Isaya 63:18 - KITABU KITAKATIFU

¹⁸ Kunyi avandu vovo vatakatifu, kwavugula ahatakatifu hoho ku ing'inga ngekeeke, navuzwa avasigu viitu vaduvagira hasi Litembeli liilio.

Isaya 63:18 ပူးပေါင်းရင်းမြစ်များ

Zaburi 79:1

O, Nyasaye, avandu vizihiiri vamali kwingira mu kivala chicho. Vamali kwononyia Litembeli liilio Litakatifu, kandi vakoli Jerusalemi kuva amang'anye.

Isaya 62:12

Mulalangwa, “Avandu va Nyasaye Avatakatifu”, “Avandu va Nyasaye amali kohonyia.” Jerusalemi ilalangwa, “Lidaala linene lia Nyasaye ayaanza”, “Lidaala linene lia Nyasaye yavula koleka.”

Isaya 63:19

Kumali kugwa kuli yavo ava ivi wavula kwamiiha kali hakuzu, kandi kuli avandu avavura kulangwa ku lieta liilio.

Isaya 64:10

Amadara googo amatakatifu gaveeye kuli changalangwi; Ziyoni imali kuva changalangwi, na Jerusalemi imali kuva hazwa.

Isaya 64:9

Kunangwa Yahova, utava nu vutima ni kunyi mba, anoho utizuliza uvwoni vwitu mihiga ni mihiga mba. Kunyi kwosi koveeye avandu vovo, okoveere zimbavasi.

Jeremia 12:10

Avami vanyingi vageni vamali kwononyia mulimi gwi kizabibu change; vamali kuduvaganyia imilimi giange; vagirung'anyia kivala change chandayaanza kugwa changalangwi.

Lisyoma lya Jeremia 1:10

Avasigu vamali kuvanura ivindu viavo viosi viu vuguli ovonene. Valora zihiiri ni zingiraa mu Litembeli; avandu va Yahova yagaya vavuli kwingira mu Litembeli lilie.

Lisyoma lya Jeremia 4:1

Muporofeti avoora: Izahabu indahi imali kwononywa, kandi imali kogotiza ling'ereng'ana liayo; magina guvuguli vonene gu mu Litembeli gamali kusalanywa mu zinzira.

Danyeli 8:13

Maku ndaahulira engelosi indala neteeva iyindi, “Vindu vialoleka mu malola yivi vilazizagilira kuduuka ngi'ngaki? Uvwoni vwa vandu vakora vulazizagilira kuvugura vwiyangu vwi visiuviliru kuduuka ng'inga ki? Liihi liu mwigulu kandi Litembeli vilazizagilira kwonogonywa kuduuka ng'inga ki?”

Danyeli 8:24

Alakave ni zinguru, navuzwa si zilivaa kigira vunyali vwivwe mba. Alakaleete lidiviza liu kutihiza kandi alakakole mu vindu viosi viakola. Alakadivizi vasaza vi zinguru kandi avandu va Nyasaye.

Kyavalevi 26:31

Ndakora madaala ginyu manene kugwa mang'anye, ndononyia havundu ahatakatifu hinyu hukusigamira vifananyi kandi ndasuura kuvugilira visiuviliru vienyu.

Amosi 7:9

Havundu hi visukululwi via Isaka vasigamira haladivizwa. Hatakatifu ha avandu va Isiraeli halakolwa chanyi. Ndaheriza vwamihi vwu mwami Jeroboamu mu vulwani.”

Matayo 24:2

Navuzwa yavativulira, “Muloraa ivindu yivi viosi? Agiligali muvooleraa, si lilakatigale hano ligina kali lilala ni lisiingiyi mu vogono vwalio mba; goosi galakavunguluki.”

Luka 21:24

Avalala valakitwi nikivaavi, na avandi valagumirwa kuli avahambe nukuhirwa muvivala viosi. Lidaala linene lia Jerusalemi liladuvagwa na Avandu vizihiiri avatamanyi Nyasaye kuduuka lwi zing'inga ziavo ziliduukizwa.

Kwidzulitsa 26:19

Alakamukole muve avanene kuvita ihiiri yindi yoosi ya yalomba, kandi mulahaana lisandiza nu luyali ku lieta lilie. Mulava avandu veve, kuli yamusuuviriza.”

Kwidzulitsa 7:6

Mukore ndio kigira muveeye vandu va Yahova Nyasaye winyu. Kutura mu vandu vosi vilirova, Yahova Nyasaye winyu yamutovola muve avandu veve avadukiru kuvita avandu vandi.

1 Petro 2:9

Navuzwa munyi muveeye ihiiri etovoleywi, avasaalisi vu Mwami, avandu avatakatifu, avandu va Nyasaye mwene, yavo avatovolwa valandizi uvulahi vwa Nyasaye, uyu wamulanga munyi muturi mu kisundi muduuki mu vulavu vwivwe vwokogenyia.

Likunula 11:2

Navuzwa oleke kubima umugizi gwi Litembeli. Kigira yigu goheveywi avandu vi zihiiri, yava valaduvaga lidaala litakatifu ku lwi mieli arubaini na mbiri.