Isaya 62:10 - KITABU KITAKATIFU

¹⁰ Munyi avandu va Jerusalemi, muzie mu lidaala linene mulombe inzira ku vandu vinyu avilanaa! Mwetegekize inzira enene, mutulizi amagina muyo! Mugiingi ebendera kuva kuli ekelolero, kunangwa zihiiri ziduuki kumanya;

Isaya 62:10 ပူးပေါင်းရင်းမြစ်များ

Zaburi 24:7

Mwigule virivwa vialame ligali. Mwigule viliango via kale, na umwami wovukumi aduuki kwingira.

Zaburi 68:4

Mwimbiri Nyasaye, mwimbi zinyimbu ziukwizominya Nyasaye mulungikize inzira ya uyu uninaa mu malesi lieta lilie ni Yahova; musangare imbiri weve!

Kutwula 17:15

Musa yumbaka uvwali, navulanga lieta “Yahova aveeye ebendera yange.”

Isaya 11:10

Lidiku lizaa lwu mwami muhia kutura munyumba yu vwami vwa Daudi alava kelolero ku zihiiri ziosi. Valavunga harara mu lidaala lilie liu vwami nukumuha luyali.

Isaya 11:12

Yahova alasingiriza kelolero chebendera ukumanyia zihiiri ndi avungiza avandu veve harara ulwa kaviri, avandu vasalanywa va Isiraeli ni Ivuyuda, na aviiranyiaa kutura mu zikona zine zie lirova.

Isaya 11:16

Kandi halavaho ninzira enene kutura Asiria kigira yavo vandu veve Isiraeli avatigara mwoyo, kuli gaali ku avaguuga vaavo lwa vaatura Egebeti.

Isaya 18:3

Muhuliri, munyi avandu vamenyi ku lirova! Muhenze ku kelelero chebendera kiligingwa igulu ku vigulu! Muhulirizi lwi kisiriva kilikubwa!

Isaya 19:23

Lwing'inga yeyo iduuka, inzira ilakaveho kutura mu kivala cha Egebeti kuduuka mu kivala cha Asiria. Avandu va Asiria valakagende kuduuka Egebeti kandi avandu va Egebeti valakagende kuduuka Asiria. Zihiiri ziviri yizi, zirakasigamira Yahova harara.

Isaya 26:1

Lidiku liizaa lwa vandu valakimbi lwimbu yilu mu kivala chi Ivuyuda: Lidaala linene lietu liveeye lie zinguru! Nyasaye mwene akingaa madigi galio nizimbinga zialio!

Isaya 26:2

Mwigule virivwa via madaala manene na muleke ihiiri isuuvirifu yingiri, ihiiri ya vandu vakora agaveeye malungi.

Isaya 35:8

Halakaveho ninzira enene ilangwa, “Inzira yu Vutakatifu.” Umundu mwoni sialakagende kunzira yeyo mba; kandi mundu musiru sialimilira avandu valonda kunzira yeyo nu kuvagotiza mba.

Isaya 35:9

Zisimba si zilakave havundu yaho mba; zinyama zinduru si zilavitira kunzira yeyo mba. Yavo ava Yahova yasoola, nivo avaligenda kunzira yeyo nukuzia yengo.

Isaya 40:3

Mwoyo gwu mundu guhanzukaa mwigendanyama nigovoora, “Mulombe inzira ya Yahova mwigendanyama! Mulungikizi inzira ya Nyasaye mu changarangwi!

Isaya 40:4

Mudiguluri amavoona goosi; mwikizi vigulu viosi. Tugulu twosi tulikizwa, kandi lirova liosi liachama lilalungikizwa, kandi amagiki goosi galaleng'anywa.

Isaya 48:20

Muzie muturi mu kivala cha Babiloni, mulandizi ku vandu vosi ha vundu hoosi amakuva amalahi gu vusangali: “Yahova umali kohonyia avatumikiri veve Isiraeli!”

Isaya 49:11

“Ndalomba inzira mu vigulu, kandi ndakora avandu vange kogenda kuyo.

Isaya 49:22

Mwami munene Yahova avooreraa avandu veve ndi: “Ndagingira avandu vi zihiiri mukono gwange, kandi ndagiinga ebendera yange igulu kuva kuli kelolekizu ku vandu vange, kandi mulaleeta avana vinyu avayaayi ni vagingiywi ku vilitu vienyu kandi avana vinyu vakaana nivagiingiywi ku mavega ginyu.

Isaya 52:11

Muzie! Muzie! Muturi hano; mutadiira kindu kitali kinifu! Muzie mutule hagati ha vandu va Babiloni! Mwitakase munyi avagingaa viju via Yahova.

Isaya 57:14

Yahova avoora, “Leki avandu vange viirane ku inzi. Mutulizi iviukwikigitariza viosi mu zinzira zia vandu vange! Mwumbake inzira nukujetegekiza!

Isaya 60:11

Virivwa vinyu viliguka muvasu nu vudiku; kunangwa avandu vi zihiiri ziosi, vaduuki koleta vutugi vwavo ku munyi, ni vimiliywi na avami vaavo.

Isaya 60:18

Mwoyo gwa vikilage sigulahulika mu kivala chiinyu kandi mba. Lidiviza anoho kwononyia si vilavaho mu kivala chiinyu kandi mba. Ndamukinga kandi ndamusoola kuli lidigi, mulahaana lizominya ku inzi kigira mali kumuhonyia.

Isaya 66:19

kandi valamanya ndi inzi Yahova mbana amageri kuvo. Navuzwa ndahonyia valala nukuvatuma ku zihiiri, ziveeye mu vivala vikagatanaa ni inyanza - Tarishishi, Libia, Lidia kivala keveeye na vasaza vaveeye ni limanya liu kulasa uvuta, Tubali kandi Ivuguriki. Avandu vakikiri kuhulira luyali lwange anoho avakikiri kolola ovonene kandi zinguru ziange, hagati hi zihiiri yizi, valalandiza ovonene vwange.

Jeremia 18:15

Navuzwa avandu vange vamali kunzivilira! Vahaana vihaanwa vie vimuli ku vifananyi. Vamali kwichigatira kuinzira yavaduukana kogenda ku, sivalonda muzinzira ziakale mba; vagenda kuzinzira zitaveeye zinungi.

Jeremia 4:6

Muvuki muzie Ziyoni! Mwiruki muhonywe! Mutalindagira mba! Yahova aletaa kivi kandi ilidivizwa linene kutura Ivaale.

Ezekieli 26:2

Yavoola, “Mwana wu Mundu,” Yiki nicho kigira vandu va Tiro vasangala. Vahanzuka nivavoora, “Jerusalemi imali kudivizwa! Likiranyia lialio lie zinguru limali kohera! Si valahingana kandi nikunyi mba.”

Matayo 22:9

Kalunu muzie mu vwavukaniru vwi zinzira, na vosi avamunyoola, muvagenihizi vaze mu keserero.’

Vahebraina 12:13

Muzizagiliri kogenda kuzinzira zinungi, kunangwa kerenge chaalema kivuli kufogoya, navuzwa mu vogono yivwo kehonywe.