Isaya 48:17 - KITABU KITAKATIFU

¹⁷ Nyasaye Mutakatifu wa vandu va Isiraeli, Yahova ahonyia munyi, avoora: “Inzi mbeeye Yahova Nyasaye winyu, uwenyaa kumwigiza kigira uvulahi vwinyu, kandi mwimiliraa kogenda kunzira idukanaa kogenda kuyo.

Isaya 48:17 ပူးပေါင်းရင်းမြစ်များ

Litanga 24:48

Maku ndinama nukusigamira Yahova. Ndizominya Yahova, Nyasaye wu munene wange Aburahamu, uwaanzimilira vwangu kuzia ku viko vu munene wange, uwa ndanyoora mukaana kuva mukali wu muyaayi wu munene wange.

1 Avami 8:36

uhuliri lisaala liavo noveeye mwigulu. Samiiha mwami kandi vwa avandu va Isiraeli. Uvigizi vakole gaveeye malungi. Hene yaho O, Yahova, tuma imbura ku kivala chicho kinu, cha waha vandu vovo kuli miandu ji mihiga ni mihiga.

Ayubu 36:22

“Wizulizi kuli ovonene vwi zinguru zia Nyasaye voveeye; Aveeye mwigizi munene kuvoosi.

Zaburi 25:12

Yavo avatiizaa Yahova valiiga kutura kuye zinzira zia vaduukana valonde.

Zaburi 32:8

Yahova ovola, “Ndakwigiza zinzira zia uziira ku; kandi ndakwidera nu kukuha zing'anagani.

Zaburi 71:17

O, Nyasaye, ivi wamala kunzigiza vikolwa viokogenyia kutura lwa ndaali mwana, kandi ngizizagiliraa kulandiza makuva gi vikolwa vivio viokogenyia.

Zaburi 73:24

Ivi unzimiliraa na amigizu googo, kandi ulanyingiriza nu luyali lulwo ing'inga yi keheri chi limenya liange.

Isaya 2:3

Avandu avanyingi valaza nivavoora, “Gendi kuzie ku Kiguru cha Yahova, ku Litembeli lia Nyasaye wa avandu va Isiraeli. Alakwigiza agayenya kunyi kokole. Kulagenda kuzinzira ziamali kotovola, kigira amalago ga Yahova gaturaa Jerusalemi. Kandi amolomaa ku avandu veve kutura Ziyoni.”

Isaya 28:9

Vililira kigira inzi. Vavoola, “Mundu ula aganagana yigizaa vwaha? Nivwaha wenyaa makuva geege? Gaveeye malahi vuzwa ku vana vadoto avamali kolekera kunuuna!

Isaya 30:20

Yahova alamuviika mu zing'inga ziu vudinyu, navuzwa alavaho kumwigiza kandi simulamwenyeleliza kandi mba.

Isaya 30:21

Lwa mugendagendaa kutura kunzira yu mukono mulungi anoho kunzira yu mukono mumosi, mulahulira umwoyo gwigwe kutura inyima winyu nigovoora, “Inzira ni yiyi, mulonde kuyo.”

Isaya 41:14

Yahova avoora, “Munyi muveeye avakeekeke kandi avadedekere avandu va, Isiraeli mutatia mba, inzi ndamukonya Inzi, Nyasaye Mutakatifu wa Isiraeli. Inzi mbeeye muhonyi winyu.

Isaya 43:14

Nyasaye Mutakatifu wa Isiraeli, Yahova ohonyia munyi, avoora, “Ndatuma liihi liange kulwaana Babiloni okohonyia munyi. Ndavunanyia virivwa via madaala manene, kandi ndagirung'anyia lihanzuka lia vandu valio kugwa lilira.

Isaya 43:16

Ku ing'inga yakale Yahova yalomba inzira kuvitira mu inyanza, inzira kuvitira mu viguvuli vinene.

Isaya 45:11

Yahova, Mutakatifu wa avandu va Isiraeli kandi mulombi wavo avoora, “Munyi simuveeye nuvunyari koteeva amateeva kigira avana vange mba, anoho simunyala kombolera aganyala kokora mba!

Isaya 48:20

Muzie muturi mu kivala cha Babiloni, mulandizi ku vandu vosi ha vundu hoosi amakuva amalahi gu vusangali: “Yahova umali kohonyia avatumikiri veve Isiraeli!”

Isaya 49:26

Ndakora avadambizi vinyu viitane aveene naveene, kandi valahambika masahi gaavo aveene kuli iwaini; maku, avandu vosi valamanya ndi, inzi mbeeye Yahova, uwavahonyia kandi wavaha avovoholole. Valamanya ndi inzi mbeeye Nyasaye wi zinguru wa vandu va Isiraeli.”

Isaya 49:7

Nyasaye Mutakatifu wa avandu va Isiraeli kandi muhonyi avooreraa mulala olegelizwa ligali, udunyirangwa ni zihiiri kandi oveeye mutumikiri wa avamihi ndi: “Avami vaavo valakolora noveeye muvoholore, kandi valaza nukuhaana uluyali ku ivi; Avanene kandi valakolola noveeye muvoholore kandi valasigama kukuha luyali.” Yaga galakoleka kigira Yahova umali kotovola mutumikiri weve, Mutakatifu wa vandu va Isiraeli alindaa malagano geege.

Isaya 54:13

“Inzi mwene ndigiza avandu vovo, kandi ndavaha limedeka lie miandu ni mu mirembe.

Isaya 54:5

Umulombi woovo alava kuli musaza woovo. Lieta lilie ni Yahova Wuvunyali. Yahova Mutakatifu wa Isiraeli alakohonyia aveeye Nyasaye wi lirova liosi.

Isaya 54:8

Ndaagirung'ana kutura ku ivi mu vutima vonene ku ing'inga engekeeke, navuzwa kalunu ndakumanyia uvuyanzi vwange vutali nekeheri. Nindio Yahova ohonyiaa.

Jeremia 6:16

Yahova yavolera avandu veve, “Musingiri muvwavukaniru vwizinzira na muhenze. Muvateeve zinzira ziakale kandi winzira indahi eveeye. Mugeendeku kandi muramenya mumirembe.” Navuzwa vavoola, “Awa kokora mba!”

Mika 4:2

na avandu vaavo valavoora, “Gendi kuzie igulu ku kiguru cha Yahova, mu Litembeli lia Nyasaye wa avandu va Isiraeli. Kigira Nyasaye alakwigiza agayenya kunyi kokole; kulageenda mu zinzira ziayakotovolera. Kigira amigizu ga Yahova gaturaa mu Lidaala linene lia Jerusalemi; amolomaa ku avandu veve kutura ziyoni.”

Yohana 6:45

Gang'odwa mu vitabu via avaporofeti, ‘Nyasaye aligiza avandu vosi.’ Vuli mundu uhulira Baba na ukwiga kutura kuye, yaazaa ku inzi.

Vafeso 4:21

Gaveeye havulavu, mwahulira vulahi amakuva geege, kandi kuli avalondi veve mwigizwa agiligali agaveeye mu Yeso.

Joshua 3:4

Kigira mukikiri kuduuka ku hano, valamumanyia inzira ya mulonda ku. Navuzwa mutisuundi ahimbi ni Lisandugu lia malago mba, muve ahimbi ikilomita ndala inyima walio kazozo.”