Isaya 58:10 - KITABU KITAKATIFU

¹⁰ nimuhaana viukulia ku avinzara nuvuhaani vwosi, nukwigutiza lienya lia yavo avaveeye mu kivi, hene yaho uvulavu vonene vulamwakira mu zing'inga zie kisundi, kisundi chienyu kilava kuli mbasu hagati.

Isaya 58:10 ပူးပေါင်းရင်းမြစ်များ

Ayubu 11:17

Kandi livamwoyo liilio lilava nu vwaku kuvita uvulavu vwa mbasu hagati; na kisundi chalio kuli uvulavu vwa mugambazuri.

Ayubu 31:31

Avatumikiri vange vosi vamanya vulahi ndi ndingiriza no kogenihiza avageni kazozo.

Zaburi 112:4

Uvulavu vwakiraa avandu valahi mu kisundi; ku yava avaveeye nilivererera, avalahi kandi ni likalaga lirungi.

Zaburi 37:6

Yahova alakola uvulungi vuvwo vong'ereng'ane kuli uvulavu vuturaa ku iliuva.

Zaburi 41:1

Aveeye nuvugasu uyu ohenderaa avadaka mwoyo; Yahova alamukonyia lwaveeye mu vudinyu.

Tsing'ano 14:31

Mundu udambiza vadaka alegeliza Nyasaye wavalomba, navuzwa oyo oveeye ni zimbavasi ku vadaka ahaanaa luyali ku Yahova.

Tsing'ano 28:27

Mundu uhaanira ku vadaka, sialadaka mba, navuzwa oyo wivisaa kutura ku vadaka vandu vanyingi valamulaama.

Isaya 29:18

Lwalidiku yilio liduka, avahana matu valahulira kitabu nigisomwaa, na avavoku avaamenyaa mu kisundi, valigulika zimoni nokolola.

Isaya 42:16

“Ndimilira avandu vange avavoku, kandi ndavamanyia inzira ya vakikiri kolonda ku. Ndagirung'anyia kisundi chavo kugwa uvulavu, kandi ndalungikiza kivala keveeye chamajichi kuva kilahi imbiri wavo. Yili nilio lisuuvirizwa liange ku vandu vange, kandi sindavaleka mba.

Isaya 60:2

Zihiiri zindi zilakunikwa ni kisundi, navuzwa uvulavu vwa Yahova vulang'ereng'ana ku ivi; uvukumi vulang'ereng'ana ku ivi.

Ezekieli 18:16

anoho kudambiza mundu woosi anoho kwiva, kandi atungi magovi geege, kandi ahaane viukulia ku vaveeye ninzara, kandi ahaane zinguvu ku vaveeye niviahonyo,

Zekaria 14:7

anoho kisundi mba. Muvasu gulakave ho ing'inga yoosi kali ing'inga yu vudiku. Yahova weng'ine niye umanyi lwa yaga galakekoleke.

Zekaria 6:15

Avasaza vamenyi ihale valakaze kokonyana kwumbaka vuhia Litembeli lia Yahova. Lwa navave ni vakumbaka Litembeli vuhia, ulakamanye ndi Yahova Wuvunyali yanduma kuivi. Yaga galakakoleke goosi niiva mulakatie ligali malago ga Yahova Nyasaye winyu.

Luka 18:22

Lwa Yeso yahulira yaga, yamuvolera, “Wenyekaa okole kindu kilala kandi. Gulizaa viosi via oveeye navio, ugavuliri avadaka, na ulava nilivikiru liilio mwigulu; maku, uzi ononde.”

Kwidzulitsa 15:4

“Yahova Nyasaye winyu alamugasiza ligali mukivala cha amuhezaa kuva miandu jinyu. Sihalavaho nu mulala ku avandu vinyu uva mudaka mba.