Isaya 59:15 - KITABU KITAKATIFU

¹⁵ Agiligali sigaveeye ho mba kali ku vosi oleka likora uvudamanu yiviika umwene mu lidambizwa.” Yahova umali kolola yaga, kandi uvihiliriziywi konyoora ndi sihali ni likalaga lirungi mba.

Isaya 59:15 ပူးပေါင်းရင်းမြစ်များ

Litanga 38:10

Aga yakola si gayaanziza Yahova mba, kunangwa Yahova yamwita kandi.

2 Samweli 11:27

Lwi ing'inga yilisioma yamalirika, Daudi yaamutumana yaaze munyumba yu vwami; yamanya naagwa mukali weve kandi namwivulira mwana muyaayi. Navuzwa Yahova siyayaanzizwa nicha Daudi yaali naakori mba.

2 Avami 9:11

Jehu yirana ku vanene vache veve, avamuteeva, “Vindu viosi vikaveeye vilahi noho? Mulalu ula yenyangi ki ku ivi?” Yavativulira, “Munyi mumanyi icha yenyangi.”

2 Kyetsinyinga 21:7

navuzwa Yahova siyenya kudiviza uvwami vwi inyumba ya Daudi, kigira yaali niyalomba lilagana na Daudi, kandi namusuuviriza ndi visukululwi veve valazizagilira kwamiiha mihiga ni mihiga.

Zaburi 5:9

Avasigu vange si vavola agiligali mba. Zing'anagani ziavo ziveeye ziu kwononyia, amakuva gaavo gaveeye gu vugadi kandi madoto, navuzwa galetaa likuza ligali ku vandu.

Isaya 1:21

Lidaala linene iliali ing'inga indala lisuuvirifu kalunu liveeye ni miima kuli ji liraya! Ing'inga ndala liizula vandu valungi, navuzwa kalunu avalumindi vatigaye mulio.

Isaya 10:2

Mukora ndio kunangwa muduuki kwigalira avadaka vavuli konyoora uvulungi vwavo, kandi vavuli konyoora likalaga liu vulungi. Nindio mukoraa muduuki kuvugura miandu ja vakunzakali na vavisandu.

Isaya 29:21

Nyasaye aladiviza yavo vavehera avandi, yavo vaagirung'anyia amageri gahevwa vandu vadamanu, kandi yavo avavolaa vovehi ukwigalira avandu vasuuvirifu vavuli konyoora likalaga lirungi.

Isaya 32:7

Mundu muyingu aveeye mudamanu kandi akolaa vindu vidamanu. Alohizaa mu vwivisu aduuki kudiviza avadaka na amakuva gu vugadi, kandi ahingiraa vadaka vavuli konyoora uvulungi vwavo.

Isaya 46:12

“Mbulirizi munyi avandu vaveeye avahindagirizi, kandi avaveeye ihale kutura ku vohonyi.

Isaya 48:1

Munyi avandu va Isiraeli, avaveeye visukululwi kutura Ivuyuda, muhuliri yaga. Mwisuuha ku lieta lia Yahova kandi ni muvooraa ni minwa jinyu ndi, mulasigamira Nyasaye wa vandu va Isiraeli, navuzwa simwavoola agiligali mba.

Isaya 5:23

Navuzwa kigira viambeti, mulakula yavo avamahiolo vazie, na mwigalira utaveeye nimbala kuvula kunyoola likalaga liu vulungi.

Isaya 59:4

Munyi muzizaa mukiyaro, navuzwa simuveeye nilikalaga liuvulungi kolovega lwinyu mba. Mweredaa ku ovovehi kuguuta ichiina. Mwetegekiza zing'anagani zienyu ziuvudamanu kusaliriza avandi.

Isaya 65:12

Munyi vosi muliitwa ni kivavi, mulinama na mulasinzwa, kigira, lwa ndamulanga si mwahaana amativuli mba, kandi lwa ndamoloma ku munyi, simwahulira mba, navuzwa mwakora agaveeye amadamanu imbiri wange, kandi mwatovora agandavula kuyaanzizwa nago.

