Isaya 46:13 - KITABU KITAKATIFU

¹³ Lidiku liovohonyi liveeye ahimbi siliveeye ihale ligali mba. Sindalindagira koleta vohonyi vwange mba. Ndahonyia avandu va Jerusalemi kandi ndaleta lizominywa ku avandu va Isiraeli.”

Isaya 46:13 ပူးပေါင်းရင်းမြစ်များ

Zaburi 14:7

Inzi ndakayanzi ndi uvuguuti kutura Ziyoni kuuza ku vandu va Isiraeli! Vulakave vusangali ki, ku vandu va Isiraeli, lwa Yahova alivalomba kuva nu vutugi kandi!

Zaburi 46:1

Nyasaye aveeye likingwa lietu, kandi zinguru zietu; aveeye mwetegeku kazozo kokonya mu zing'inga ziu vudinyu.

Zaburi 46:5

Nyasaye aveeye mu lidaala linene yilio na silinyala kudivizwa mba. Mugambazuri mumavwevwe, Nyasaye alaza kukokonya.

Zaburi 85:10

Uvuyanzi vutaveeye nekeheri nu vusuuvirifu vilagana harara; uvulungi nimirembe vilakumbelana.

Zaburi 85:9

Ligali Yahova yeetegeki kohonyia yavo avamuhezaa uluyali, na uvukumi vwivwe vuduuki komenya mu kivala chietu.

Isaya 12:2

Nyasaye aveeye muhonyi wange; ndamusuuvira, kandi sindatia mba. Yahova Nyasaye aveeye zinguru ziange kandi lwimbu lwange; aveeye muhonyi wange.

Isaya 28:16

Yiki nicho cha yahova Wuvunyali avoora: “Mbikaa musingi mudinyu kandi gwizingulu mu Ziyoni. Mbikaa ligina liu mukoona lidinyu ligali ukwa makuva yaga gang'odwa, ‘Lisuuvira liveeye liezingulu liveeye liokwikuzira kandi.’

Isaya 43:7

Vaveeye avandu vange, ndaavalomba vaduuki koleta uvukumi ku inzi.”

Isaya 44:23

Mwimbi nuvusangali, munyi ligulu! Muhanzuki munyi isi wi lirova! Muhanzuki nu vusangali, munyi vigulu O, munyi militu ni misaala josi ijiveeye mu, kigira Yahova umali kohonyia kisukururwi cha Yakobo; naye alakuminywa mu kivala cha Isiraeli.

Isaya 45:8

Inzi ndaleta liguuta kutura mu ligulu kuli imbura; avandu valetegeka konyoora liguuta yili kandi ovohonyi harara nilikalaga lirungi viduuki konyooleka mu lirova. Inzi, Yahova, ndakora yaga kokoleka.”

Isaya 51:5

Ndaaza vwangu nukuvahonyia; ing'inga yi liguuta liange eveeye ahimbi. Inzi mwene ndamiiha ku zihiiri. Vivala vie ihale vinindilira inzi nzize. Valalindilira ni lisuuvira ndi ndavahonyia.

Isaya 54:17

Iviugi sinavikusalirizi mba. Mundu nakuyaala mu kiyaalo ulava namativuli, inzi ndakinga avatumikiri vange, kandi valaguuta.” Yahova umali kovora.

Isaya 56:1

Yahova avolera avandu veve ndi, “Mukore likalaga lieligali kandi liveeye lilungi, kigira ovohonyi vwange ku munyi voveeye ahimbi kuza, na ovohonyi vwange vulalang'aminywa vwangu ligali.

Isaya 60:21

Avandu vinyu vosi valava avalungi, kandi valavugula miandu ji kivala chavo mihiga ni mihiga. Inzi ndaavaleta kandi nimbaviiki mu kivala yiki; ndakora ndio kandi nduuki kukuminywa.

Isaya 60:9

Vaveeye kuli zimeri zia Tarishishi izitulaa mu visulu vie inyanza, ziletaa avandu va Nyasaye kutura muvivala vie ihale. Valaleta ifeza kandi izahabu kuhaana luyali ku lieta lia Yahova, Nyasaye Mutakatifu wa Isiraeli, uwa lomba zihiiri ziosi kuhaana uluyali ku vandu veve.

Isaya 61:11

Kuli ivitagwa vitomboka ma viviruka, Yahova Nyasaye alaleeta uvulungi kandi lizominywa imbiri Mwami Munene Yahova alahonyia avandu veve, kandi zihiiri ziosi zilamwizominya.

