Isaya 56:6 - KITABU KITAKATIFU

⁶ Kandi Yahova avoora ku avageni yavo aviihambanyiaa ku vandu veve, avamuyanzaa nukumutumikira, avalindaa Lisabato nukulinda Lilagana lilie nu vusuuvirifu vwosi:

Isaya 56:6 ပူးပေါင်းရင်းမြစ်များ

1 Avami 8:41

“Kandi ndio, lwu mugeni utaveeye mulala ku vandu vovo Isiraeli, navuzwa umali kuuza kutura mu kivala chi hale kigira uhuliyi lusuma lwi lieta liilio,

Isaya 14:1

Yahova alavelerera avandu veve Isiraeli, kandi alavatovola vave avandu veve omwene. Alavavika vamenye mu kivala chavo aveene, kandi avageni valaza komenya harara navo.

Isaya 44:5

“Mundu mulala sa mulala alavoora, ‘Inzi mbeeye wa Yahova.’ Valaza nukuhambana na vandu va Isiraeli. Vuli mulala alang'oda lieta lia Yahova ku mukono gwigwe, kandi aliigulika umwene kuva mulala ku vandu va Nyasaye.”

Isaya 58:13

Yahova avoora, “Niiva ulakola lidiku lie Lisabato kuva litakatifu, na uvuli kunyagulira agayaanziza ivi mwene ku lidiku litakatifu liange yilio; niiva ulaleka miyinzi jijo umwene nukuliha uluyali ku livula kuzia ku zing'endo, kuvula kuyinzira, anoho ku livula komolomela amakuva ga vuzwa,

Isaya 60:10

Yahova avooreraa, avandu va Jerusalemi ndi, “Avageni valumbaka uvuhia amadigi ginyu, kandi avami vaavo valamutumikira. Ndahaana amageri kumunyi mu vutima vwange, navuzwa kalunu ndamumanyia liyaanzilira liange ni zimbavasi.

Isaya 61:5

Avageni valamutumikira kandi valaya nu kulinda chayo chiinyu, kandi valalima milimi jinyu, nu kulinda milimi jinyu jie mizabibu.

Isaya 61:6

Navuzwa munyi mulalangwa avasaalisi va Yahova, avatumikiri va Nyasaye wiitu. Mulalia nu kusangalira uvutugi vwi zihiiri, kandi nu kwiyizominya nokovoora ndi uvutugi yivu voveeye uvwinyu.

Jeremia 50:5

Navalateeve inzira izizaa Ziyoni ma navazie mulovega lwene yilwo. Valalomba ninzi lilagana litaveeye nekeheri kandi sivaaza valivunanyie mba.

Ezekieli 20:13

Navuzwa avandu va Isiraeli vibaara ku Inzi mwigendanyama. Sivagumira lilago liange mba, kandi vasuura malago gange agaleetaa livamwoyo ku mundu woosi wegehiza kugo. Vamali kwononyia lidiku liange lie Lisabato. Ndavika kuva nu vutima vwange vululu mwigendanyama kandi ndavadiviza ligali.

Ezekieli 47:22

Kilava mwandu gwinyu gwi mihiga ni mihiga. Avageni vamenyi mu munyi kandi avamala kwivulira avana hano, gavadukiraa vanyoore kedonye chavo chu mulimi lwa mugugavuranyia. Gaduukanaa muvakolere kuli avandu vi kivala cha Isiraeli kandi vakubi zikuura konyoora kedonye chu mulimi harara ni zihiiri zia Isiraeli.

Zekaria 6:15

Avasaza vamenyi ihale valakaze kokonyana kwumbaka vuhia Litembeli lia Yahova. Lwa navave ni vakumbaka Litembeli vuhia, ulakamanye ndi Yahova Wuvunyali yanduma kuivi. Yaga galakakoleke goosi niiva mulakatie ligali malago ga Yahova Nyasaye winyu.

Vikolwa 11:23

Lwa yaduuka nalora kuli Nyasaye yaali nagasizi avandu yavo, yayanza; na aviganihizaa vosi vaye avasuuvirifu ku Mwami Yeso ni mioyo jaavo josi.

Vikolwa 2:41

Kunangwa avanyingi vasuuvira amakuva geege, nivabatizwa lidiku liene yilio. Avandu vaduuka ahimbi zielefu zivaga komeeda livaliza liu muganda gwa avasuuviri.

Varumi 8:28

Kunyi kumanyi ndi ivindu viosi viyinzira harara koleta uvulahi ku yavo avayaanzaa Nyasaye; yavo avayalanga kolondekana nu vulaliri vwivwe.

1 Vakorintho 16:22

Ku vosi mundu natayaanza Umwami, alaamwe. Umwami wiitu hamba!

2 Vakorintho 8:5

Yicho si chaavita kindu cha kwasuuvira ligali mba! Kutanga vihaana aveene ku Mwami; kandi ku vulaliri vwa Nyasaye, vihaana veene ku kunyi kandi.

Vagalatia 5:6

Nikoveeye nu vuhambani na Kristo Yeso, likevwa anoho livula kokevwa silikoonyaa kindu, navuzwa lisuuvira likora miyinzi kuvitira mu vuyanzi.

Vafeso 6:24

Zimbavasi zia Nyasaye zive na yavo vosi avayaanzaa Mwami wiitu Yeso Kristo, ni liyaanza litaveeye ne keheri.

Yakobo 1:12

Aveeye nu vugasu umundu wikuziraa mu ligerizwa, kigira lwamali kuguuta nu kuvita ligerizwa kuli yili anyoora itaji yi livamwoyo lia Nyasaye yasuuviriza yavo vosi avamuyanzaa.

Yakobo 2:5

Muhuliri, avaamitu vange avayaanze! Nyasaye yatovola avadaka vu mukivala vave avatugi mu lisuuvira, kandi vanyoore vwami vwa yasuuviriza yavo ava muyanzaa.

Likunula 1:10

Ndaali mu Roho ku lidiku liu Mwami, ni mbulira mwoyo munene inyima wange kuli kisiriva,