Isaya 46:1 - KITABU KITAKATIFU

¹ “Yiki nekeheri cha Beli na Nebo, avanyasaye va Babiloni, avasigamirangwa mu litanga; navuzwa kalunu vagingiywi ku zibunda, uvuliduhu ku migongo ji zinyama ziiluhi.

Isaya 46:1 ပူးပေါင်းရင်းမြစ်များ

Ayubu 39:11

Unyala kugisuuvira kigira zinguru ziayo ziveeye zinyingi? Unyala kugelekela miyinzi jijo miliduhu ekokolere?

Kutwula 12:12

“Vudiku yivwo ndavitira mukivala cha Egebeti, nukwita kindu kisaza choosi chukutanga mu liivulwa, ku vandu kandi ku mitugu, nukuhaana mageri ku vanyasaye va Egebeti. Inzi mbeeye Yahova.

Isaya 2:18

Kandi vifananyi viosi vilakatulizwiho ligali.

Isaya 2:20

Lwa lidiku yilio liliduuka, valakasiuvi vifananyi vie izahabu ni ifeza via velombera aveene kuvisigamira, valakavilekele zimbuku na manyinya.

Isaya 21:9

Nonoho, avandu vazaa! Avandu vanini ku zibarasi, vaviri ku vaviri; Mulindi ahaanaa makuva, “Lidaala lia Babiloni limali kugwa! Vifananyi viosi viavaasigamiraa vigwiyi hasi.”

Isaya 30:6

Yili ni Likuva lia Nyasaye ku zinyama zimenyi mu changarangwi chi Isavaalu kilangwa Negebu, “Avatumwa vagenda kuvitira mu vivara viveeye nu vuhimwa, wi Zisimba zimenyaa kandi wi Vihirigoma kandi Zinzoka ziburukaa ziuvusungu zimenyaa. Avatumwa yava vagingira uvutugi vwavo ku zibunda kandi zing'amia kuhilira ihiiri itaveeye novokonyi kuvo.

Isaya 45:20

Yahova avoora, “Hambi muvugane harara kandi mwelolekizi aveene, munyi avandu vi zihiiri ziosi avaahona kutura ku liigwa liu mwami, avandu vagenda ni vagingi vifananyi viavo viavazwa ku misaala, kandi avasaalaa ku avanyasaye vandi avatanyala kuvahonyia mba. Avandu yava sivamanyi kindu kali kilala mba.

Isaya 46:7

Vavugura munyasaye uyu nu kumugingira ku mavega gaavo, ma vamusingiriza havundu, kandi sianyala kogenda mba. Niiva mundu alasaala kuye, sianyala kumuha amativuli mba, anoho sianyala kumuhonyia kutura mu kivi mba.

Jeremia 10:5

Ivifananyi kuli yivi viveeye kuli ivifananyi viukutihiza mu mulimi gwi zindaange; sivinyala komoloma mba, kuduuka vigingwi kigira sivinyala kogenda mba. Mutavitia mba: Sivinyala kumusaliriza mba, kandi sivinyala kumukolera uvulahi mba.”

Jeremia 50:2

“Ovolere izihiiri amakuva malahi! Ugalandizi! Uhaane kelolero ma ulandizi makuva malahi! Utagaviika mu vwivisu mba! Babiloni ilakaguutwi! Umunyasaye wavo Mariduki umali kosekerizwa! Ivifananyi via Babiloni viveeye muzisoni, ivifananyi vialio viukuvihiliriza vidiviziywi!

Jeremia 50:38

Muleete kemeyi mukivala chavo kandi mwuminyi migera jaavo. Babiloni nikivala keveeye nivifananyi viukutihiza, iviamala kokora avandu kugwa avasilu.

Jeremia 51:44

Inzi ndahaana amageri ku Beli, umunyasaye wa Babiloni, kandi ndamukora ahaane vindu viosi via yavugula. Zihiiri si ziramusigamira kandi mba. “Madigi gi lidaala lia Babiloni gamali kugwa.

Jeremia 51:47

Kulwayago, ing'inga yiza lwa nambane amageri ku vifananyi via Babiloni. Ndaviika kivala choosi mu zisoni; kandi ndiita avandu vosi avamenyi mukivala yiki.

Jeremia 51:52

Kunangwa inzi mboraa ndi ing'inga yiza lwa nambane amageri ku vifananyi via Babiloni, kandi yavo avaazaa vatozwe valakaliri mukivala choosi.

Danyeli 11:8

Alakilanye mu Egebeti vifananyi via vanyasaye kandi viju vie izahabu ni ifeza viali ni viagimwa ku vanyasaye vaavo. Lwinyima, mihiga jiduuki ji mirembe jilakave nijakavita,

Danyeli 3:14

Yavavolera, “Sadaraka, Meshaka, na Abedinego, gaveeye giligali musuyi kusigamira nyasaye wange kandi kwinamira kifananyi chizahabu chamali kolomba?

Nahum 1:14

Yaga nigo ga Yahova amali kulaga kolondekana na vandu va Asiria. Sivalakave ni visukululwe vilizizagiliza lieta liavo mba. Ndakadivizi vifananyi viveeye mu matemberi ga vanyasaye vaavo. Nombaa kilindwa cha vandu va Siria; sivadukanaa komenya mba!

Livalidza 32:38

Nebo, Baali Meoni; amita yaga gagilunganywa na Sibima ma nivahaana amita mahia ku madaala gavumbaka vuhia.

Matayo 23:4

Yee, vavoha imisigo imiliduhu ligali ku migongo ja vandu, navuzwa aveene sivenyaa kunyiira ekedete chavo vajigingi mba.

1 Samweli 5:3

Mugambazuri gwi lidiku lialonda ku vandu va Ashidodi valora ndi kifananyi cha Dagoni chaali nikimali kugwa mam'mama imbiri wi Lisandugu lie Lilagana lia Yahova Wuvunyali. Kunangwa vakivukiza nivakiviika mu vwiyangu vwacho.