Isaya 49:8 - KITABU KITAKATIFU

⁸ Yahova avooreraa avandu veve ndi, “Lwi ing'inga iduuka yu kumuhonyia, ndamanyia liyaanzilira liange ku munyi, kandi ndahaana amativuli ku lianira lienyu lio vokonyi. Ndamulinda kandi ndamukinga, kandi ndalomba lilagana liange na ivi kulwa vandu vosi. Ndamukora mumenye kandi mu kivala chiinyu kalunu ichalekwa vuzwa.

Isaya 49:8 ပူးပေါင်းရင်းမြစ်များ

2 Samweli 7:13

Niyie ulinyumbakira Litembeli kandi ndalora ndi endeve yu vwami vwivwe ilazizagilira mihiga ni mihiga.

Zaburi 2:8

Ondeeve, na inzi ndakuha zihiiri ziosi ni vindu vie lirova liosi kuva iviivio.

Zaburi 69:13

Navuzwa inzi O, Yahova, ndasaara ku ivi. O, Nyasaye, yaanza undivuliri lisaala liange mu ing'inga ya ivi mwene otovola. O, Nyasaye, yaanza undili kigira vuyanzi vuvwo ovonene ku inzi, kigira ivi unduukizaa lilagana liilio lio kohonyia.

Zaburi 75:3

Kali niiva vilombe viosi mu lirova lidengeyizwa, inzi mwene niyie usingirizaa misingi jalio vudinyu.

Isaya 26:3

Ivi, Yahova, uhaane mirembe midukiru ku yavo aviziganagani ziveeye zindukiru. Kandi vaviika lisuuvira liavo mu ivi.

Isaya 27:3

Inzi Yahova mbeeye mulindi wagwo kandi ngusamaa amazi zing'inga ziosi, ngulindaa vudiku numbasu gase mundu alagwononyia.

Isaya 41:10

Mutatia mba, kigira inzi mbeeye harara ni munyi! Mutahendi mioyo mba, kigira inzi mbeeye Nyasaye winyu. Ndamukora kuva avagulu, kandi ndamukonya; Ndamusoola kandi ndamuhonyia.

Isaya 42:1

Yahova avoora, “Uyu nu mutumikiri wange, wa inzi mali kuha zinguru, kandi wamali kotovola wu mwoyo gwange gusangaliraa. Mali kumukola mugulu, kandi mali kuviika muye Roho gwange; alareta likalaga lirungi mu zihiiri ziosi.

Isaya 42:6

“Inzi Yahova, mali kumulanga kandi mali kumuha uvunyali. Kolola ndi, likalaga liu vulungi likolangwa ku lirova. Ndalomba lilagana liange na ivi kulwa vandu vosi, kandi ndaleta uvulavu ku zihiiri ziosi.

Isaya 44:26

Navuzwa lwu mutumikiri wange aporofetaa, kandi lwa nduma mutumwa wange kuvuula lilohiza liange, ngolaa ovolohizi yivwo novoporofeti yivwo kuva vwa giligali. Mbolera Jerusalemi ndi avandu valamenya yo kandi; kandi mbolera madaala manene gi Ivuyuda ndi galumbakwa vuhia kandi. Madaala manene yago gasingirizwa kutura mu mang'anye.

Isaya 49:19

“Kivala chiinyu chononywa kandi ni kitigara ichele. Navuzwa kalunu kilava kekekeeke ligali, ku vandu vaza nokomenya mucho. Avasigu vinyu valahirwa ihale kutura ku munyi.

Isaya 51:16

Mali kuviika makuva gange mu munwa gugwo, nguvisi mu chiriri chu mukono gwange; ndaavambura ligulu niinzava muse gwi lirova, mbolera munyi avandu va Jerusalemi: ‘Munyi muveeye avandu vange.’ ”

Isaya 51:3

Inzi Yahova, “Ndaleminya Jerusalemi mwoyo. Kandi ndaleminya mwoyo yavo vosi avamenyaa mu mang'anye galio. Kali niiva kivala chalio keveeye ichangalangwe, ndakekola keve mulimi kuli gwa Edeni ugwa ndataaga. Uvuyanzi nuvusangali vilava yo, kandi zinyimbu zieliizominya kandi lisandiza ziliimbwa ku inzi.

