Isaya 56:8 - KITABU KITAKATIFU

⁸ Mwami munene Yahova Nyasaye, umali koleta avandu veve Isiraeli yengo kutura mu lihaminywa, umali kulaga ndi alaleeta kandi avandu vandi ukuhambana navo.

Isaya 56:8 ပူးပေါင်းရင်းမြစ်များ

Litanga 49:10

Yuda alava ni imbimbu yu vwami, visukululwi vivie vilamiiha kazozo. Zihiiri zilaleta uvusuru kuye, kandi zihiiri zilinama imbiri weve.

Zaburi 106:47

Okohonyie, O, Yahova Nyasaye wiitu, kandi okoleete harara kutura mu zihiiri, kunangwa kuduuki kukusandiza nu kwizominya lieta liilio litakatifu.

Zaburi 147:2

Nyasaye yumbaka Jerusalemi vuhia; yiranyia avandu va Isiraeli avaari ni liadikizwa.

Isaya 43:6

Ndavolera vandu va Ivaale, vatuli vazie! Kandi ndavolera Isavaalu, vataviigalira mba! Leki avandu vange viirane kutura muvivala vie ihale, kandi kutura mu vuli keheri chi lirova.

Isaya 49:12

Avandu vange valatura muvivala vie ihale, kutura Ivaale kandi Imadioli, kandi kutura Aswani lidaala linene liveeye Isavaalu wa Egebeti.”

Isaya 49:22

Mwami munene Yahova avooreraa avandu veve ndi: “Ndagingira avandu vi zihiiri mukono gwange, kandi ndagiinga ebendera yange igulu kuva kuli kelolekizu ku vandu vange, kandi mulaleeta avana vinyu avayaayi ni vagingiywi ku vilitu vienyu kandi avana vinyu vakaana nivagiingiywi ku mavega ginyu.

Isaya 49:6

Yahova yambolera, “Mbeeye ni miyinzi minene ku ivi, mutumikiri wange. Sigaveeye nu kwilanyia avandu va Isiraeli avatigara mba, navuzwa ndakokola kandi ove kuli uvulavu ku zihiiri ziosi, kunangwa avandu vosi ku lirova vaduuki kohona.”

Isaya 54:7

“Ndaakoleka ku ing'inga engekeeke; navuzwa ku uvuyanzi vonene ligali, ndakwilanyia hango kandi.

Jeremia 30:17

Inzi ndamukora muve vulahi kandi; ndahonyia zingwago zienyu, kali nbiiva vasigu vinyu vavoola, ‘Ziyoni imali kolekwa; umundu kali mulala sialivahendera mwoyo mba.’ Inzi, Yahova mali kovora.”

Jeremia 31:10

Yahova avoora, “Zihiiri mumbulirizi, kandi mulandizi makuva gange muvisuru vie ihale. Inzi ndasalanyia avandu vange, navuzwa ndavavungiza kandi ndavalinda kuli mwayi alindaa chayo chiche.

Ezekieli 34:12

munzira indara nzere, kuli mwimiliri alindaa magondi geege agaali nigasalaana ma agiranyia harara kandi. Naangiranyie kutura havundu hoosi uwa gaali nigasalanyirwa ku lidiku lie kisundi kandi kivi.

Hosea 1:11

Avandu va Isiraeli kandi avandu vi Ivuyuda valakahambane harara. Valaketovolere aveene mwimiliri mulala, kandi valazizagilira konyoora uvutugi mu kivala chavo aveene. Yee, Lidiku lia Jezireeli lilava linene ligali!

Mika 4:6

Yahova avoora, “Lidiku liza lwandivungiza harara avalema, nukuvungiza yavo avakungwa kandi, yavo avamali kuha amaduywa;

Yohana 10:16

Mbeeye kandi na amagondi gandi amanyingi agataveeye gu mu kego yiki. Kuduuka ngaleete kandi. Nago kandi galahulira mwoyo gwange, na galava chayo kilala nu mwayi mulala.

Yohana 11:52

na sikoveeye ku yavo venyine, navuzwa kandi aduuki kuleeta harara avana va Nyasaye avasalana.

Yohana 7:35

Avanene va Avayuda vavolerana aveene naveene, “Mundu uyu aveeye ahimbi kuzia hayi aha kulivula kumunyoola? Anyala kuzia ku Avayuda vasalana hagati ha Avaguriki, yigizi Avaguriki?

Vafeso 1:10

Lilohiza yili, Nyasaye alakatwekiza lwi ing'inga indahi ilakaduuki. Alakavungizi vindu viosi harara, vindu viomuligulu kandi vindu viomulirova, na Kristo alakave mutwi gwavio.