Isaya 54:4 - KITABU KITAKATIFU

⁴ Utatia mba, kigira siulavikwa muzisoni kandi mba; kandi siulaleganywa mba. Ulivilira uvwoni vwa wakola nukikiri muyaayi kandi siulizuliza manyego guvukunzakali vuvwo mba.

Isaya 54:4 ပူးပေါင်းရင်းမြစ်များ

Ayubu 11:16

Maku ulivilira uvudinyu vuvwo vwosi, ulavwizuliza kuli amazi gimbula agaamali kuvita.

Isaya 25:8

Mwami munene Yahova aladiviza likuza mihiga ni mihiga. Alakeeye maliga kutura mu zimoni zia vuli mundu, kandi alakatulizi ho zisoni izia vandu veve vamali kusalirira mu lirova liosi. Yahova mwene umali kovora.

Isaya 29:22

Kunangwa kalunu Yahova, Nyasaye wa Isiraeli, uwahonyia Aburahamu kutura mu vudinyu, avoora, “Avandu vange, simulava esoni kandi mba, kandi mu moni mwinyu simulagalula ni zisoni mba.

Isaya 4:1

Ing'inga yeyo lwaliduuka, avakali saba valagumira musaza mulala nokovoora, “Kunyi kulilihiza aveene, kandi kuliviika aveene, navuzwa yaanza oleke kovoole ivi oveeye musaza wiitu, kunangwa kuvuli kuva mu zisoni ziu kuvula kuva na avasaza.”

Isaya 41:10

Mutatia mba, kigira inzi mbeeye harara ni munyi! Mutahendi mioyo mba, kigira inzi mbeeye Nyasaye winyu. Ndamukora kuva avagulu, kandi ndamukonya; Ndamusoola kandi ndamuhonyia.

Isaya 41:14

Yahova avoora, “Munyi muveeye avakeekeke kandi avadedekere avandu va, Isiraeli mutatia mba, inzi ndamukonya Inzi, Nyasaye Mutakatifu wa Isiraeli. Inzi mbeeye muhonyi winyu.

Isaya 50:7

Navuzwa Yahova Nyasaye alangoonya kandi si ndaduuka mu zisoni mba. Kulwayago, ndasingira vudinyu nu vuluviliri, na si ndaduuka mu zisoni mba.

Isaya 51:7

“Mumbulirizi munyi avamanyi agaveeye malungi, munyi avaveeye na malago gange mu mioyo jinyu. Mutatia lwa vandu vamuhenyahenyaliza nukumunyega mba.

Isaya 54:14

Likalaga lirungi kandi uvulungi vilakokola ove nizinguru, ulava ihale kutura ku lidambizwa ni litihizwa linene.

Isaya 61:7

Zisoni zienyu ziduuki ku keheri. Munyi namumenye mukivala chiinyu aveene, kandi uvuhinda vwinyu vulamedeka; kandi mulava nu vusangali mihiga ni mihiga.

Isaya 65:16

Mundu woosi oteeva uvugasu mukivala, alateeva uvugasu kutura ku Nyasaye musuuvirifu. Oyo wi suuhaa mu lirova, alisuuha ku Nyasaye wa agiligali; uvudinyu vwaliho kutura kale, vumali kwivilirwa ligali.”

Jeremia 31:19

Kunyi kwasuula ivi, navuzwa nulwazana kwenya kwirane kuive. Inyima lwa waari nuwakakuha amageri, kwinaminya mitwi jiitu mu vovereri. Kwali muzisoni, kigira kwakora uvwoni nikuveeye avasoleri.’

Lisyoma lya Jeremia 1:1

Henza kuli Lidaala linenelia Jerusalemi litigaye iliere, lidaala liali ni liizula avandu vanyingi! Lidaala liali liuluyali ligali hagati hi zihiiri, kalunu limali kugwa kuli mukunzakali. Lidaala liali kuli mukaana wu mwami hagati ha madaala, limali kugwa kuli mutugwa.

Ezekieli 16:22

Mu ing'inga yilimenya lienyu lielivihiliriza kuli avandu vataveeye avasuuvirifu, si mwizulizaa ku kali hakuzu madiku govosoleli mba; kali lwa mwaali chahonyo nimwivaki masahi ginyu.”

Ezekieli 16:43

Mwamala kwivilira kuli ndamukolera lwa mwaali avasoleri, kandi mumali kongola kuva nu vutima kigira ivindu viosi viamumali kokora. Yiki nicho kigira mali kumukola mutungi viosi. Kigira ki munyi mwameeda miyinzi jumuviri kuvindu viosi viukuvihiliriza viamwakola?” Yahova Wuvunyali umali kovora.

Ezekieli 36:15

Sindavugilira zihiiri zimunyege kandi mba, anoho kumuchaya mba. Sindaleka ihiiri yinyu igwi mba. Inzi Yahova Wuvunyali mali kovora.”

Joeli 2:21

“Milimi, mutatia mba, navuzwa musangare kandi muyanze kigira goosi aga Yahova amali kumukolera.

Zefania 3:11

Ing'inga yene yeyo avandu vange sivalakave mu zisoni ziu kuganagana ndi vayibaala kuinzi mba. Ndakadivizi vuli mundu woosi oveeye ni liegingira kandi lielola. Simulakibaale kuinzi kukigulu change kitakatifu kandi mba.

Zekaria 10:6

“Ndakahaane zinguru ku vandu vi Ivuyuda. Ndakasole avandu va Isiraeli. Ndakavaveere zimbavasi kandi ndakaviranye yengo. Valakave kuli avandu vandavula kusuura. Inzi ni Yahova Nyasaye wavo, ndakahaane mativuli ku lisaala liavo.

1 Petro 2:6

Mang'oda Matakatifu gavoora, “Henza, ndatovora ligina linene liuvuguli vonene, ilia mbikaa kuli ligina liu mukoona mu Ziyoni; kandi mundu woosi usuviraa mu ligina yilio, sialaduuka mu zisoni mba.”