Isaya 54:3

Ulasunda zinzako zizio zivambuki ku zimbega ziosi; kisukururwi chicho kilirana kuvugura kivala, ichi zihiiri zindi zimenya mu kalunu. Madaala manene agaali nigang'anywa galizula avandu.

Isaya 55:6

Mugirung'ane muzie ku Yahova na musaale kuye, lwaveeye ahimbi.

Isaya 57:13

Lwa muliraa kwenya ovokonyi, muleke ivifananyi vienyu yivio vimuhonyie! Imbuza ilavihuuza vizie ihale! Navuzwa yavo avasuuviraa mu inzi valamenya mukivala kandi valasigamira inzi mu Litembeli liange.”

Isaya 58:12

Avandu vinyu valumbaka vuhia vianyi vienyu via kale, valaviumbaka kandi ku mise ja kale. Na munyi mulagulikwa avandu vumbaka vuhia madigi gasasuguka, kandi avandu valalomba zinzira zie lidaala zivitiki kandi harara ni zinyumba iziali vianyi.”

Isaya 58:5

Lwa muhongaa lilia, mwisalirizaa aveene. Mwinaminyaa mitwi jinyu hasi kuli lulimu, kandi mwalahasia zinguvu zia magunia nukwuhula ku ligoke muduuki kogona ku. Agene yago nigo aga mulangaa lihonga lilia? Muganaganaa ndayanzizwa nagene yago goosi?

Isaya 61:2

Yaanduma kwilwaza ndi, ing'inga imali kuduuka, lwa Yahova ahonyia avandu veve, kandi alaguuta avasigu veve. Yaanduma koleminya mioyo ja yavo vosi avasioma.

Isaya 61:4

Valumbaka uvuhia madaala manene gi vianyi agasasuguka ku zing'inga zinyingi.

Isaya 65:9

Ndagasiza avandu va Isiraeli avaveeye vi ihiiri ya vandu vi Ivuyuda, kandi visukululwi vaavo valamenya mu kivala change chi ivigulu. Avandu vange avatovole, avandumikiraa, valamenya mu kivala yiki.

Matayo 26:28

yaga na masahi gange, agaveeye umuhuri gwi lilagana lia Nyasaye, agasundurwa kigira ilisamiifa liu uvwoni vwa vanyingi.

2 Vakorintho 6:2

Nyasaye avoora ndi: “Lwing'inga yaduuka yukumumanyia livugilirwa, ndaamuhulira; Lwi lidiku liaduuka liu kumuhonyia, ndamukonya.” Huliriza yiyi niyio ing'inga yakonyoola livugililwa lia Nyasaye kalunu ni lidiku liokohonywa.

Vafeso 1:6

Gendi kwizominyi Nyasaye kigira vukumi vwi zimbavasi zizie, ku kihanwa chiche cha yahaana ku kunyi mu Mwana weve Muyanze.

Vahebraina 12:24

Mumali kuuza ku Yeso umuhambanyi wililagana lihia, kandi ku masahi guufa agasuuvirizaa vindu vilahi ligali kuvita masahi ga Habili.

Vahebraina 5:7

Mu limenya lilie ku lirova, Yeso yahaana lisaala ni ligoonya kandi namaliga manyingi ku Nyasaye, waali unyala kumuhonyia kutura mu likuza. Nyasaye yamuhulira kigira yaali mugoosi kandi musuuvirifu.

Vahebraina 8:6

Navuzwa kalunu Yeso Kristo umali koheevwa miyinzi ju vusaalisi ovoveeye vulahi kuvita vwavo, kuli Lilagana lia yalohiza hagati ha Nyasaye na vandu veve liveeye lilahi ligali kuvita, kigira liediiraa ku lisuuvirizwa lilahi ligali lie vindu viveeye vilahi ligali.