Isaya 66:4

Kigira yaga, inzi kandi ndavaletera ikivi - ivindu yivio viavatizaa; kigira sihaaliho nu mulala uwahugira lwa ndavalanga anoho uwahuliriza lwa ndamoloma. Vaatovora kuvula kuhulira inzi nokokola uvudamanu.”

Jeremia 29:26

“Zefania, Yahova yakola ivi kuva musaalisi mu vogono vwa Jehoyada, kandi kalunu oveeye umunene mu Litembeli. Nu Vunyali vwuvwo kolola ndi mundu woosi oveeye umulalu, kandi wekolaa umuporofeti, agumilwi nokovofwa ni minyororo kandi kumuviika munyumba ya avahambe.

Jeremia 7:28

Ulavavolera ndi, ihiiri yaavo si eveeye ni liitia ku inzi mba, Yahova Nyasaye wavo mba, anoho si veenyanga kwiga kutura ku lihevwa amageri mba. Uvusuuvirifu si vuveeye muvo mba, sivunyala komolomwa ku kali hakuzu mba.

Lisyoma lya Jeremia 3:36

Yahova yamanya lwi likalaga lirungi lichaminywa mu kiyaalo.

Hosea 9:7

Ing'inga yu kuhaana mageri imali kuduuka. Yiyi ni ing'inga lwa avandu navanyoole agadukanaa navo. Lwa yago gakolekaa, avandu va Isiraeli valamanya! Mulavoola ndi, “Muporofeti uyu aveeye umusiru; kandi aveeye na roho gwu vulalu.” Avandu munyi muvadunyira kigira uvwoni vwinyu voveeye ovonene ligali.

Amosi 5:10

Munyi mudunyiraa uyu ogodekeraa uvutali vulungi mu vuyaalo kandi muvihiliraa oyo ovola agiligali.

Mika 7:2

Sihaveeyeho nu mundu mulungi utigaye ku lirova mba, sihaliho nu mulala oveeye musuuvirifu ku Nyasaye mba. Vosi vagoneka vaduuki kwita. Vosi vahimana nu mutego.

Marko 3:21

Lwa avinyumba yeeye vahulira, vazia kumugumira kigira avandu vaali ni vavoola, “Yaali kulaluka.”

Yohana 10:20

Avanyingi kuvo vavoola, “Aveeye ni lidemoni; kandi nu mulalu! Kigira ki mu muhulirizaa?”

Yohana 8:52

Avayuda vamuvolera, “Kalunu kumanyi agiligali ndi ivi oveeye ni lidemoni! Aburahamu yakuza, kandi avaporofeti vaakuza, navuzwa ivi ovola, ‘Ku vosi ugumira amigizu gange sialakuza mba!’

Vikolwa 26:24

Lwa Paolo yaali mu liekinga lilie kuli ndio, Fesito yamuhanzukira nu mwoyo munene, “Paolo! Ulaluki! Lisoma liilio linyingi likulalukizi!”

Vikolwa 9:1

Ing'inga yeyo Saolo yameda litihiza liile linene liu kwita avalondi vu Mwami. Yazia ku Musaalisi Munene,

Vikolwa 9:23

Lwa madiku manyingi gaavita, Avayuda vavugana nivalohiza zing'anagani ziu kwita Saolo.

Varumi 8:36

Kuli Mang'oda Matakatifu gavoora, “Kigira ivi, kwitwa umbasu beyi; koveeye kuli amagondi gu kwitwa.”

2 Vakorintho 5:13

Niiva kololeka kuva avalalu, yago gaveeye ndio kigira Nyasaye. Navuzwa, niiva ziganagani zio vogeri vwitu ni zindahi yago gaveeye ndio kigira vukala vwinyu.