Isaya 63:11 - KITABU KITAKATIFU

¹¹ Maku avandu veve vizuliza madiku ga kale, madiku ga musa mutumikiri weve. Vateva, “Yahova aveeye haliha kalunu, aviimiliri va vandu veve kutura mu inyanza nzakanyu? Aveeye haliha uyu uwavika Roho weve Mutakatifu hagati haavo,

Isaya 63:11 ပူးပေါင်းရင်းမြစ်များ

Nehemia 9:20

Muvuyaanzi vwuvwo vulahi wavavolera agadukanaa vakole; Ivi wavaha imaana valie kandi wavaha amazi vanwi.

Zaburi 106:44

Navuzwa Yahova yahulira lwa vanira kuye, kandi yalora lidambizwa liavo.

Zaburi 106:45

Yahova yizuliza lilagana lilie lia yalomba navo. Yaavaverera kigira uvunyingi vwu vuyanzi vwivwe vutaveeye ne keheri.

Zaburi 106:9

Yahaana lilago ku nyanza Nzakanyu nayo yuuma; yimilira avandu veve kuvitira hagati hayo ku lirova liumu.

Zaburi 143:5

Nzizuliza amadiku gakale, ng'anagana ku vindu viosi via ivi walomba, kandi nzizuliza vikolwa vivio viosi.

Zaburi 25:6

O, Yahova, wizulizi, uvugasu kandi uvuyanzi vuvwo uvutahera mba. Uvwa umali kumanyia kunyi kutura kale.

Zaburi 51:11

Utaangunga nduli imbiri woovo mba, utatuliza Roho Mutakatifu ku inzi mba.

Zaburi 77:12

Inzi ndaganagana ku vindu viosi via wakokola; kandi ndaganagana ku vikolwa vivio viokogenyia.

Zaburi 77:20

Ivi wimilira avandu vovo kuli mwayi wi chayo cha magondi, kandi watovola Musa na Haruni kuva vimiliri vaavo.

Zaburi 78:52

Maku, yimilira avandu veve nivatura kuli mwayi wa magondi, kandi naavimilira kuvitira mu changalangwe.

Kutwula 14:22

kandi vandu va Isiraeli vavitira munyanza ku lirova liumu, harara na madigi ga amazi ku zimbega ziombi.

Kutwula 14:30

Lidiku yilio Yahova yahonyia avandu va Isiraeli kutura ku vandu va Egebeti, na avandu va Isiraeli vavalora nivaveeye avakuzu kulujinga lwinyanza.

Isaya 43:16

Ku ing'inga yakale Yahova yalomba inzira kuvitira mu inyanza, inzira kuvitira mu viguvuli vinene.

Isaya 63:10

Navuzwa vibaara nokovereriza Roho weve Mutakatifu; Kunangwa Nyasaye yaavikiruka nukugwa musigu wavo kandi nalwaana navo.

Isaya 63:15

Yahova, ohenze ku kunyi kutura mwigulu, uwa omenya mu vutakatifu kandi mu vukumi vuvwo. Lihendera kunyi mwoyo liilio linene liveeye haliha? Zinguru zizio ziveeye haliha? Uvuyanzi vuvwo ni zimbavasi zizio ziveeye haliha? Utahuhiza kunyi mba.

Jeremia 2:6

Si vahenda mwoyo kigira inzi mba, kali niiva ndavasoola kutura Egebeti kandi nimbimilira kuvitira mwigendanyama: kivala chumu kandi chu vuhimwa, kivala chumu chu mundu atanyala kuvitira mu mba kandi cha avandu vatanyala komenya mu mba.

Danyeli 4:8

Mu limalirika, Danieli walangwa Baliteshaza wagulikwa lieta liu, munyasaye wange yaza imbiri wange. Roho gwa vanyasaye vatakatifu gwaali muye. Kunangwa ndamuvolera maloto gange.

Hosea 12:13

Yahova yatuma muporofeti kuzia kosoola avandu va Isiraeli kutura muvutumwa mu kivala cha Egebeti kandi nukuvalinda.

Amosi 9:11

Yahova avoora, “Lidiku liizaa ndilanyia uvwami vwa Daudi, avoveeye kuli inyumba yaisasuguka nu kugwa. Ndilana kwumbaka vuhia amadigi gayo nu kugakola gave kuli gaali ku maziambiri.

Haggai 2:5

Lwa mwatula mu kivala cha Egebeti, ndaalaga ndi ndava na munyi ing'inga yoosi. Inzi ngikiri harara na munyi. Kunangwa, mutatia mba.

Zekaria 4:6

Maku engelosi yambolera kuhaana makuva yaga ku Zerubabeli kutura ku Yahova: “Ulanyaliza, na si gaveeye kigira vunyali vuvwo anoho kigira zinguru zizio mba, navuzwa gaveeye kigira Roho wange Yahova wamahi avoora.

Livalidza 11:17

Inzi ndaza kumoloma nivi hene yaho, kandi ndavugura ku Roho oveeye ku ivi nu kuvaha. Maku valakokonya kulinda vandu yava, kunangwa uvuli kuginga vuliduhu yivu weng'ine.

Livalidza 11:25

Maku Yahova yaza ku Musa mu lifana lia Malesi, kandi yamoloma naye. Yavugula zinguru zia Roho zindala ku zia yaali nahaani ku Musa, nahaana ku vimiliri 70. Lwa vanyoola zinguru yizi, vatanga liporofeta, navuzwa si vamanya nivazizagilira mba.

Livalidza 11:29

Musa yativura, “Oveeye nilikendeka kigira inzi? Ndakayanzi niiva Yahova yakaviiki Roho weve ku vandu veve vosi nukuvakola vosi avaporofeti!”

Vahebraina 13:20

Nyasaye umali kusimugukiza Mwami wiitu Yeso Kristo kutura mu vakuzu, oveeye Mwayi Munene wa magondi kigira lisundula lia masahi geege agadinyirizaa lilagana lie mihiga ni mihiga.

Vakalagi 6:13

“Navuzwa umwami,” Gidioni yativura, “Niiva Yahova aveeye harara ni kunyi, kigira ki yaga goosi gaakoleki ku kunyi? Iviokogenyia zana viveeye hai ivia vaguuga viitu vaakovolera ulwavavoora: ‘Yahova siyakutuliza Egebeti? Navuzwa kalunu Yahova umali kukwivilira, ma okoleki mu makono ga vandu va Midiani.’ ”