Isaya 63:5 - KITABU KITAKATIFU

⁵ Na ndaali niligenya lwa ndahenza nokolola ndi sihali nu mulala wokongoonya. Ndahuga nukutia ligali kolola ndi si haali ho nu mulala wukunyunga mukono. Kunangwa ndanyoora liguuta kuzinguru ziange umwene, na uvutima vwange vululu vwangonya.

Isaya 63:5 ပူးပေါင်းရင်းမြစ်များ

Zaburi 107:12

Vaaluha ligali kuturana ni miyinzi midinyu; kali vaali vanyara kugwa hasi vugira mundu wu kuvakonya.

Zaburi 22:11

Utava ihale ku inzi mba! Ikivi, keveeye ahimbi; na sihali numulala wokongoonya.

Zaburi 44:3

Avandu vovo sivagutaa kivala yiki ni kivavi chavo mba, sivagutaa ni zinguru zia makono gaavo, mba, navuzwa vaguuta ni zinguru ziu mukono gugwo mulungi, kandi wavasuuviriza kuva navo kazozo kigira wa vayaanza.

Zaburi 69:20

Amanyego gamali kuvunaga mwoyo gwange, kandi mali kukuza mwoyo. Ndasuuviraa ndanyoora liverererwa, navuzwa siliali ho mba; ndasuuviraa konyoora lileminywa mwoyo, navuzwa sindalinyoola mba.

Zaburi 94:16

Nivwaha wasingira mu vogono vwange ukuhingira avachamu? Nivwaha wangonya kuhingira avakoli vuvudamanu?

Zaburi 98:1

Mwimbiri Yahova lwimbu luhia; kigira umali kokora vindu viokogenyia! Kuzinguru zizie mwene kandi ku vunyali vwivwe vutakatifu, Yahova umali konyoora liguuta.

Isaya 40:10

Yahova Wuvunyali yaazaa kwamiiha ni zinguru, kandi alaza kuhaana amadanyi ku yavo avayahonyia.

Isaya 41:28

Lwa ndahenzeriza mu avanyasaye yava, siyaali ho kali mulala uwaali unyala kovora kindu mba; Siyaali ho kali mulala uwaali anyala kuhaana amativuli ku mateeva gange mba.

Isaya 50:2

“Kigira ki nivavula kundivulira lwa ndaazia kuvo kuvahonyia? Ndakaminya amazi mu zinyanza ku lilaga liange, kandi ndakaminya amazi mu migera jiosi nu kujikola jumi kuli changarangwi, kunangwa zisuzi ziduuki kukuza kigira uvuluhu vwa mazi.

Isaya 51:5

Ndaaza vwangu nukuvahonyia; ing'inga yi liguuta liange eveeye ahimbi. Inzi mwene ndamiiha ku zihiiri. Vivala vie ihale vinindilira inzi nzize. Valalindilira ni lisuuvira ndi ndavahonyia.

Isaya 51:9

Hamba, O, Yahova, na okokonye! Tumikira zinguru zizio na okohonyie; uzitumikiri kuli wazitumikira maziambiri. Yaali ivi uwakalaga ogoyoka gwu mu inyanza Rahabu mu vidonye.

Isaya 52:10

Yahova umali kumanyia mukono gwigwe mutakatifu imbiri wi zihiiri ziosi. Keheri choosi chi lirova kilalola ovohonyi vwa Nyasaye wiitu.

Isaya 63:3

Yahova yativura, “Inzi mali kuduvaga zihiiri kuli mazabibu, na siali ho nu mulala waza kongonya. Ndaziduvaga ligali mu vutima vwange, na amasahi gaavo giivaki ku zinguvu ziange ziosi.

Ezekieli 22:30

Ndahenza umundu kutura muvo uwaali unyala kwumbaka lidigi, uwaali anyala kusingira ha vundu hamadigi gamali kugwa nukukinga vandu lwa ndaali ahimbi kuvadiviza, navuzwa sindanyola mundu kali mulala mba.

Hosea 1:7

Navuzwa ndava nuvuyanzi ku avandu vi Ivuyuda. Inzi Yahova, Nyasaye wavo, ndavahonyia, navuzwa si ndavahonyia nu vuta, anoho ni kivavi, anoho nu vulwani anoho ni zibarasi kinga navasaza vi zibarasi mba.”

Yohana 16:32

Ing'inga yiza, kandi imali kuduuka, lwa munyi mwosi mulisalanywa sa mulala yengo weve, nainzi ndakatigale nzieng'ine. Navuzwa inzi simbeeye nzieng'ine mba, kigira Baba aveeye harara ninzi

1 Vakorintho 1:24

navuzwa ku yavo ava Nyasaye amali kulanga, vombi Avayuda na Avaguriki, likuva yili liveeye Kristo, oveeye zinguru zia Nyasaye kandi ovogeri vwa Nyasaye.