Isaya 51:19 - KITABU KITAKATIFU

¹⁹ Uvuvi yivu vwombi vukugwiliyi. Uvwoneku ni lidiviza, inzara ni liitwa nivwaha ukovelerera? Nivwaha okoleminya mwoyo?

Isaya 51:19 ပူးပေါင်းရင်းမြစ်များ

Ayubu 2:11

Ayubu yaali na avalina vavaga: Elifazi kutura mu lidaala linene lia Temani, Bilidadi kutura mu kivala cha Shua, na Zafari kutura mu kivala cha Naama. Lwa vahulira inguuva yuvusaliri uvwagwira mulina wavo Ayubu, vosi vatura sa mulala mu madaala gaavo, ni vazia kumulora nu kumuleminya mwoyo.

Ayubu 42:11

Maku avamwavo na vavoozo, na valina va Ayubu vosi, vazia kumugeniha nivalia harara naye nivasaangala munyumba yeeye. Vamanyia liverera liavo ku Ayubu ni vamuleminya mwoyo ku vudinyu vwosi vwa Yahova yaali naleti kuye. Sa mulala yamuha mabesa ni mingiri yi zahabu.

Zaburi 69:20

Amanyego gamali kuvunaga mwoyo gwange, kandi mali kukuza mwoyo. Ndasuuviraa ndanyoora liverererwa, navuzwa siliali ho mba; ndasuuviraa konyoora lileminywa mwoyo, navuzwa sindalinyoola mba.

Kohelethu 4:1

Maku ndaalora vuchamu vwosi vwekoleka mu kivala yiki. Avandu vadaambizwa vaalira, nu mundu siyaaliho uwaali unyala kuvakonya mba. Siyaaliho nu mundu waali unyala kuvakonya, kigira avadamibzi vaavo vaali ni zinguru kuvavita.

Isaya 14:30

Yahova alava umwami ku vandu veve vadaka, kandi alaleka vamenye mu mirembe, navuzwa alatuma inzara enene ku vandu va Filisitia, na vosi valakuza.

Isaya 22:4

Kalunu, mundeke siomere vululu, avandu vange vosi avamali kukuza. Mutagelizi koneminya mwoyo mba.

Isaya 47:9

Navuzwa mu ing'inga indala kandi mu lidiku lilala, mulakuza harara na avana vinyu vosi, kali niiva muveeye ni zinguru zinene kandi zinyingi ziu vukumu kandi uvusigitiri.

Isaya 54:11

Yahova avoora, “O, Jerusalemi Ivi usalirizangwa, lidaala linene litinyalizaa, vugira mundu wukuleminya mwoyo, ndumbaka vuhia imise jijo na magina guvuguli ovonene.

Isaya 60:18

Mwoyo gwa vikilage sigulahulika mu kivala chiinyu kandi mba. Lidiviza anoho kwononyia si vilavaho mu kivala chiinyu kandi mba. Ndamukinga kandi ndamusoola kuli lidigi, mulahaana lizominya ku inzi kigira mali kumuhonyia.

Isaya 61:2

Yaanduma kwilwaza ndi, ing'inga imali kuduuka, lwa Yahova ahonyia avandu veve, kandi alaguuta avasigu veve. Yaanduma koleminya mioyo ja yavo vosi avasioma.

Isaya 8:21

Avandu valagendagenda mu kivala, mu linyang'ana kandi ninzara. Mu inzara nu vutima vwavo, valalaama avami vaavo kandi Nyasaye wavo. Vanyara kohenza igulu mwigulu

Isaya 9:20

Havundu hoosi mu kivala avandu vanuraa nukulia ichukulia choosi cha vanyara konyoora, navuzwa sivigutaa kali hakuzu mba. Kali valiza avana vaavo vene!

Jeremia 15:5

Yahova avoora, “O, munyi avandu va Jerusalemi, nivwaha ulimuvererera? Kandi nivwaha ulimulirira? Nivwaha ulakave nu vwiyangu kumuteeva kuli muzizagiliraa?

Jeremia 24:10

Ndaleta iliihi kuvo, inzara kandi uvulwaye kuduuka vosi valadivi. Si halakaveho kali na mulala ulitigala mu kivala cha ndaavaha harara na avaguuga vaavo mba.”

Lisyoma lya Jeremia 1:12

Vavoolera vuli mundu woosi uvitira ahimbi navo ndi, “Muhenze kunyi!” Siaveeye ho nu mundu uwanyola uvusaliri kuli uvwitu mba, uvusaliri vwa Yahova yaleeta ku kunyi mu ing'inga yu vutima vwivwe.

Lisyoma lya Jeremia 1:9

Uvwoni vwa vandu yava vwaloleka havulavu, navuzwa si vahenda mwoyo ku kivi chavo mba. Liavo liali lidamanu ligali; si yaliho numundu waali anyala kuvaleminya mwoyo mba. Vanira Yahova avavererer mu vudinyu vwavo kigira avasigu vaavo vaali nivamali kuvaguuta!

Lisyoma lya Jeremia 3:47

Kwadivizwa ma kwatigara amang'anye; komenyaa muvuhimwa nuvuti.

Ezekieli 14:15

“Anoho niiva nyara kutuma zinyama ziu muvulimu kwita vandu, nokokola kivala kuva chere chu mundu avula kuvitira mu.

Ezekieli 14:21

Yaga nigo agu Mwami Munene Yahova avoora: “Ndahaana mageri malulu haali kane ku Jerusalemi; ndaleta iliihi, inzara, zinyama ziu muvulimu kandi uvulwaye vudamanu kudiviza vandu ni zinyama.

Amosi 7:2

Mu malola gange, ndalora zisigi nizilizaa vuli kindu choosi ichaali nikivirukaa chi irangi yu vulimu ku kivala maku ndaavora, “Yahova Nyasaye Wuvunyali, yaanza usamihi avandu vovo Isiraeli! Vanyara kohona ndi? Vaveeye vakekeeke kandi vadekere!”

Nahum 3:7

Yavo vosi avalimulola valakegose, valakavoole, ‘Lidaala lia Nineve litigaye amangaye! Nivwaha unyala kulivelerera? Nivwaha unyala koleminya vandu valio mwoyo?’ ”

2 Vakorintho 7:13

Kulwayago koleminyiywi mioyo ligali. Sikoveeye koleminywa mioyo jietu vuzwa mba, navuzwa Tito kandi yakuyaanziza kuli mwamukonya niyitulira mu lihenda mwoyo lilie.