Isaya 58:12 - KITABU KITAKATIFU

¹² Avandu vinyu valumbaka vuhia vianyi vienyu via kale, valaviumbaka kandi ku mise ja kale. Na munyi mulagulikwa avandu vumbaka vuhia madigi gasasuguka, kandi avandu valalomba zinzira zie lidaala zivitiki kandi harara ni zinyumba iziali vianyi.”

Isaya 58:12 ပူးပေါင်းရင်းမြစ်များ

Nehemia 2:17

Navuzwa kalunu ndavavolera, “Muloraa ikivi cha koveeye mu, kigira Jerusalemi liveeye mang'anye, na ivirivwa vialio viamala kusambwa mumuliru. Gendi kwumbake vuhia madigi gi lidaala linene na koherizi zisoni zietu.”

Nehemia 2:5

ma nimbolera mwami, “Niiva ivi omwami uyanziziywi niinzi kandi uyanzi kongolera ilienya liange, mwaza yaanza oleke nzie mu kivala chi Ivuyuda, mu lidaala linene uwa avaguuga vange vayavirwa, kunangwa nduki kwumbaka lidaala linene yilio vuhia.”

Nehemia 6:1

Sanibalati, Tobia, Geshemu Umuarabua na vasigu viitu vandi vahulira ndi kumali kwumbaka lidigi ma kandi sihali na hasasuguka handi ahatigaye mba, kali nigava kwali nikukikiri kusingiriza viliango mu virivwa mba.

Ayubu 3:14

Ngano ng'onaa zindolo kuli avami na vamiihi vandi vilirova, avumbaka zinyumba ziu vwami zia kale.

Isaya 30:13

Munyi muveeye na mahiolo. Muveeye kuli lidigi litambi ilimali kwadika nukusiavuka kutura igulu kuduuka hasi; nonoho mulagwa.

Isaya 44:28

Mbolera Sairasi ‘Ni ivi uliamiiha avandu kulwa inzi; ulakakole aga nyenya okole. Ulakalage avandu kwumbakwa vuhia Jerusalemi, kandi misingi ji Litembeli kuvikwa.’ ”

Isaya 49:8

Yahova avooreraa avandu veve ndi, “Lwi ing'inga iduuka yu kumuhonyia, ndamanyia liyaanzilira liange ku munyi, kandi ndahaana amativuli ku lianira lienyu lio vokonyi. Ndamulinda kandi ndamukinga, kandi ndalomba lilagana liange na ivi kulwa vandu vosi. Ndamukora mumenye kandi mu kivala chiinyu kalunu ichalekwa vuzwa.

Isaya 51:3

Inzi Yahova, “Ndaleminya Jerusalemi mwoyo. Kandi ndaleminya mwoyo yavo vosi avamenyaa mu mang'anye galio. Kali niiva kivala chalio keveeye ichangalangwe, ndakekola keve mulimi kuli gwa Edeni ugwa ndataaga. Uvuyanzi nuvusangali vilava yo, kandi zinyimbu zieliizominya kandi lisandiza ziliimbwa ku inzi.

Isaya 52:9

“Muhanzuki zinyimbu ziuvusangali, munyi mang'anye ga Jerusalemi! Yahova alahonyia lidaala lilie linene, kandi alaleminya avandu veve mioyo.

Isaya 61:4

Valumbaka uvuhia madaala manene gi vianyi agasasuguka ku zing'inga zinyingi.

Jeremia 31:38

Yahova avoora, “Ing'inga yiza, lwa Jerusalemi yoosi lilakumbakwe vuhia kuli lidaala liange, kutura ku munara gwa Hananeli kuduuka ku kirivwa chu mukoona.

Ezekieli 13:5

Sivinyala kulinda havundu ha madigi gaayavuguka mba, anoho sivinyala kwumbaka uvuhia madigi ga vandu va Isiraeli mba. Kulwayago Isiraeli sinyala kukingwa lwu vulwani navuuzi ku lidiku liange lia Yahova mba.

Ezekieli 36:33

Yahova Wuvunyali avoora, “Ing'inga ya namwitakase uvwoni vwinyu vwosi, ndakaleke namumenye mu madaala ginyu kandi, nokoleka mwumbake uvuhia havundu hoosi ahatigala mang'anye.

Ezekieli 36:4

Kunangwa kalunu, muhuliri aga Inzi Yahova Wuvunyali mboraa ku munyi; avandu va Isiraeli avamenyi ku vigulu, kandi kutogera kandi mumavona, kandi avamenyi havundu halekwa kuva mang'anye, kandi avamenyi mu madaala galekwa kandi agavalanywa kandi nimulegerizwa ni zihiiri ziosi iziamukumberiza.

Danyeli 9:25

Uhuliri kandi umanye yaga, kutura ing'inga yi lilago liahaanwa liu kwumbaka vuhia lidaala lia Jerusalemi, kuduuka liza liu mwimiliri wa Nyasaye amali kotovola, mihiga 7 haali 7 jilakaviti. Jerusalemi ilakumbakwe uvuhia ni zinzira kandi lugaga lwi zinguru, kandi lilakasingili kumihiga 7 haali 62, navuzwa yiyi ilakave ing'inga yi kivi.

Amosi 9:11

Yahova avoora, “Lidiku liizaa ndilanyia uvwami vwa Daudi, avoveeye kuli inyumba yaisasuguka nu kugwa. Ndilana kwumbaka vuhia amadigi gayo nu kugakola gave kuli gaali ku maziambiri.

Amosi 9:14

Ndilanyia avandu vange Isiraeli mu kivala chavo. Valumbaka vuhia amadara manene gaavo gononywa no komenya mugo; valasimika milimi ji mizabibu na valanwa iwaini yajo. Valataga milimi nu kulia makuyu gajo.

Mika 7:11

Avandu va Jerusalemi, lidiku lizaa liu kwumbaka uvuhia amadigi gi lidaala linene; Lidiku liene yilio zinzako zie kivala chiinyu zilameedeka.