Isaya 58:13 - KITABU KITAKATIFU

¹³ Yahova avoora, “Niiva ulakola lidiku lie Lisabato kuva litakatifu, na uvuli kunyagulira agayaanziza ivi mwene ku lidiku litakatifu liange yilio; niiva ulaleka miyinzi jijo umwene nukuliha uluyali ku livula kuzia ku zing'endo, kuvula kuyinzira, anoho ku livula komolomela amakuva ga vuzwa,

Isaya 58:13 ပူးပေါင်းရင်းမြစ်များ

Zaburi 122:1

Ndaali nuvusangali lwa vambolera, “Gendi kuzie mu Litembeli lia Yahova!”

Zaburi 27:4

Mali koteeva Yahova kindu kilala! Nyenya vuzwa kindu kilala cheng'ine: Nduuki “Komenya mu Litembeli lilie, nindora uvulahi vwivwe, nukumusaala yaanzimiliri.”

Zaburi 42:4

Mwoyo gwange guzunangwa novovereri vonene ligali lwa nzizuliza kuli ndaziza nu muganda gwa vandu mu Litembeli lia Nyasaye ni mbimiliraa mu zimbaso lwa vagenda nivimba nukuhanzuka zinyimbu zie lizominywa ku Nyasaye.

Zaburi 84:10

Kuva mu Litembeli liilio ku lidiku lilala, voveeye vulahi ligali kuvita kuva havundu handi madiku elefu indala, vwakaveeye vulahi inzi kuva mulindi ha kirivwa chi Litembeli lia Nyasaye wange, ukuvita komenya mu zinyumba zia vandu vachamu.

Zaburi 84:2

Ngayirangwa ligali kuva mulio! O, nzegomba ligali kuva mu Litembeli liilio! Nyimbiraa Nyasaye oveeye mwoyo zinyimbu nu mwoyo gwange gwosi kigira uvusangari.

Kutwula 35:2

Munyi muveeye na madiku sita gokokola miyinzi jinyu, navuzwa lidiku lia saba, mulikole kuva litakatifu, liveeye lisabato lio kohonga ku Inzi, Yahova. Mundu woosi okola miyinzi ku lidiku yilio, aliitwa.

Kutwula 35:3

Kali mutafwana muliru mu zinyumba zienyu ku lidiku lie lisabato mba.”

Isaya 55:8

Yahova avoora ndi: “Zing'anagani ziange siziveeye kuli zing'anagani zienyu mba, kandi zinzira ziange siziveeye kuli zinzira zienyu mba,

Isaya 59:13

Kumali kwibaala ku ivi nu kwambakana ivi kandi nukusuula kolonda ivi, Nyasaye wiitu. Kumali kudambiza avandi nukugirung'ana koleka ivi. Zing'anagani zietu ziveeye ziuvugadi; na amakuva giitu gaveeye ovovehi vwere.

Ezekieli 44:24

Lwa vandu vava mu lihangalizana kandi lihing'ana, avasaalisi valahaana likalaga lirungi hagati haavo kolondekana na malago gange. Valagumira malago gange kandi miima jange mu masavo gange goosi, kandi kokora lidiku lie Lisabato liange kuva Litakatifu.

Kyavalevi 19:3

Vuli mulala ku munyi kuduuka ahuliri mama weve na baba weve, na kandi kuduuka alindi lisabato liange kuli ngulaga. Inzi mbeeye Yahova Nyasaye winyu.

Likunula 1:10

Ndaali mu Roho ku lidiku liu Mwami, ni mbulira mwoyo munene inyima wange kuli kisiriva,