Isaya 61:3

Yahova yanduma kuhaana uvusangari kandi uvuyanzi havogono hi lisioma, ku yavo avaveeye mu Ziyoni. Kandi kuhaana lwimbu lwu kwizominya havogono hovoveleri. Valava kuli misaala ja Yahova mwene umali kusimika, vaduuki kokora agaveeye amalungi; kandi vaduuki kwizominya Nyasaye kugoosi agaamali kuvakolera.

Isaya 62:1

Inzi si ndachiring'ana kigira avandu va Ziyoni mba, kandi si ndasosa kigira Jerusalemi mba; kuduuka uvulungi vwivwe vong'ereng'ane kuli uvulavu vwa mugambazuri, kandi ovohonyi vwivwe vove kuli itaya yaka mu vudiku.

Isaya 62:11

Yahova alandizaa ku vandu vosi vi lirova ndi: “Muvoolere avandu va Jerusalemi, ndi Yahova yazaa kumuhonyia, kandi alaza harara na vandu va yamala kosoola.”

Jeremia 33:9

Jerusalemi ilava kuli kisenukiru chu vusangali, uvukumi kandi lizominywa, kandi zihiiri ziosi zie lirova zilava nu vuti kandi ni lidegera lwa zihulira kigira vindu vilahi via ngolera avandu va Jerusalemi kandi kigira ligasizwa liambaana ku lidaala yili.”

Joeli 2:32

Navuzwa vosi avaaniraa Yahova, valahonywe. Kuli Yahova yavoola ‘Avalala mu Jerusalemi valahononoke; yavo avandatovola valahone.’ ”

Joeli 3:17

“Maku, munyi Isiraeli mulamanya ndi inzi mbeeye Yahova Nyasaye winyu. Menyaa mu Ziyoni, kiguru change Kitakatifu. Jerusalemi lilava lidaala Litakatifu; avageni sivalaliguuta kandi mba.

Mika 7:9

Kigira ku mali kumwonera Yahova, kunangwa kuliekuzira ku vutima vwivwe vululu; kuduuka lwa akukinga mu kiyaalo change nukukukalagira. Alaandeta ichova mu vulavu, kandi ndalora ovohonyi vwivwe.

Habakuk 2:3

Ogang'ode, kigira ing'inga ikikiri kuduuka lwayaga gaava giligali. Navuzwa ing'inga yiza vwangu, kandi chanzizaa kukumanyia kilakave cha giligali. Galaloleka ndi kilaaza galaha, navuzwa ukilindiliri; gaveeye giligali yiki kilekoleka kandi sikilakalindagiliri mba.

Haggai 1:8

Kalunu muzie mu vigulu mwenye zimbaho mwumbake Litembeli vuhia; maku mulakanyaanzizi kandi mulasigamiri kuli genyekaa.

Yohana 17:10

Viosi via inzi mbeeye navio ni vivio, navio vivio viveeye viange; kandi uvukumi vwange vololeki kuvitira mu yavo avuwamba.

Varumi 1:17

Kigira Ivangeri ivuulaa kuli Nyasaye akolaa vandu kuva valungi naye mwene kuvitira mu lisuuvira kutura mu litanga kuduuka mu keheri. Ni kuli Amang'oda Matakatifu gavoora, “Umundu okolwaa mulingi na Nyasaye kuvitira mu lisuuvira, alava mwoyo.”

Vafeso 1:6

Gendi kwizominyi Nyasaye kigira vukumi vwi zimbavasi zizie, ku kihanwa chiche cha yahaana ku kunyi mu Mwana weve Muyanze.

2 Vatesalonike 1:10

Lwa aliiza ku Lidiku yilio konyoora uvukumi kutura ku vatakatifu veve, harara nu luyali kutura ku yavo vosi avasuuviraa, munyi kandi mulakave harara naye kigira mwamala kusuuvira amakuva ga kwamuvolera.

2 Vatesalonike 1:12

Muliiva yili lietu liu Mwami wiitu Yeso liduuki kukuminywa kutura ku munyi, na munyi kutura kuye, kuvitira mu zimbavasi zia Nyasaye wiitu kandi ziu Mwami wiitu Yeso Kristo.

Vahebraina 10:37

Mang'oda Matakatifu gavoora, “Itigaaye ing'inga engekeeke vuzwa, kandi uyu uzaa alaza kandi sialalindagilira mba.

1 Petro 2:6

Mang'oda Matakatifu gavoora, “Henza, ndatovora ligina linene liuvuguli vonene, ilia mbikaa kuli ligina liu mukoona mu Ziyoni; kandi mundu woosi usuviraa mu ligina yilio, sialaduuka mu zisoni mba.”