Isaya 46:11 - KITABU KITAKATIFU

¹¹ Ndalaanga mwami Sairasi kutura Ivugwi mu kivala cha Pasia, alaza kuli iliive, kandi alatwekiza goosi agandalohiza kokora. Inzi mali kovora kandi galakoleka.

Isaya 46:11 ပူးပေါင်းရင်းမြစ်များ

Ezara 1:2

“Yili ni lilaga lia Sairasi, mwami wa Pasia. Yahova, Nyasaye wu mwigulu, umali kokora inzi mwamihi wi lirova liosi kandi umali kuhaana ku inzi uvunyali vwu kumwumbakira Litembeli mu Jerusalemi, lidaala liveeye mu Ivuyuda.

Ayubu 23:13

Nyasaye sianyala kugirung'ana mba, kandi siaveeye ho nu mundu unyala kuhing'ana naye mba, anoho siaveeye ho mundu unyala kumugaya kokora agalaliraa kokora mba.

Zaburi 119:24

Amigizu googo ganyanziza ligali; gambeezaa zing'anagani zindahi ligali.

Zaburi 76:10

Ivi okolaa avandu vu vutima kukwizominya ligali; yavo avavura kukuzira muvulwani, valizuliza ing'inga ya masavo googo manene.

Isaya 10:12

Navuzwa Yahova avoora, “Lwa inzi mala miyinzi jange ku kiguru cha Ziyoni ni mu Jerusalemi, ndahaana amageri ku mwami wa Asiria kigira lielola lilie liosi kandi liegingira lilie liosi.”

Isaya 18:6

Miviri mikuzu ja avasikari vaavo jilalekwa kuva chukulia cha manyonyi ni zinyama ziu muvulimu. Amanyonyi galalia zing'inga ziu muvasu, nizinyama zilalia ing'inga yu vudiku.”

Isaya 22:25

Lwayaga goosi gekoleka, kivambo ichaali ni chaduywa vudinyu ligali kiladengeyizwa nu kugwa hasi. Yiki kilakave ekeheri cha vuli kindu chihanikaa kucho.” Yahova Wuvunyali umali kovora.

Isaya 25:1

O, Yahova, Ivi oveeye Nyasaye wange; Ndakuha uluyali nukukwizominya. Ivi umali kokora vindu viokogenyia; ivi musuuvirifu umali kuduukiza lilohiza liilio liawalomba kale.

Isaya 37:26

“Ivi ukikiri kuhulira ndi ndalohiza yaga goosi kutura madiku ga kale? Na kalunu inzi mali kugadukiza. Ndakuha zinguru ukugirung'anyia madaala manene gizimbinga kugwa vitumi via mang'anye.

Isaya 38:15

Yahova umali kokora yaga, na inzi nyara kovora ki? Mwoyo gwange goveeye muliduhu, kandi sinyala kogona mba.

Isaya 41:2

“Nivwaha waleeta Sairasi kutura Ivugwi, kandi namukora muguuti vuli havundu hoosi ha yaazizaa? Nivwaha wamuha liguuta ku avami kandi ku zihiiri? Kivavi chiche kilavatozera hasi kuli vaveeye luguchi. Mivano jije ju vuta jilavasalanyia kuli vunyasi vwumu vuhuzwa nimbuuza.

Isaya 41:25

“Inzi mali kotovola muguuti omenya vugwi. Ndamuleta aduuki kumwingilira kutura Ivaale. Alasenagira avamihi hasi kuli vaveeye amadohi, kandi kuli umulongi aduvagaa lidohi.

Isaya 44:28

Mbolera Sairasi ‘Ni ivi uliamiiha avandu kulwa inzi; ulakakole aga nyenya okole. Ulakalage avandu kwumbakwa vuhia Jerusalemi, kandi misingi ji Litembeli kuvikwa.’ ”

Isaya 45:13

Inzi mwene ndavolera mwami Sairasi, kandi nimuha zinguru aduuki kuduukiza vindu viosi viandalohiza vikoleke. Ndalungikiza zinzira zizie ziosi. Ndumbaka vuhia lidaala linene liange lia Jerusalemi, kandi alahaana vovoholore ku avandu vange avadikizwa. Sialakola yaga ku litungwa anoho ku lihevwa amadanyi mba.” Yahova Wuvunyali umali kovora.

