Isaya 58:8 - KITABU KITAKATIFU

⁸ “Nimukora ndio hene yaho uvugasu vwange vulaaka ku munyi kuli liuva liu mugamba kandi zimbala zienyu zilahona vwangu. Vikolwa vienyu vilungi vilamwimilira; na inzi ndamulinda ku zimbega ziosi kigira uvukumi vwange.

Isaya 58:8 ပူးပေါင်းရင်းမြစ်များ

Ayubu 11:17

Kandi livamwoyo liilio lilava nu vwaku kuvita uvulavu vwa mbasu hagati; na kisundi chalio kuli uvulavu vwa mugambazuri.

Zaburi 112:4

Uvulavu vwakiraa avandu valahi mu kisundi; ku yava avaveeye nilivererera, avalahi kandi ni likalaga lirungi.

Zaburi 37:6

Yahova alakola uvulungi vuvwo vong'ereng'ane kuli uvulavu vuturaa ku iliuva.

Zaburi 85:13

Uvulungi vulimila imbiri wa Yahova, nukumwetegekizira inzira yalonda ku.

Zaburi 97:11

Uvulavu vwaka ku vandu valungi, kandi uvusangari vwaka ku valahi ligali.

Kutwula 14:19

Engelosi wa Nyasaye, uwaali imbiri wa avandu va Isiraeli, yatura yo niyiirana inyima wavo. Munara gwi lilesi gwisuunda kuduuka lwa gwaali

Tsing'ano 11:17

Mundu oveeye ni zimbavasi, aveeye nuvukara, navuzwa noveeye mululu ulisaliriza.

Tsing'ano 11:25

Ove muhaani na ulameedwa, okonye avandi, naive ulakonywa.

Tsing'ano 4:18

Inzira ya valungi vagenda ku eveeye kuli litongaa lie liuva, enyooraa vulavu vuli ing'inga kuduuka lwu mbasu gwakaa.

Isaya 26:2

Mwigule virivwa via madaala manene na muleke ihiiri isuuvirifu yingiri, ihiiri ya vandu vakora agaveeye malungi.

Isaya 30:26

Uvulavu vwu mweli vulakave kuli uvulavu vwi liuva, na uvulavu vwi liuva vulakamedeke haali saba kuvita kazozo, kuli uvulavu vwa amadiku saba mu lidiku lilala. Yaga goosi galakekoleke lwa Yahova avoheleraa nokohonyia zing'oma ziamali kuha avandu veve.

Isaya 33:24

Sihalavaho nu mulala omenya mu kivala chietu uwaza yigaane ndi alwalaa kandi uvwoni vwosi vulasaamiifa.

Isaya 52:12

Ing'inga yiyi simulatula kuzia vwangu vwangu; simulava nimugerizaa ukwiruka mba. Yahova Nyasaye winyu alamwimilira kandi alamukinga ku zimbega ziosi.”

Isaya 57:18

“Mali kolola kuli vaakora, navuzwa ndavahonyia uvulwaye vwavo. Ndavimilira nukuvakoonya, kandi ndaleminya mioyo jia yavo avasioma.

Isaya 60:1

Vuka ivi Jerusalemi, kandi ong'ereng'ane kuli liuva; uvukumi vwa Yahova vong'ereng'anaa ku ivi!

Isaya 60:2

Zihiiri zindi zilakunikwa ni kisundi, navuzwa uvulavu vwa Yahova vulang'ereng'ana ku ivi; uvukumi vulang'ereng'ana ku ivi.

Isaya 62:1

Inzi si ndachiring'ana kigira avandu va Ziyoni mba, kandi si ndasosa kigira Jerusalemi mba; kuduuka uvulungi vwivwe vong'ereng'ane kuli uvulavu vwa mugambazuri, kandi ovohonyi vwivwe vove kuli itaya yaka mu vudiku.

Jeremia 30:17

Inzi ndamukora muve vulahi kandi; ndahonyia zingwago zienyu, kali nbiiva vasigu vinyu vavoola, ‘Ziyoni imali kolekwa; umundu kali mulala sialivahendera mwoyo mba.’ Inzi, Yahova mali kovora.”

Jeremia 33:6

Navuzwa ndahonyia lidaala yili kandi ndilanyia avandu valio nu kuvaha uvulamu. Valamenya mu mirembe kandi mu likingwa liange.

Hosea 14:4

Yahova avoora, “Inzi ndahonya kandi ndilanyia vandu vange ku inzi mwene. Ndavayaanza nu mwoyo gwange gwosi; kandi si ndava nu vutima navo mba.

Malaki 4:2

Navuzwa kumunyi avatizaa inzi, zinguru ziange zio vohonyi zilatonga ku munyi kuli liuva. Ndaleta vohonyi ku munyi kuli vwaku vwi liuva. Mulakave avavoholore kandi nu vusangali kuli vimoli vituliziywi mu kego.

Matayo 13:15

kigira mioyo ja vandu yava jigwiyi midamanu kandi amatu gaavo galiduhi ku lihulira kandi vamwolizi zimoni ziavo. Gase vakaloli ni zimoni ziavo kandi vakahuliyi na matu gaavo. Nu kumanya zing'anagani ziu mu mioyo jaavo n nu kwiganira vaaluhi viirane ku inzi, na inzi mbahonyie.’

Vikolwa 10:31

navoora: ‘Korinelio! Lisaala liilio ni zisadaka zizio ku vadaka vivugiliywi na Nyasaye.

Vikolwa 10:35

Mundu wi ihiiri yoosi utizaa Nyasaye no kokora agaveeye amalungi avugilirwa naye.

Vikolwa 10:4

Korinelio yumika engelosi nu vuti, namuvolera “Ni kindu ki, mwami?” Engelosi yamuvolera, “Nyasaye uvugiliyi lisaala liilio ni zisadaka zizio ku vadaka.