Isaya 62:12 - KITABU KITAKATIFU

¹² Mulalangwa, “Avandu va Nyasaye Avatakatifu”, “Avandu va Nyasaye amali kohonyia.” Jerusalemi ilalangwa, “Lidaala linene lia Nyasaye ayaanza”, “Lidaala linene lia Nyasaye yavula koleka.”

Isaya 62:12 ပူးပေါင်းရင်းမြစ်များ

Zaburi 107:2

O, munyi mwosi ava Yahova yahonyia, mwiranili kovora amakuva yaga, mu lizominya Yahova, umali kumuhonyia kutura ku vasigu vinyu,

Kutwula 19:6

avandu vaveeye avatakatifu vange, na mulandumikira kuli avasaalisi.”

Isaya 1:27

Kigira Yahova aveeye mulungi, alahonyia Jerusalemi kandi ku woosi uwiganiraa.

Isaya 35:8

Halakaveho ninzira enene ilangwa, “Inzira yu Vutakatifu.” Umundu mwoni sialakagende kunzira yeyo mba; kandi mundu musiru sialimilira avandu valonda kunzira yeyo nu kuvagotiza mba.

Isaya 35:9

Zisimba si zilakave havundu yaho mba; zinyama zinduru si zilavitira kunzira yeyo mba. Yavo ava Yahova yasoola, nivo avaligenda kunzira yeyo nukuzia yengo.

Isaya 4:3

Vuli mundu woosi watigala mu Jerusalemi, awa Nyasaye yatovola amenye, alalaangwa mutakatifu.

Isaya 41:17

“Lwa avandu vange avadaka kandi avadambi vaveeye ni lienya amazi kigira uvuluhu, Inzi Yahova ndahaana amativuli ku lisaala liavo. Inzi Nyasaye wa vandu va Isiraeli sindavaleka mba.

Isaya 42:16

“Ndimilira avandu vange avavoku, kandi ndavamanyia inzira ya vakikiri kolonda ku. Ndagirung'anyia kisundi chavo kugwa uvulavu, kandi ndalungikiza kivala keveeye chamajichi kuva kilahi imbiri wavo. Yili nilio lisuuvirizwa liange ku vandu vange, kandi sindavaleka mba.

Isaya 51:10

Yaali ivi kandi uwakaminya inyanza, kandi nolomba inzira kuvitira mu mazi, kunangwa yavo avawaali nohonyia vaduuki kwambuka.

Isaya 52:3

Yahova Wuvunyali avoora ku vandu veve: “Munyi mwagulizwa vugira mitungu josi, kandi mulava avavoholore vugira kutunga esendi kali ndala.

Isaya 60:21

Avandu vinyu vosi valava avalungi, kandi valavugula miandu ji kivala chavo mihiga ni mihiga. Inzi ndaavaleta kandi nimbaviiki mu kivala yiki; ndakora ndio kandi nduuki kukuminywa.

Isaya 62:2

Zihiiri ziosi zilarora uvulungi vwinyu O, Jerusalemi, kandi avami vosi valalola uvukumi vwinyu. Kandi mulagulikwa lieta lihia, ilieta litula ku Yahova mwene.

Isaya 62:4

Simulalangwa kandi, “Azuba,” liveeye kovora “Avandu valekwa” anoho kivala chiinyu si kilalangwa “Shemama” liveeye kovora “Mukali walekwa.” Navuzwa mulalangwa “Hefiziba” - liveeye kovora “Uvusangari vwa Nyasaye voveeye mu munyi.” Kivala chiinyu kilalangwa; “Beula” - liveeye kovora - “Wakwevwa.” Yahova asangalira munyi, kandi mulava kuli musaza mu kivala chiinyu.

Isaya 63:18

Kunyi avandu vovo vatakatifu, kwavugula ahatakatifu hoho ku ing'inga ngekeeke, navuzwa avasigu viitu vaduvagira hasi Litembeli liilio.

Isaya 65:1

Yahova yavoola, “Inzi ndaali ninzetegeki kuhaana amativuli kulisaala lia vandu vange, navuzwa si vasaala ku inzi mba. Ndaali ninzetegeki yavokonyoora, navuzwa si vaageriza konyenya kali niiva ndaali ninzetegeki vuli kazozo kuhaana amativuli ku lisaala liavo ndi, ‘Inzi mbeeye hano, ndamukoonya.’

Matayo 16:18

Nainzi ngovolera Petero; ivi oveeye ulwanda, na ku lwanda yilu ndumbaka ku ilikanisa linage, nizinguru zie likuza sizinyala kuliguuta.

Matayo 28:20

muviigizi kolonda ivindu viosi via mali kumulaga. Na ndava harara ni munyi madiku goosi; kuduuka ku keheri chi ing'inga.”

Luka 19:10

Kigira Mwana wa Adamu yaza kwenya kandi kohonyia avaagota.”

Yohana 10:16

Mbeeye kandi na amagondi gandi amanyingi agataveeye gu mu kego yiki. Kuduuka ngaleete kandi. Nago kandi galahulira mwoyo gwange, na galava chayo kilala nu mwayi mulala.

Yohana 4:23

Navuzwa ing'inga yiza kandi imali kuduuka, lwa vandu vasigamira; Baba mu Roho kandi mu agiligali yava nivo vandu va Baba yenya vamusigamiri.

Kwidzulitsa 26:19

Alakamukole muve avanene kuvita ihiiri yindi yoosi ya yalomba, kandi mulahaana lisandiza nu luyali ku lieta lilie. Mulava avandu veve, kuli yamusuuviriza.”

Kwidzulitsa 28:9

“Niiva mulahulira Yahova Nyasaye winyu na mukore vindu viosi via amulagaa alamukola muve avandu veve vatakatifu kuli yamusuuviriza.

Kwidzulitsa 7:6

Mukore ndio kigira muveeye vandu va Yahova Nyasaye winyu. Kutura mu vandu vosi vilirova, Yahova Nyasaye winyu yamutovola muve avandu veve avadukiru kuvita avandu vandi.

Vahebraina 13:5

Mutava niliiva liu kuyaanza mabese mba, navuzwa muvugiliri vindu via muveeye navio. Nyasaye umali kovora, “Inzi sindamwivilira mba.”

1 Petro 2:9

Navuzwa munyi muveeye ihiiri etovoleywi, avasaalisi vu Mwami, avandu avatakatifu, avandu va Nyasaye mwene, yavo avatovolwa valandizi uvulahi vwa Nyasaye, uyu wamulanga munyi muturi mu kisundi muduuki mu vulavu vwivwe vwokogenyia.

Likunula 5:9

Vimba ulwimbu luhia, ni vavoola: “Ivi uduukani kuvugura kitabu no kovoholora imihuri jacho. Kigira ivi witwa, kandi kigira likuza liilio, ivi waagulira Nyasaye avandu kutura mu vuli ihiiri, vandu vi zinimi lugano lugano, kandi ku zihiiri ziosi mu kivala choosi.