Isaya 63:12 - KITABU KITAKATIFU

¹² uwaakola zinguru ziu vukumi vwivwe kuzia ku mukono mulungi gwa Musa, niyaavukanyia amazi gi inyanza nukwimilira avandu veve ku aduuki kwelombera lieta lie mihiga ni mihiga;

Isaya 63:12 ပူးပေါင်းရင်းမြစ်များ

1 Avami 8:42

kandi vindu vinene nis viezingulu via wakolera vandu vovo, ma yaaze kukusigamira kandi kusaala ha Litembeli yili,

Nehemia 9:10

Ivi wakola vilolekizu viokogenyia ku mwami wa Egebeti, ku vatumikiri veve kandi ku avandu vi kivala chiche, kigira wamanya kuli vadambiza avandu vovo. Ivi wahevwa ilieta liuluyali lia ukikiri nalio kuduuka kalunu ndi.

Nehemia 9:11

Ivi walombera avandu vovo inzira yu kuvitira ku mu inyanza hagati, kandi wavimilira kuvitira ku marova amuumu. Yavo avavalondelera vaahirwa mu luliva lwa mazi, kuli ligina lieyinaa mu inyanza enene yiviguvuli.

Zaburi 78:13

Yavukanyia inyanza kandi naavavitizira hagati hayo; yalomba amazi gasingiri vulungi kuli madigi.

Zaburi 80:1

Ukuhuliri O, Yahova Mwayi wa vandu va Isiraeli, ukuhulirizi ivi uwaali wi visukululwi via Josefu kuli ichayo cha amagondi; Ivi wikala kondeve yu vwami igulu wa Vakerubi, ong'ereng'ane,

Kutwula 15:13

Kuli oveeye musuvirifu ku lisuuviriza, wimilira avandu vovo va wavahonyia kuzinguru zizio wavimilira kuduuka mu kivala kitakatifu.

Kutwula 15:16

Litihiza nu vuti vonene viduuki kuvo. Valora zinguru zizio, O, Yahova, kandi vaasingiyi no vodedekere kandi nuvuti kuduuka lwa avandu vovo vaambuka, avandu vawavoholola kutura mu vutugwa.

Kutwula 15:6

“Mukono gugwo mulungi, O, Yahova, goveeye nizinguru. Guvunaganyia avasigu mu vidonye.

Kutwula 6:6

Kunangwa, volera vandu va Isiraeli ndi inzi mboraa kuvo, ‘Inzi mbeeye Yahova; ndamusoola nukumuvoholora muturi mu vutugwa vwinyu ku vandu va Egebeti. Ndanyira mukono gwu vunyali vwange okoleta amageri gukutihiza kuvo, na ndamuhonyia.

Isaya 11:15

Yahova alakaminya amazi mu mukono gwi inyanza ya Egebeti, kandi alaleeta imbuza imbiu kukaminya mugera gwa Efurate. Alagwavukanyia mu togera saba, kunangwa avandu vaduuki kwambuka.

Isaya 43:16

Ku ing'inga yakale Yahova yalomba inzira kuvitira mu inyanza, inzira kuvitira mu viguvuli vinene.

Isaya 44:27

Inzi ngaminyaa zinyanza ku likuva liu kulaga vuzwa.

Isaya 51:10

Yaali ivi kandi uwakaminya inyanza, kandi nolomba inzira kuvitira mu mazi, kunangwa yavo avawaali nohonyia vaduuki kwambuka.

Isaya 55:13

Misaala ji midaragwa jilamera muvogono vwi viguunzanguva; zinzuvu zilamera mu vogono vwa amafa. Yiki kilava ekelolero kilihindira mihiga ni mihiga, ukwizuliza avandu ivindu via inzi Yahova mali kokora.”

Jeremia 31:32

Sinalive kuli Lilagana lia Ndalomba navaaguuga vaavo lwa ndaavagumira mukono nukuvimilira kutura mu kivala cha Egebeti mba. Kali niiva ndaali kuli musaza kuvo, sivalinda lilagana liene yilio mba.

Jeremia 32:20

Mu zing'inga zia kale, wakola vilolekizu kandi viokogenya mukivala cha Egebeti, kandi umali kuzizagilira kuvikola kuduuka ing'inga yiyi, mu Isiraeli kandi hagati zihiiri zindi ziosi, kunangwa kalunu wamanyikana havundu hoosi.

Jeremia 32:21

Ivi waleeta avandu vovo Isiraeli kutura mukivala cha Egebeti ni vilolekizu kandi ni viokogenyia, mu zinguru zizio zinene ligali kandi ku vunyali vuvwo.

Varumi 9:17

Mang'oda Matakatifu gavoolera Mwami wa Egebeti ndi, “Inzi Nyasaye ndaakotovola ove mwami wa Egebeti kunangwa uduuki kukutumikira kololekiza zinguru ziange mu ivi, kandi lieta linage liduuki kulandizwa mu lirova liosi.”

Joshua 3:16

amazi gasulungutaa kutura iluhia gasingira kogenda. Gavuunga kitumi lovega lulala, ihale ligali, hi lidaala lia langwa Adamu, iliveeye ahimbi na Zarezani. Amazi gasulungutaa kuzia munyanza yu Munyu gasingira. Kunangwa avandu zana yavo vaambuka ni vazia kolovega lundi, ku lujinga lwa Jeriko.