Isaya 48:21 - KITABU KITAKATIFU

²¹ Yahova yimilira avandu veve kuvitira muchangalangwe ichumu kandi kihiu ligali, navuzwa sivali nuvuluhu mba. Nyasaye yavaha amazi kutura mu lwanda, yatanyia ulwanda, na mazi gaturaa mu.

Isaya 48:21 ပူးပေါင်းရင်းမြစ်များ

Nehemia 9:15

“Lwa vaali ninzara, wavaha mugadi kutura mwigulu, na lwa vaali nuvuluhu, wavaha amazi kutura ku lwanda. Ivi wavavolera vavuguli kivala icha waali nuwavasuuviriza ndi ulavaha.

Nehemia 9:20

Muvuyaanzi vwuvwo vulahi wavavolera agadukanaa vakole; Ivi wavaha imaana valie kandi wavaha amazi vanwi.

Zaburi 105:41

Yakunura ulwanda na mazi manyingi ganyinyuka. Giturukaa kuvitira mu changalangwe kuli mugera.

Zaburi 74:15

Ivi wakola visinukiru via mazi notogera kwituruka; kandi wuminya migera minene ligali.

Zaburi 78:15

Yatanyia zinyanda mu changalangwe, navaha amazi manyingi kutura musi mwilirova.

Zaburi 78:16

Yakola otogera kusinuka kutura ku lwanda kandi naakora amazi nigituluruka kuli mugera.

Zaburi 78:20

Gaveeye agiligali ndi yaduya ulwanda, na amazi gaasinuka nigituluka kuli mugera gwizuuyi. Navuzwa aveeye unyala kandi kuhaana ku kunyi uvuchima kandi ahaane ku vandu veve inyama?”

Kutwula 17:6

Inzi ndasingira imbiri woovo ku lwanda ha Kiguru cha Sinai. Uduyi kulwanda zana, na amazi galasinuka kulwo ma avandu vanwi.” Musa yakola ndio imbiri wa aviimiliri va Isiraeli.

Isaya 30:25

Ku ing'inga yene yeyo, lwa minaara javasigu vinyu jirakagumilwi na vandu vaavo kwitwa, migera ja amazi jilakatuli kutura kuvuli kiguru kitambi.

Isaya 49:10

Sivalakave ninzara anoho uvuluhu mba. Sivalasalirizwa nuluya lwu muchangalangwe anoho umuvasu sigulavasamba kandi mba, valimilirwa nu mulala uvayaanzaa. Alakavimiliri kali kuduuka ha visenukiru via amazi.

Jeremia 31:9

Avandu vange vazavirane nivalira, nivasaara lwa nambe nimbimilira mulirana. Inzi nambimiliri kuduuka ku migera jiamazi, kunzira inungi yavalivulaa kwikigatira. Mbeeye kuli baba uvandu va Isiraeli kandi Efuraimu nu muyaayi wange wu kutanga.”

Livalidza 20:11

Kunangwa Musa yaginga imbimbu nakuya ku lwanda haali kaviri, nu mugela munene gwa mazi gwasinuka, kunangwa vandu vosi ni mitugu vanwa mazi.