Isaya 63:16 - KITABU KITAKATIFU

¹⁶ Ivi oveeye baba wiitu. Avaguuga viitu, Aburahamu na Yakobo, sivavugilira kunyi mba, navuzwa ivi, Yahova, oveeye baba wiitu kandi muhonyi wiitu, kutura kale.

Isaya 63:16 ပူးပေါင်းရင်းမြစ်များ

1 Kyetsinyinga 29:10

Kunangwa mwami Daudi yizominya Yahova imbiri wi livugana liosi. Yavoola, “Wizominywi O, Yahova, Nyasaye wa guuga witu Yakobo, mihiga ni mihiga!

Ayubu 14:21

Avana vu mundu uyu vayoolaa uluyali, navuzwa si amanyaa mba; anoho lwa vaviikwa mu zisoni, siamanya mba.

Kutwula 4:22

Maku ulamuvoolera ligali ndi, Inzi, Yahova mboraa, ‘Isiraeli aveeye muyaayi wange wukutanga.

Kohelethu 9:5

Yee, avandu vaveeye mwoyo vamanyi ndi vazizaa kukuza, navuzwa vakuzu si vamanyi kindu mba. Sivaveeye na madanyi gandi mba; vayivilirwa ligali.

Isaya 1:2

Yahova yavoola, “O, munyi lirova ni ligulu, muhuliri cha mboraa! Avana va ndaavirukiza vamali kwibaala ku inzi.

Isaya 29:22

Kunangwa kalunu Yahova, Nyasaye wa Isiraeli, uwahonyia Aburahamu kutura mu vudinyu, avoora, “Avandu vange, simulava esoni kandi mba, kandi mu moni mwinyu simulagalula ni zisoni mba.

Isaya 41:14

Yahova avoora, “Munyi muveeye avakeekeke kandi avadedekere avandu va, Isiraeli mutatia mba, inzi ndamukonya Inzi, Nyasaye Mutakatifu wa Isiraeli. Inzi mbeeye muhonyi winyu.

Isaya 41:8

“Navuzwa munyi avandu va Isiraeli muveeye avatumikiri vange, muveeye avandu vandaatovola, visukululwi via Aburahamu mulina wange.

Isaya 43:14

Nyasaye Mutakatifu wa Isiraeli, Yahova ohonyia munyi, avoora, “Ndatuma liihi liange kulwaana Babiloni okohonyia munyi. Ndavunanyia virivwa via madaala manene, kandi ndagirung'anyia lihanzuka lia vandu valio kugwa lilira.

Isaya 44:6

Yahova, uwamihaa kandi ukingaa Isiraeli, Yahova Wuvunyali avoora ndi: “Inzi mbeeye Nyasaye Weng'ine, Wukutanga nu Wekeheri; sihaveeye ho na nyasaye wundi, navuzwa inzi.

Isaya 45:11

Yahova, Mutakatifu wa avandu va Isiraeli kandi mulombi wavo avoora, “Munyi simuveeye nuvunyari koteeva amateeva kigira avana vange mba, anoho simunyala kombolera aganyala kokora mba!

Isaya 51:2

Heenzi ku Aburahamu baba winyu, kandi ku Sara uwamwivula; lwa yaali yeng'ine inzi ndaamulanga ni ndamugasiza ma nimuha avana. Ndakora visukululwi veve kuva vanyingi.”

Isaya 54:5

Umulombi woovo alava kuli musaza woovo. Lieta lilie ni Yahova Wuvunyali. Yahova Mutakatifu wa Isiraeli alakohonyia aveeye Nyasaye wi lirova liosi.

Isaya 60:16

Zihiiri kandi Avami valalinda liiva lienyu kuli mama alindaa mwana weve. Mulamanya ndi, Inzi Yahova, mali kumuhonyia, kandi Nyasaye wi zinguru wa vandu va Isiraeli, umali kumuvoholola.