Isaya 56:9

Yahova yavolera zihiiri zing'eni: “Munyi zinyama ziosi zinduru, na munyi mwosi zinyama ziu mu mulitu, hambi mulie avandu vange.

Jeremia 44:28

Navuzwa vakekeeke ku munyi avalihononoka kutura mu likuza kandi valirana kutura Egebeti kuzia Ivuyuda. Maku yavo avatigara vosi vaza komenya Ivuyuda avalihona valamanya ndi na makuva gange agaveeye giligali anoho na makuva gaavo.

Jeremia 50:29

“Vooleri avasaza vukulasa vuta vingiliri avandu va Babiloni. Mutumi vuli mundu uwamanya kutumikira vuta ni mivano. Mukumbilizi lidaala linene kandi mutaleka mundu kali mulala yiruki mba. Muvanze kisaalia ku avandu valio ku goosi aga vamali kokora, kandi muvakolere kuli vaakolera avandi, kigira vaakolera inzi mu lierora, Mutakatifu wa Isiraeli.

Jeremia 50:44

“Kuli isimba itulaa mu mulitu munene ahimbi nu mugera Jorodani nukuzia mukivala chuvwayiru vuvisi, Inzi, Yahova ndaaza kandi ndakora avandu va Babiloni nonoho kunyagula nu kuzia ihale kutura mu lidaala liavo. Maku mwimiliri wa Inzi nandovole alakamiihi ihiiri. Nivwaha unyala kufwananywa ninzi? Nivwaha wakaagelani ninzi? Mwami ki wakahing'ani ninzi?

Jeremia 50:45

Kunangwa hulira lilohiza liamali kolomba kigira lidaala linene lia Babiloni, kandi chang'anagana kokolera avandu valio. Kali avana vaavo navakungwi, kandi vuli mundu naave nuvuti ligali.

Ezekieli 39:4

Goga harara ni liihi lilie kandi vandu veve vosi valakuzira ku vigulu via Isiraeli. Ndaleka manyonyi kandi zinyama ziu muvulimu kulia miviri jaavo.

Livalidza 23:19

Nyasaye siaveeye kuli avandu, unyala koveha mba; siaveeye ho nu mundu unyala kugirung'anyia zing'anagani zizie mba. Choosi chalagaa, akolaa; amolomaa, ma gekoleka.

Vikolwa 4:28

Yee, vavugana harara vaduuki kokora vindu viosi via Ivi wasaavira kokora vindu viosi mu zinguru zizio kandi mu vulaliri vuvwo.

Vikolwa 5:39

Navuzwa nijiva ni jatula ku Nyasaye, munyi si munyala kuvaguuta mba. Kali mulanyola aveene ni mulwaanaa Nyasaye!” Kunangwa avakulundu vi kiyaalo vosi valonda ligerihiza lia Gamalieli.

Vafeso 1:11

Vindu viosi vekolekaa kolondekana ni lilohiza lia Nyasaye kandi likalaga lilie Nyasaye yakotovola kove avandu veve umwene kuvitira mu Kristo kigira uvulariri vwivwe, kolondekana na aga yaali ni yakalaga kutura mulitanga.

Vafeso 3:11

Nyasaye yakola yaga kolondekana nu vulaliri vwivwe uvutahera mba, vwa yanyoora kuvitira mu Kristo Yeso Mwami wiitu.

Likunula 16:12

Maku engelosi ya sita yasundula ichaali mu bakuli yacho ku umugera munene gulangwa Efurate. Amazi gagwo gaakama, nandio, inzira yeetegekizirwa avami avatulira ivugwi.