulu lihia kandi lirova lihia; hango hu vutakatifu.