Isaya 63:12

uwaakola zinguru ziu vukumi vwivwe kuzia ku mukono mulungi gwa Musa, niyaavukanyia amazi gi inyanza nukwimilira avandu veve ku aduuki kwelombera lieta lie mihiga ni mihiga;

Isaya 64:7

Siaveeye ho mundu kali mulala usaala ku lieta liilio mba, anoho mundu kali mulala uzaa ku ivi anyoore ovokonyi mba. Ivi umali kwivisa kutura ku kunyi kandi umali kokoleka kigira uvwoni vwitu.

Isaya 64:8

Yahova, ivi oveeye baba wiitu. Kunyi koveeye kuli ovodohi, na ivi oveeye kuli umulongi. Ivi wakolomba.

Isaya 9:6

Mwana wivuliiywi ku kunyi! Koheveeywe mwana muyaayi! Naye alakave mwamihi wiitu. Alalaangwa, “Wokogenyia, umwideeri,” “Nyasaye Wuvunyali,” “Baba wimihiga ni mihiga,” “Mwami wi mirembe.”

Jeremia 3:19

Yahova avoora, “Munyi avandu va Isiraeli, ndali nilienya kumuvugilira kuli avana vange kandi nukumuha kivala chuvusangari, kivala kilahi ligali mulirova liosi. Ndaali nilienya munyi muunange baba, kandi muvuli kugirung'ana kutura ku inzi.

Jeremia 3:23

Sikwakonywaku kali hakuzu nilisigamira avanyasaye kuzindongozi zii vigulu mba. Ovokonyi vwa Isiraeli vutura ku Yahova Nyasaye wiitu.

Jeremia 31:9

Avandu vange vazavirane nivalira, nivasaara lwa nambe nimbimilira mulirana. Inzi nambimiliri kuduuka ku migera jiamazi, kunzira inungi yavalivulaa kwikigatira. Mbeeye kuli baba uvandu va Isiraeli kandi Efuraimu nu muyaayi wange wu kutanga.”

Hosea 1:10

Avandu va Isiraeli valakave vanyingi kuli muyeke gwu munyanza ugunyala kuvula kuvalizwa anoho kogerwa. Kalunu Nyasaye avavoolera, “Munyi si muveeye avandu vange mba,” navuzwa ing'inga yiza lwa livavoolera, “Munyi muveeye avana va Nyasaye omenya!”

Malaki 1:6

Yahova Wuvunyali avooreraa avasaalisi, “Muyaayi ahaanaa luyali ku baba weve, kandi mutumikiri ahaanaa luyali ku munene veve. Inzi mbeeye baba winyu, kigira ki muvura kuhaana luyali ku inzi? Munyi munjayaa, navuzwa muteeva, ‘Kunyi kukuchayaa ndi?’

Malaki 2:10

Kunyi kwosi sikoveeye na baba mulala? Siaveeye Nyasaye mulala mwene walomba kunyi kwosi? Maku kigira ki kuvunagaa lilagana lietu lia kwalomba mulala nu wache, kigira ki kolegelizaa lilagana lia Nyasaye yalomba navaaguuga viitu?

Matayo 6:9

Kunangwa, gamudukira munyi musaale kuli ndi: ‘Baba wiitu oveeye mwigulu: Lieta liilio litakatifu lizominywi;

Yohana 8:41

Munyi mukoraa aga avaguuga vinyu vaakora.” Navo vamuvolera, “Kunyi sikoveeye avana vindasimba mba! Koveeye na Baba mulala, naye ni Nyasaye.”

Kwidzulitsa 14:1

“Munyi muveeye avandu va Yahova Nyasaye winyu. Kunangwa lwa musiomeraa avakuzu, mutisalaga miviri jinyu aveene anoho kovega amasu imbiri wi mitwi jinyu kuli avandu vandi vakora mba.

Kwidzulitsa 32:6

Ni ndi munyala kokolera Yahova munyi avandu vasiru kandi vataveeye novogeri! Aveeye Baba winyu, mulombi winyu yalomba munyi muve ihiiri.