Isaya 46:6 - KITABU KITAKATIFU

⁶ Avandu vatuliza izahabu mu zimuya ziavo, kandi vagera ifeza ku vibimu. Venya muturi wi zahabu wi mitungu ma alombe munyasaye wi zahabu, maku vamwinamiri kandi vamusigamiri!

Isaya 46:6 ပူးပေါင်းရင်းမြစ်များ

1 Avami 12:28

Kunangwa inyima wukwenyeleriza zing'anagani, mwami Jeroboamu yalomba vimoli viviri vie zahabu. Yavolera vandu veve ndi, “Munyi vandu va Isiraeli, mwaziyange kusigamira Yahova mu Jerusalemi ku ing'inga indambi.”

Zaburi 115:7

Vaveeye namakono navuzwa sivanyala kuhavatiza mba; kandi vaveeye nivirenge navuzwa sivanyala kogenda mba; kandi sivanyala kohelana nokomoloma mba.

Kutwula 32:8

Vamali koleka inzira ya ndaavalaga kolonda ku: vamali kwelombera kifananyi chi igiriki kutura ku izahabu isialulukiziywi nukugisigamira, nukuhaana kucho visiuviliru. Vavoola ndi oyo numunyasaye wavo, uwavatuliza mu kivala cha Egebeti.

Isaya 2:8

Kivara chavo chizuuyi vifananyi vinyingi ligali, kandi vasigamira vifananyi via vamali kolomba na amakono gaavo aveene.

Isaya 30:22

Maku mulavugula vifananyi vienyu iviavakwa ku ifeza, kandi vifananyi viavakwa izahabu, ma muvisiuve ihale ligali kuli kindu kifunyi na muvoore, “Tuli muzimoni ziange!”

Isaya 45:20

Yahova avoora, “Hambi muvugane harara kandi mwelolekizi aveene, munyi avandu vi zihiiri ziosi avaahona kutura ku liigwa liu mwami, avandu vagenda ni vagingi vifananyi viavo viavazwa ku misaala, kandi avasaalaa ku avanyasaye vandi avatanyala kuvahonyia mba. Avandu yava sivamanyi kindu kali kilala mba.

Jeremia 10:14

Mulilora yaga, avandu vafwana avasiru kandi vugira limanyiriza; yavo avalombanga ivifananyi vavikangwa muzisoni, kigira avanyasaye vavalomba sivaveeye avagiligali mba kandi sivaveeye ni livamwoyo mba.

Jeremia 10:9

Ivifananyi viavo viakunikwa ni ifeza kutura mu kivala cha Sipeini, kandi viakunikwa nizahabu kutura Ufazi, miyinzi yijio jiosi ni jumusiza; vivikwa zinguvu zie irangi isahiriru kandi yumuzambarau ziinaviywi navasiza.

Jeremia 50:38

Muleete kemeyi mukivala chavo kandi mwuminyi migera jaavo. Babiloni nikivala keveeye nivifananyi viukutihiza, iviamala kokora avandu kugwa avasilu.

Danyeli 3:1

Mwami Nebukadineza yaali ni kifananyi chizahabu zimita 27 kuzia igulu kandi vuvambalaru ahimbi zimita 3. Yalaga avandu vakisingilizi mu kereremo cha Dura mu kivala cha Babiloni.

Hosea 13:2

Avandu yava vazizagilira kokora uvwoni, valomba vifananyi vie ifeza nu kuvisigamira. Vifananyi yivi vialombwa na vandu vaveeye avasiza. Vavoola ndi, “Muhaane visiuviliru ku vifananyi yivi!” Avasaza vavusavusaa vifananyi vie vimoli.

Vikolwa 17:29

“Kigira kunyi koveeye avana va Nyasaye, sivoveeye vulahi kuganagana ndi Nyasaye aveeye kuli izahabu, ifeza, anoho kali kuli ligina liavazwa; vindu viakongwa nu vusiza kandi no vogeri vwa avandu.