Isaya 59:17 - KITABU KITAKATIFU

¹⁷ Aliviika likalaga lirungi kuli likoti lie salamba, na zinguru ziovohonyi kuli igudwa. Aliiviika umwene uvugulu vonene kulungikiza ivindu kandi ukuhaana mageri nukuvaanza kisaalia cha vandu vasalira.

Isaya 59:17 ပူးပေါင်းရင်းမြစ်များ

Ayubu 29:14

Vutakatifu vwange vwangunika kuli inguvu, kandi uvulungi vwange vwali kuli iganza ni igudwa.

Zaburi 69:9

Uvuha vwange vwu kuyaanza Litembeli liilio vwaduuka mu mwoyo gwange kuli umuliru; amanyego ga yavo avanyegaa ivi, gamali kuduuka kali ku inzi.

Zaburi 94:1

O, Yahova, ivi oveeye Nyasaye uvanzaa kisaalia ku vasigu vovo; uvuli uvutima vuvwo kuvo.

Isaya 11:5

Alamiiha avandu veve nuvulungi kandi nu vusuuvirifu.

Isaya 26:11

Avasigu vovo sivamanyi ndi ulakavahe mageri mba. O, Yahova, uvaviiki mu zisoni na oleke vasaliri. Leka vasaliri maduywa aga umali kuvetegekizira. Uvamanyie kuli uyanza avandu vovo.

Isaya 37:32

Halava ho navandu mu Jerusalemi kandi ku kiguru cha Ziyoni avalitigala mwoyo, kigira Yahova Wuvunyali usaaviyi kokora ivindu yivi viekoleke.

Isaya 42:13

Yahova atulaa kuzia kulwaana kuli mulwaani aveeye nuvuha kandi yetegeki kulwaana. Aveeye ni lilira lie liihi, kandi lihanzuka liu vulwani; amanyia zinguru zizie ku vasigu veve.

Isaya 51:9

Hamba, O, Yahova, na okokonye! Tumikira zinguru zizio na okohonyie; uzitumikiri kuli wazitumikira maziambiri. Yaali ivi uwakalaga ogoyoka gwu mu inyanza Rahabu mu vidonye.

Isaya 63:15

Yahova, ohenze ku kunyi kutura mwigulu, uwa omenya mu vutakatifu kandi mu vukumi vuvwo. Lihendera kunyi mwoyo liilio linene liveeye haliha? Zinguru zizio ziveeye haliha? Uvuyanzi vuvwo ni zimbavasi zizio ziveeye haliha? Utahuhiza kunyi mba.

Isaya 63:2

“Kigira ki zinguvu zizie ziveeye zinzakanyu, zinzakanyu ligali kuli ziu mundu uduvagaa mazabibu uukamulaa iwaini?”

Isaya 63:3

Yahova yativura, “Inzi mali kuduvaga zihiiri kuli mazabibu, na siali ho nu mulala waza kongonya. Ndaziduvaga ligali mu vutima vwange, na amasahi gaavo giivaki ku zinguvu ziange ziosi.

Isaya 9:7

Uvwami vwivwe vwi zinguru vulazizagilira kuviruka; uvwami vwivwe vulava ni mirembe kazozo. Alamiiha kuli mwami mu vogono vwu mwami Daudi. Zinguru zizie zilereda ku likalaga lirungi, kandi liagigali kutura kalunu kuduuka mihiga ni mihiga. Yahova Wuvunyali amali kusaavira kokora yaga goosi.

Ezekieli 5:13

“Maku uvutima vwange uvululu vulava ku munye kuduuka lwa neminywa mwoyo. Lwayaga goosi gakolekaa, mulamanya ndi Inzi, Yahova, mali komoloma ku munyi kigira mbeeye nu vutima na munyi mulivula kuva avasuuvirifu.

Zekaria 1:14

Engelosi yambolera kovora cha Yahova Wuvunyali yaali navooye: “Ndayaanza Jerusalemi ligali, lidaala liange Litakatifu.

Yohana 2:17

Aviigi veve vizuliza ndi Amang'oda Matakatifu gavoora, “ Uvuyanzi vwange vwu kudidikanira inyumba yooyo, O, Nyasaye, vusamba mu inzi kuli muliru.”

2 Vakorintho 6:7

Kwilwaza likuva lietu lia giligali mu zinguru zia Nyasaye. Koveeye nu vulungi kuli viugi viu kulwaanira kandi kwikingira.

Vafeso 6:14

Kunangwa singiri vudinyu ni mwevohi agiligali kuli umusibi mu vikenge vienyu, kandi ni mwiviki uvulungi kuli isalamba,

Vafeso 6:17

Mwiviki igudwa yo vohonyi, kandi muvuguli kivavi cha Roho Mutakatifu, nacho ke veeye likuva lia Nyasaye.

1 Vatesalonike 5:8

Navuzwa, kunyi koveeye avumbasu, gakuduukiraa kove no vogeri. Kuduuka kwiviiki lisuuvira nu vuyanzi, kuli isalamba kandi lisuuvirizwa lietu lio vuhonyi kuli igudwa siyakotovola.

2 Vatesalonike 1:8

ni zimemo ziu muliru, kuhaana mageri ku yavo avasuuraa Nyasaye, kandi ku yavo avatahuliraa nu kutia Ivangeri yu Mwami wiitu Yeso.

Vahebraina 10:30

Kigira kumanya uyu uwavoola, “Kisaalia ni change, nda tunga.” Kandi uyu wavoola, “Mwami alakalagira avandu veve.”

Likunula 19:11

Maku ndaalora ligulu ni liigulikaa; kandi ndaalora, ibarasi indavu. Muhiri wayo alangangwa Umusuuvirifu nu wi Ligali. Akalagaa kandi muvulungi kandi alwaana iliihi lilie.