Isaya 62:11 - KITABU KITAKATIFU

¹¹ Yahova alandizaa ku vandu vosi vi lirova ndi: “Muvoolere avandu va Jerusalemi, ndi Yahova yazaa kumuhonyia, kandi alaza harara na vandu va yamala kosoola.”

Isaya 62:11 ပူးပေါင်းရင်းမြစ်များ

Isaya 12:2

Nyasaye aveeye muhonyi wange; ndamusuuvira, kandi sindatia mba. Yahova Nyasaye aveeye zinguru ziange kandi lwimbu lwange; aveeye muhonyi wange.

Isaya 17:10

Isiraeli, mumali kwivilira Nyasaye Umuhonyia kandi Umukinga kuli lwanda lwi zinguru. Mu vogono yivwo, musimikaa misaala mu milimi mitakatifu kunangwa muduuki kusigamira munyasaye mugeni.

Isaya 42:10

Mwimbiri Yahova lwimbu luhia; avandu vosi, mwizominye Yahova, avandu vosi aveelemaa ku inyanza, mwizominye Yahova. Vilombe viosi viu munyanza, mwizominye Yahova, avandu vosi avamenyi mu visulu mwimbi nu kwizominya Yahova.

Isaya 46:13

Lidiku liovohonyi liveeye ahimbi siliveeye ihale ligali mba. Sindalindagira koleta vohonyi vwange mba. Ndahonyia avandu va Jerusalemi kandi ndaleta lizominywa ku avandu va Isiraeli.”

Isaya 48:20

Muzie muturi mu kivala cha Babiloni, mulandizi ku vandu vosi ha vundu hoosi amakuva amalahi gu vusangali: “Yahova umali kohonyia avatumikiri veve Isiraeli!”

Isaya 49:4

Inzi ndaavoora, “Ndaakola minyinzi, navuzwa jiveeye vuzwa! Ndaatumikira zinguru ziange ku miyinzi, navuzwa sindaakonya kindu kali hakuzu mba.” Kali ndio ndaasuuvira Yahova Nyasaye wange, alamba amadanyi ku likora liange.

Isaya 49:6

Yahova yambolera, “Mbeeye ni miyinzi minene ku ivi, mutumikiri wange. Sigaveeye nu kwilanyia avandu va Isiraeli avatigara mba, navuzwa ndakokola kandi ove kuli uvulavu ku zihiiri ziosi, kunangwa avandu vosi ku lirova vaduuki kohona.”

Isaya 51:5

Ndaaza vwangu nukuvahonyia; ing'inga yi liguuta liange eveeye ahimbi. Inzi mwene ndamiiha ku zihiiri. Vivala vie ihale vinindilira inzi nzize. Valalindilira ni lisuuvira ndi ndavahonyia.

Isaya 59:20

Yahova avooreraa avandu va Isiraeli, “Ndaza ku Jerusalemi kuli umuhonyi, okohonyia kandi kukinga visukululwi via Yakobo, avagirung'ana kutura ku vwoni vwavo.

Zekaria 9:9

Musangare, musangare, avandu va Ziyoni! Muhanzuki kigira vuyanzi, munyi avandu va Jerusalemi! Henza, mwami winyu yaazaa ku munyi! Yaazaa ni kivigu kandi liguuta, navuzwa aveeye muhooma kandi aniini ku ibunda; kemoli chi ibunda, chivuliywi ni ibunda.

Matayo 21:5

“Muvoolere lidaala lia Jerusalemi, Henza, mwami woovo yazaa ku ivi! Aveeye muhooma kandi aniini ku isukiri, kemoli chibunda.”

Marko 16:15

Yavavolera, “Muzie mu lirova liosi kandi mwilwaze Ivangeri ku avandu vosi.

Yohana 12:15

“Utatia mba, lidaala lia Jerusalemi! Henza, Mwami woovo yaazaa, yikaye ku kemoli chisukiri.”

Kwidzulitsa 30:4

Kali niiva mwasalanywa ihale ligali kuduuka ku keheri chi zikona zie lirova, Yahova Nyasaye winyu alamuvungiza harara kandi alamwilanyia,

Likunula 22:12

Yeso avoora, “Hulira Inzi nziza vwangu! Mbeeye na amadanyi gange, kutunga umundu sa mulala kolondekana ni miyinzi jije.