Isaya 50:6 - KITABU KITAKATIFU

⁶ Ndahaana mugongo gwange ku vasigu vange. Kandi ndagilung'ana niimbana zisaya ziange vaduuki kumanyula zinderu ziange. Si ndaavisa mumoni mwange kutura ku livikwa mu zisoni kandi kutuzilwa amate mba.

Isaya 50:6 ပူးပေါင်းရင်းမြစ်များ

Nehemia 13:25

Ndavagondokera nukuvalaama, niimbakuya, nukumanyula masu gaavo. Maku ndaaviisuuhiza mu lieta lia Nyasaye ndi yavo kinga avana vaavo sivalaletana kandi na avageni kali hakuzu mba.

Ayubu 16:10

Avandu viivungizi na kovora makuva gaavo ku inzi, vigingiraa nukumbama zinzasaya.

Ayubu 30:10

Avandu vandunyiraa ligali nu kwiyahula ku inzi. Sivalindagiliraa ukunduzira amate mu moni mwange mba.

Zaburi 129:3

Vasalirizi mugongo gwange gufani kuli mulimi gulimiywi.

Zaburi 69:7

Inzi mali konyegwa kigira ivi, kandi mbeeye mu zisoni zinene ligali.

Zaburi 69:8

Inzi mbeeye mugeni ku avamwavo vange, kandi mugeni ku vandu vi nyumba yange.

Isaya 53:5

Navuzwa yatumitwa kigira uvwoni vwitu. Yaasalirizwa kigira uvudamanu vwitu. Ku lihevwa mageri lilie, kunyi konyoole livamwoyo, ku likuywa lilie, kunyi kohoni.

Isaya 53:7

“Yaadambizwa, nukukubizwa ikivi navuzwa yikuzira mu liegehiza, siyaavoola likuva kali lilala mba. Kuli ligondi lihilangwa mukisinziru, kuli ligondi likiring'anaa lwa likalangwa uvwoya, siyaavoola likuva kali lilala mba.

Lisyoma lya Jeremia 3:30

Leka ahaane lusaya lwilwe ku mulala unyala kumukuya, kandi leka ave mulilegwa.

Mika 5:1

Munyi avandu va Jerusalemi, vungizi amahi ginyu! Kukumbiriziywi niliihi linene na vingilira nukukuya umwimiliri wa Isiraeli ku lusaya.

Livalidza 12:14

Yahova yativulira Musa, “Baba weve alava niyamutuzira mate mu moni mwimwe, yaali yakaveeye mu zisoni ku madiku 7. Kunangwa Miriamu yahilwa ichova wa havundu hu kwivungikiza ku madiku 7. Inyima wa madiku yaga, anyala kwirana.”

Matayo 26:67

Maku, vamutuzira amate mumoni ni vamukubaga; na yavo avaamusamula

Matayo 27:26

Hene yaho Pilato yaavoholora Baraba kutura mu vuhambe. Maku yalaga vasikari veve vakuyi Yeso, ma avambwe.

Matayo 27:30

Vaamutuzira amate, nivavugura imbimbu nivamukuya nayo ku mutwi.

Matayo 5:39

Navuzwa kalunu inzi muvooleraa, utavaanza kisaalia ku mundu okokoleraa vudamanu mba. Mundu woosi ukwaala uluhi ku lusaya lwu mukono mulungi, oleke yaale uluhi ku lusaya lundi kandi.

Marko 14:65

Valala kuvo vataanga kumutuuzira amate. Vamufuma mu zimoni nu kumuduya nivamuvoolera, “Porofeta, nivwaha ukuduyi!” Avasikari vaamuvugura nivamukuya.

Marko 15:19

Vamukuya ku mutwi nimbimbu, vamutuuzira amate, vaagwa ku maru gaavo, kandi nivamwinamira.

Yohana 18:22

Lwa Yeso yaali niyakamara kovora yaga, mulala ku vanene va vasikari vi Litembeli, uwaali nasingiyi ahene yaho, yaala Yeso uluhi navoora, “Nindio utivulira Musaalisi Munene?”

Vahebraina 12:2

Gendi kohenze ku Yeso mutangizi kandi muduukizi wilisuuvira lietu, kutura mu litanga kuduuka ku keheri; kigira uvusangari vwali nivuvikiywi imbiri weve, yikuzira ku musalaba, nachaya zisoni zie likuza na yikaye ha mukono mulungi gwendeve yu vwami vwa Nyasaye.