Isaya 65:13 - KITABU KITAKATIFU

¹³ Kulwayago, yavo avasigamiraa inzi kandi avahulira inzi valanyora lilia kandi linwa linyingi, navuzwa munyi mulava ninzara kandi muvuluhu. Valava nu vusangali, navuzwa munyi mulava mu zisoni.

Isaya 65:13 ပူးပေါင်းရင်းမြစ်များ

Zaburi 34:10

Kali avasigu va Nyasaye vavezaa ninzara kuli zisimba zisoleri ziveezaa ninzara, navuzwa, yavo avasuuviraa mu Yahova sivaladaka kindu kilahi kali kilala mba.

Tsing'ano 13:25

Avalungi vaveeye niviukulia vinyingi navuzwa vachamu vamenya ni inzara kazozo.

Isaya 1:19

Niiva muratia inzi, mulalia vindu vilahi vie kivala.

Isaya 41:17

“Lwa avandu vange avadaka kandi avadambi vaveeye ni lienya amazi kigira uvuluhu, Inzi Yahova ndahaana amativuli ku lisaala liavo. Inzi Nyasaye wa vandu va Isiraeli sindavaleka mba.

Isaya 41:18

Ndakakole migera ja mazi kwituruka ku vigulu viumu viosi, kandi visenukiru via mazi kwituruka hagati ha mavoona. Ndakagilunganyie changarangwi kugwa madavalia ga amazi, kandi ndagilung'anyia vivala viumu kugwa visinukiru via amazi.

Isaya 42:17

Yavo vosi avasuuviraa mu vifananyi, avalanga, vifananyi muveeye avanyasaye viitu, valakolwa kuva mu zisoni ligali.”

Isaya 44:11

Mundu woosi ukisigamira alaviikwa mu zisoni. Avandu valomba vifananyi vaveeye avandu vuzwa, leka vaze kusingira mu kiyaalo. Valatiihizwa kandi valaviikwa mu zisoni ligali.

Isaya 44:9

Vosi avalomba vifananyi vaveeye hazwa, na avanyasaye va vayanzilira sivaveeye novokonyi mba. Yavo avasigamiraa avanyasaye yava vaveeye avavoku kandi sivamanyi kindu kali hakuzu, kandi valava mu zisoni!

Isaya 49:10

Sivalakave ninzara anoho uvuluhu mba. Sivalasalirizwa nuluya lwu muchangalangwe anoho umuvasu sigulavasamba kandi mba, valimilirwa nu mulala uvayaanzaa. Alakavimiliri kali kuduuka ha visenukiru via amazi.

Isaya 5:13

Kigira yaga mulahilwa ihale kuli avahambe. Aviimiliri vinyu valakuza kigira inzara, kandi avandu vandi avanyingi valakuza kigira uvuluhu.

Isaya 50:11

Munyi vosi avalohizaa kwita avandi muladivizwa nililohiza lienyu aveene. Yahova mwene alakola yaga kokoleka, mulava mu vudinyu vunyingi ligali.

Isaya 61:7

Zisoni zienyu ziduuki ku keheri. Munyi namumenye mukivala chiinyu aveene, kandi uvuhinda vwinyu vulamedeka; kandi mulava nu vusangali mihiga ni mihiga.

Isaya 62:9

Navuzwa munyi avamiiza uvuswage kandi ni mugesa, mulalia nu kwizominya Yahova; Kandi yavo avalindaa nu kuvungiza amazabibu, valanwa iwaini yago mu mugizi gwi Litembeli liange Litakatifu.”

Isaya 66:14

Lwa muloraa yaga nigekoleka, mulasangale. Galamukola muve nizinguru kandi avalamu. Maku mulamanya ndi inzi Yahova, ngonyaa yavo avambuliranga, kandi manyianga uvutima vwange ku vasigu vange.”

Isaya 66:5

Muhuliri icha Yahova avoora, munyi avamutizaa nukumuhulira: “Kigira muveeye avasuuvirifu ku inzi, valala ku vandu vinyu vene vamudunyira na sivalava ni cha vamukola mba. Vamukolera kehenyahenye nivavoora; ‘Leka Yahova amanyie ovonene vwivwe na amuhonyie, kunangwa kuduuki kolola munyi nimusangara.’ Navuzwa yavo aveene valava muzisoni!

Isaya 8:21

Avandu valagendagenda mu kivala, mu linyang'ana kandi ninzara. Mu inzara nu vutima vwavo, valalaama avami vaavo kandi Nyasaye wavo. Vanyara kohenza igulu mwigulu

Jeremia 22:22

Imbuza ilahuuza avayi vinyu, avalina vinyu valahirwa kuli avahambe vi liihi, na lidaala lienyu linene lilava mu zisoni kigira uvwoni vwosi vwa mumali kokora.

Danyeli 12:2

Avanyingi kuvo avaliva nivakuzi valakasimuguki; valala kuvo valakasangaliri livamwoyo lie mihiga ni mihiga, na vandi valakaduuki mu zisioni zie mihiga ni mihiga.

Hosea 4:10

Munyi numulie viukulia navuzwa simuliguta mba. Munyi mulasigamira avanyasaye vulwivulu navuzwa, simulanyora avana mba, kigira mumali kondeka na murondaa avanyasaye vandi.”

Malaki 3:18

Avandu vange valakalole kandi kindu kilakekoleke hagati ha vandu valungi na vandu vachamu, ku mundu undumikira kandi mundu utandumikilaa.”