Isaya 58:11 - KITABU KITAKATIFU

¹¹ Inzi Yahova, ndamwimilira kazozo kandi ndigutiza lienya lienyu nivindu vilahi. Ndamukora muve ni zinguru kandi ovulamu mu miviri jinyu; na munyi mulava kuli milimi jisamwa amazi manyingi, kuli kisinukiru cha mazi gacho gatakamaa mba.

Isaya 58:11 ပူးပေါင်းရင်းမြစ်များ

Ayubu 5:20

Mu ing'inga yinzara, alamukola kuva mwoyo, mu ing'inga yu vulwani vululu kandi alamukinga kutura mu likuza.

Zaburi 1:3

Alafananywa numusaala gwasimikwa ahimbi ni migera ja mazi, gwamaa ku muhiga gwagwo matu gagwo siganialaa mba, na viosi via akola vilagasa.

Zaburi 107:9

Yahova ahaanaa amazi makindu ku yavo avaveeye nuvuluhu, kandi yigutizaa yavo avaveeye ni inzara ni viukulia vilahi.

Zaburi 25:9

Yimiliraa avahooma munzira eveeye inungi, kandi avigizaa uvulariri vwivwe.

Zaburi 32:8

Yahova ovola, “Ndakwigiza zinzira zia uziira ku; kandi ndakwidera nu kukuha zing'anagani.

Zaburi 33:19

Yahova ahonyia avandu veve kutura mu likuza, avakolaa kuva mwoyo mu ing'inga yinzara.

Zaburi 37:19

Si valava nu vusaliri mu ing'inga yu vudinyu mba. Navuzwa valanyora viukulia vinyingi mu ing'inga yi inzara eveeye ho.

Zaburi 48:14

“Nyasaye uyu aveeye Nyasaye wiitu mihiga ni mihiga; alakwimilira ku zing'inga ziosi izizaa.”

Zaburi 73:24

Ivi unzimiliraa na amigizu googo, kandi ulanyingiriza nu luyali lulwo ing'inga yi keheri chi limenya liange.

Zaburi 84:7

Avandu yava lwa vavitira mu livona lia Baka, zinguru ziavo zimedekaa vuli kazozo, kandi valalola Nyasaye wa avanyasaye.

Zaburi 92:14

Avaamaa makuyu mu vusakulu vwavo, kandi vaveeye kuli amatu mavisi kandi agizingulu.

Tsing'ano 11:25

Ove muhaani na ulameedwa, okonye avandi, naive ulakonywa.

Tsing'ano 13:4

Mundu mugata niyenya kindu si alakenyoola mba, navuzwa mundu mugulu alanyoola choosi chayenyaa.

Tsing'ano 28:25

Mundu wenya lilia linyingi aletaa vudinyu, navuzwa oyo usuviraa mu Yahova alanyoola vutugi.

Tsing'ano 3:8

Niiva ulakola ndio, lulava kuli ulunyasi lulahi olohonyia zingwagu kandi olososizaa uvuzunu vuvwo.

Lwimbu lwa Solomoni 4:15

Oveeye kuli mulimi gwi kisinukiru chi kidaho cha mazi; gi livamwoyo gitulululukaa kutura mu vigulu via Lebanoni.

Isaya 27:3

Inzi Yahova mbeeye mulindi wagwo kandi ngusamaa amazi zing'inga ziosi, ngulindaa vudiku numbasu gase mundu alagwononyia.

Isaya 33:16

Maku ulava ni mirembe ivi ulava mulilinda kuli umundu oveeye mu zimbinga zie zinguru. Ulava ni viukulia kandi amazi gukunwa.

Isaya 41:17

“Lwa avandu vange avadaka kandi avadambi vaveeye ni lienya amazi kigira uvuluhu, Inzi Yahova ndahaana amativuli ku lisaala liavo. Inzi Nyasaye wa vandu va Isiraeli sindavaleka mba.

Isaya 44:4

Valasivuka kuli uvunyasi vusamangwa amazi vulahi, kandi kuli misaala jimelaa himbi ni migera ja mazi.

Isaya 49:10

Sivalakave ninzara anoho uvuluhu mba. Sivalasalirizwa nuluya lwu muchangalangwe anoho umuvasu sigulavasamba kandi mba, valimilirwa nu mulala uvayaanzaa. Alakavimiliri kali kuduuka ha visenukiru via amazi.

Isaya 57:18

“Mali kolola kuli vaakora, navuzwa ndavahonyia uvulwaye vwavo. Ndavimilira nukuvakoonya, kandi ndaleminya mioyo jia yavo avasioma.

Isaya 61:11

Kuli ivitagwa vitomboka ma viviruka, Yahova Nyasaye alaleeta uvulungi kandi lizominywa imbiri Mwami Munene Yahova alahonyia avandu veve, kandi zihiiri ziosi zilamwizominya.

Isaya 66:14

Lwa muloraa yaga nigekoleka, mulasangale. Galamukola muve nizinguru kandi avalamu. Maku mulamanya ndi inzi Yahova, ngonyaa yavo avambuliranga, kandi manyianga uvutima vwange ku vasigu vange.”

Jeremia 17:8

Aveeye kuli musaala gwasimikwa ahimbi ni migera ja mazi kandi gwahila miri ligali kuduuka ku mazi. Siguveeye nu vuti mu ing'inga ye kivasu mba kigira amatu gagwo si ganiara mba. Si guhenda mwoyo lwi imbura itaveeye ho mba; navuzwa guzizagiliranga kwama amakuyu.

Jeremia 31:12

Valakaze kandi valakimbi nuvusangali ku kiguru cha Ziyoni kandi valayanzilira vihaanwa viange - vihaanwa viu vuzwage ni iwaini na maguta, vihaanwa via amagondi ni zing'ombe. Navave kuli mulimi gwa samwa vulahi; valanyora vuli kindu choosi cha venya.

Ezekieli 36:35

Avandu yava valakavoole ndi, ‘Kivala yiki ichaali nichatigala hazwa, kalunu kimali kugwa kuli mulimi gwa Edeni. Amadara gaali nigaatigala mang'anye, kandi gadivizwa, kalunu avandu vamenyi mu kandi gumbakiywi zimbinga.’

Hosea 13:5

Inzi niye waamulinda mwigendanyama, mu kivala chumu.

Yohana 16:13

Navuzwa, lwa Roho aliiza, ulivolaa agiligali kigira Nyasaye, alakamwimiliri mu agiligali goosi; sialakamoloma ku vunyali vwivwe mwene, navuzwa alakamuvoolere goosi aga yahulira, kandi alakalandizi havulavu ivindu viliekoleka.

Yohana 4:14

Navuzwa ku woosi unwa ku amazi ga mbana, sialava nuvuluhu kandi mba. Ligali amazi ga ndimuha galava muye kidaho cha amazi gi livamwoyo agasinukaa kumuha livamwoyo litahera mba.”

Yohana 7:38

Kuli Mang'oda Matakatifu gavoora, ‘Ku vosi usuviraa inzi, migera jaamazi gahaanaa livamwoyo, tulasinuka muye kutura mu mwoyo mwimwe!’ ”

Kwidzulitsa 15:4

“Yahova Nyasaye winyu alamugasiza ligali mukivala cha amuhezaa kuva miandu jinyu. Sihalavaho nu mulala ku avandu vinyu uva mudaka mba.

1 Vatesalonike 3:11

Kalunu, Nyasaye wiitu, kandi Baba wiitu, harara nu Mwami wiitu Yeso akwimiliri mu zinzira zietu kuduuki ku munyi.