Isaya 46:10 - KITABU KITAKATIFU

¹⁰ Kutura mulitanga, ndalolekizaa agaza gekoleke; kale ligali ndaavura agaali ganyala kwekoleka. Ndavoora ndi, lilohiza liange sililagwa mba, kandi ndakora vuli kindu choosi cha ndasaavira kokora.

Isaya 46:10 ပူးပေါင်းရင်းမြစ်များ

Litanga 3:15

Ndaviika uvusigu hagati hoho nu mukali, kandi ndaleta uvusigu hagati hi visukululwi vienyu, visukululwi viu mukali vilasionolanyia mutwi gugwo, na ivi ulaluma visukululwi viu mukali lichi.”

Litanga 49:10

Yuda alava ni imbimbu yu vwami, visukululwi vivie vilamiiha kazozo. Zihiiri zilaleta uvusuru kuye, kandi zihiiri zilinama imbiri weve.

Ayubu 23:13

Nyasaye sianyala kugirung'ana mba, kandi siaveeye ho nu mundu unyala kuhing'ana naye mba, anoho siaveeye ho mundu unyala kumugaya kokora agalaliraa kokora mba.

Zaburi 135:6

Yahova akolaa cha yaanza mwigulu kandi ku lirova; mu zinyanza kandi hasi mu luliva.

Zaburi 33:11

Navuzwa lilohiza lie zing'anagani zia Yahova zihindiraa mihiga ni mihiga. Zing'anagani zizie zimenya mihiga ni mihiga.

Tsing'ano 19:21

Avandu vanyara kulohiza vindu viosi viavanyala, navuzwa lienya lia Yahova lizizaa kwekoleka.

Tsing'ano 21:30

Vogeri vwu mundu, vwideri kandi limanyiriza si viveeye novokonyi niiva Yahova yamusula mba.

Isaya 10:12

Navuzwa Yahova avoora, “Lwa inzi mala miyinzi jange ku kiguru cha Ziyoni ni mu Jerusalemi, ndahaana amageri ku mwami wa Asiria kigira lielola lilie liosi kandi liegingira lilie liosi.”

Isaya 14:24

Yahova Wuvunyali wisuhi ndi: “Ga inzi mali kolohiza galakoleka, kandi ga mali kotovola gekoleke galekoleka.

Isaya 25:1

O, Yahova, Ivi oveeye Nyasaye wange; Ndakuha uluyali nukukwizominya. Ivi umali kokora vindu viokogenyia; ivi musuuvirifu umali kuduukiza lilohiza liilio liawalomba kale.

Isaya 40:8

Yaga gaveeye agiligali, kigira uvunyasi vuniara, namaua guuma, navuzwa Likuva lia Nyasaye lilamenya mihiga ni mihiga.”

Isaya 41:21

Yahova, mwami wa avandu va Isiraeli avoora ndi; “Munyi avanyasaye vi zihiiri, muvoore amakuva ginyu. Kandi muhaane vivuni vilahi via makuva ginyu.

Isaya 41:4

Nivwaha wakola yaga gekoleke. Nivwaha usingiliraa amakuva ga vandu vakale? Ni inzi Yahova, ndaali ho mu litanga, kandi ndakaveho mu limalirika.

Isaya 43:13

Inzi mbeeye Nyasaye na ndakave ndio kazozo. Sihaveeyeho nu mundu kali mulala unyala kohona kutura ku zinguru ziange; siali ho numulala unyala kugirung'anyia icha inzi mali kokora.”

Isaya 44:7

Mundu wundi woosi yakakoli aga inzi ndaakola? Nivwaha wakavuuyi goosi agazizaa kwekoleka kutura mu litanga kuduuka ku keheli ching'inga?

Isaya 45:21

Hambi muleete makuva ginyu mu kiyaalo, mwenye zing'anagani kutura kuvandi. Nivwaha wavula amakuva gaali ganyala kwekoleka mumadiku ga kale? Siyaali inzi, Yahova Nyasaye ohonyia avandu veve? Siaveeye ho nu munyasaye wundi mba.

Isaya 46:11

Ndalaanga mwami Sairasi kutura Ivugwi mu kivala cha Pasia, alaza kuli iliive, kandi alatwekiza goosi agandalohiza kokora. Inzi mali kovora kandi galakoleka.

Isaya 48:14

“Muvugane mwosi harara, kandi mu mbulirizi munyi mwosi! Avulaho mulala ku avanyasaye vinyu uwaali unyala kuvuula ndi umundu wa inzi mali kotovola alingilira lidaala linene lia Babiloni; alakola aga inzi mali kusaavira gakolwe ku vandu va Babiloni.

Isaya 48:3

Yahova avooreraa avandu va Isiraeli ndi, “Mu madiku gakale, ndaamuvuulira agaali nigazizaa kwekoleka, maku, nonoho ndagalomba gekoleke.

Isaya 53:10

Yahova avoora, “Vwali uvulariri vwange ndi aduuki kusalirizwa; likuza lilie liali kisiuviriru cho koleta uvusamiihi. Nandio alalola visukululwi vivie, alava ni livamwoyo lie mihiga ni mihiga, kandi kuvitira muye uvusaaviri vwange vuladukizwa.

Isaya 55:11

Likuva liange lia molomaa liveeye ndio kandi. Sililirana ku inzi iliere mba, navuzwa liradukiza ilienya liange. Lilagasizwa mu miyinzi ja ndalituma likore.

Jeremia 44:28

Navuzwa vakekeeke ku munyi avalihononoka kutura mu likuza kandi valirana kutura Egebeti kuzia Ivuyuda. Maku yavo avatigara vosi vaza komenya Ivuyuda avalihona valamanya ndi na makuva gange agaveeye giligali anoho na makuva gaavo.

Ezekieli 39:8

Yahova Wuvunyali avoora, “Lidiku lizaa lie vindu yivi vilakekoleke.

Danyeli 4:35

Alolaa vandu vu mulirova kuva ikindu vuzwa, zingelosi mwigulu harara na vandu vaveeye kulilova, vaveeye hasi hu vwimiliri vwivwe. Siaveeyeho kali mulala unyala kuhing'ana nu vulaliri vwivwe mba, anoho unyala koteva mateeva kolondekana na gakoraa mba.

Hosea 5:9

Lidiku liu kuhaana mageri lizaa, na Isiraeli ilatigara mang'anye. Munyi avandu va Isiraeli, ligali yaga galakoleka ku munyi!

Vikolwa 15:18

Nindio Mwami, uwakola vindu yivi vimanyikane kutura kale, avoora ndio.’

Vikolwa 3:23

Ku vosi uvula kuhulira muporofeti oyo alahulwa kutura mu vandu va Nyasaye, kandi aladivizwa.’

Vikolwa 5:39

Navuzwa nijiva ni jatula ku Nyasaye, munyi si munyala kuvaguuta mba. Kali mulanyola aveene ni mulwaanaa Nyasaye!” Kunangwa avakulundu vi kiyaalo vosi valonda ligerihiza lia Gamalieli.

Vahebraina 6:17

Kandi, Nyasaye yatovola kutwekiza lisuuvirizwa lilie ni liesuuha. Nandio yamanyia havulavu yavo valinyoola miandu ndi amakuva geege sigaveeye niligirung'ana, maku yavika liesuuha hagati haavo.