Isaya 47:14 - KITABU KITAKATIFU

¹⁴ Ligali vaveeye kuli vunyasi vwumu kandi muliru gulavasamba! Siaveeye ho kali mulala unyala kuhulira uluuya lwa yotaa muliru gwu vunyasi vwumu mba. Sigulava muliru gwa manda gwu kwota anoho muliru gwu kwikala ahimbi mba.

Isaya 47:14 ပူးပေါင်းရင်းမြစ်များ

Kutwula 5:12

Kunangwa avandu vazia havundu hoosi mu kivala cha Egebeti kwenya uvunyasi.

Isaya 10:17

Nyasaye, uvulavu vwa vandu va Isiraeli, alava kuli umuliru. Nyasaye Mutakatifu wa Isiraeli alagwa olomemo, ulusaamba vindu viosi kali amafwa kandi zindavati mu lidiku lilala.

Isaya 30:14

Mulatanywa kuli inyingu yi lidohi, imali kuduvulanywa ligali, kali kedonye chi kijonjo si kinyala kololeka ikinyala kwanzala umulu anoho kudaha amazi mu kidaho mba.”

Isaya 33:14

Avandu vuvwoni mu Ziyoni vadegera nuvuti vonene. Vavoola, “Likalaga lia Nyasaye liveeye kuli muliru gusambaa mihiga ni mihiga. Nivwaha ku kunyi unyala kohonokoka lomemo lusambaa kuli yilu?”

Isaya 40:24

Vaveeye kuli vitagwa vidoto, kandi vimera, navuzwa vikikiri kuhila imiri. Lwa Yahova atuumaa imbuza, vimanya viniara ma viuma, ma kihuzuzi kikihuuza kuli vunyasi vwumu.

Isaya 41:2

“Nivwaha waleeta Sairasi kutura Ivugwi, kandi namukora muguuti vuli havundu hoosi ha yaazizaa? Nivwaha wamuha liguuta ku avami kandi ku zihiiri? Kivavi chiche kilavatozera hasi kuli vaveeye luguchi. Mivano jije ju vuta jilavasalanyia kuli vunyasi vwumu vuhuzwa nimbuuza.

Isaya 44:16

Alombaa muliru na zindala ku zingu zana, asaambira ku inyama, agilia kandi yiiguta. Yotaa muliru umwene ma avoora, “Goveeye mulahi kandi nuluuya! Magu sagwagaasa!”

Isaya 5:24

Kunangwa kalunu, kuli uluvuva nuvulimu vwumu vwilingaa harara nukuhia mu muliru, nindio imiri jinyu jilagunda na vimuli via mauwa viluuma nukuhuuzwa ihale ligali kigira mwamala kusuura aga Yahova Wuvunyali, Nyasaye Mutakatifu wa Isiraeli, yakwigiza.

Jeremia 51:30

Avasikari va Babiloni vamali kolekera kulwaana, vatigaye mu zimbinga ziavo. Liluvirira liavo ligehi kandi vamali kugwa kuli avakali. Virivwa vie lidaala linene vivunanyiywi, ni zinyumba zimali kusambwa.

Jeremia 51:32

Avasigu vamali kugumira uvwambukiru vwi migera kandi vamali kusamba zimbinga. Avasikari va Babiloni vaveeye nuvuti.

Jeremia 51:58

Amadigi amadinyu gi lidaala lia Babiloni galavunguluka, virivwa vialio vitambi vilasambwa. Miyinzi midinyu ja vandu jilava hazwa, miyinzi ji zihiiri jirava kuli jolomemo lwu muliru. Inzi, Yahova wuvwami mali kovora.”

Ezekieli 15:7

ma nambahe mageri. Vamali kohononoka mumuliru mulala, navuzwa kalunu muliru gundi gulavasamba ligali. Lwa nambahe mageri, ivi waza umanye ndi Inzi mbeeye Yahova.

Joeli 2:5

Lwa zitumatuma ku zindongozi zie vigulu, zinyagura kuli muliviti gwa magare gu vulwani; zihumaa kuli vulimu vwumu vusambwa. Zilomba zimbaso kuli amahi manene gu vulwani getegeki kulwana.

Obadia 1:18

Avandu va Yakobo valakave kuli muliru, avandu va Josefu valakave kuli olomemo. Valakadivizi avandu va Esau kuli muliru gusambaa luvuva. Avandu va Esau si valakahoneku kali mulala mba. Inzi Yahova mali kovora.

Nahum 1:10

Valagoyanira hagati ha mafwa kuli avandu vaveeye vahambiku; valasambwa nu muliru kuli amavivi amuumu.

Malaki 4:1

Yahova Wuvunyali avoora, “Lidiku lizaa lia vandu veloli kandi vadamanu valisambwa kuli vulimu vwumu. Ku lidiku yilio, valakadodoke kandi kindu si kilakatigale kuvo mba.

Matayo 10:28

Mutatia avenyaa kwita umuviri, navuzwa sivanyala kwita umwoyo mba. Ni vulahi mutie uyu unyala kudiviza umuviri harara nu mwoyo nukuguviika mu gehena.

Matayo 16:26

Mundu alanyoola vukala ki niiva alavugula uvutugi vwosi vwi lirova, navuzwa agotizi livamwoyo lilie? Anoho, umundu alahaana ki keve mu uvwiyangu vwi livamwoyo lilie?

Likunula 18:21

Maku engelosi yi zinguru yaginga ligina kuli ulugina lonene, ma naalilasa munyanza navoora, “Ivi lidaala linene lia Babiloni lilakalaswe vudinyu hasi kandi sililakaloleke mba.