Isaya 49:24 - KITABU KITAKATIFU

²⁴ Munyala kunyaga musikari muluviliri ivilanye vivie? Anoho munyala kosoola avahambe kutura ku mundu oveeye mululu kandi wi zinguru ligali?

Isaya 49:24 ပူးပေါင်းရင်းမြစ်များ

Ezara 9:13

Kali inyima wi vindu yivi viosi vimali kokoleka ku kunyi mu lihevwa mageri kigira uvwoni vwitu nu vudamanu vwitu koveeye ni limanya ndi, ivi Nyasaye wiitu, umali kuhaana mageri ku kunyi. Navuzwa uvwoni vwitu vwali uvunyingi ligali kuvita mageri ga kumali konyoora. Nitali mulikola yaga goosi, umali kuvugilira kunyi komenya.

Ezara 9:9

Kunyi kwali avatugwa navuzwa ivi si wakoleka mu vutugwa mba. Wakola mwami wa Pasia nakuyaanza kandi na kuvugilira kuzizagilira komenya kandi nu kwumbaka uvuhia kandi nu kwumbaka uvuhia Litembeli liilio, iliali niliagwa mang'anye. Wahaana kukunyi likingwa kandi nikomenya mu mirembe mu Ivuyuda kandi Jerusalemi.

Nehemia 9:33

Ivi wakola vulahi nu hana mageri ku kunyi, ivi waali musuuvirifu, kali niiva kunyi kwakora uvwoni,

Nehemia 9:37

Kigira uvwoni vwitu, ligesa linyingi lie kivala yiki lizizaa ku avami va ivi wavika ku kunyi vakwamihi. Vamiiha kunyi kandi mitugu jietu, kuli vayanzi. Kunyi koveeye mu liverera linene ligali!”

Isaya 42:22

Navuzwa kalunu avandu va Nyasaye vamali kulanywa, vamali kotegwa nu kugumirwa kandi vavikiywi mu vuhambe, Siyaali ho nu mundu kali mulala uwaali anyala kuvahonyia mba, anoho kwilanyia ivilanye viavo mba.

Isaya 5:29

Avasikari vahumaa kuli zisimba zimali kwita inyama na zigigingaa kugihira ha vundu hataveeye ho nu mulala unyala kuzinyaga.

Isaya 53:12

Kigira yaga, ndamuviika havundu hu luyali, alagavulana vilaanye harara na avizingulu. Kigira yihaana umwene kuduuka ku likuza, yavalizwa harara na voni; kali ndio, yaginga uvwoni vwa vandu vanyingi kandi nasaara ndi avoni vaduuki kusaamiifa.”

Ezekieli 37:11

Nyasaye yambolera, “Mwana wu Mundu, avandu va Isiraeli vaveeye kuli vigumba yivi. Vavola ndi vaveeye avahangalalu, kandi vaveeye vugira lisuuvirizwa, kandi vadiviziywi.

Ezekieli 37:3

Yandeva, “Mwana wu Mundu, vigumba yivi vinyala kuva mwoyo?” Ndaativura, “O, Yahova Wuvunyali, ivi weng'ine umanya!”

Nahum 2:13

Yahova Wuvunyali avoora, “Inzi mbeeye musigu winyu! Ndakasambe magare ginyu gu vulwani. Avasikari vinyu valakitirwi mu vulwani, kandi ndakavuguli vuli kindu choosi cha mwavugula kutura ku vasigu vinyu. Lienya lia vatumwa vinyu sililakahuliriki kandi mba.”

Matayo 12:29

“Anoho umundu anyala ndi kwingira munyumba yu mundu wundi wi zinguru nukumunyaga vindu vivie, naatatangi kovoha wi zinguru oyo kunangwa anyale limunyaga ivindu vivie zana?

Marko 3:27

“Sihaveeye nu mundu unyala kwingilira inyumba yu mundu wi zinguru ma amunyage imiandu jije vugira kovoha wi zinguru oyo kutanga, maku amunyage imiandu jije zana.