Isaya 44:6 - KITABU KITAKATIFU

⁶ Yahova, uwamihaa kandi ukingaa Isiraeli, Yahova Wuvunyali avoora ndi: “Inzi mbeeye Nyasaye Weng'ine, Wukutanga nu Wekeheri; sihaveeye ho na nyasaye wundi, navuzwa inzi.

Isaya 44:6 ပူးပေါင်းရင်းမြစ်များ

Zaburi 86:10

Ivi weng'ine oveeye wizingulu kandi okolaa vindu viokogenyia, ivi oveeye Nyasaye.

Isaya 33:22

Kigira Yahova aveeye mukalagi wiitu; alakakohonyie.

Isaya 37:16

“O, Yahova Wuvunyali, Nyasaye wa Isiraeli, uwikaye kondeve yu vwami igulu wa Vakerubi, ivi weng'ine, oveeye Nyasaye, uwamihaa uvwami vwosi vwi kivala. Ivi walomba ligulu nilirova.

Isaya 37:20

Kalunu, O, Yahova Nyasaye wiitu, okosoole kutura ku vandu va Asiria, kunangwa zihiiri ziosi zie kivala ziduuki kumanya ndi ivi weng'ine oveeye Nyasaye.”

Isaya 40:18

Nyasaye anyala koleng'anywa na vwaha? Anoho anyala kufananywa na kindiki?

Isaya 41:14

Yahova avoora, “Munyi muveeye avakeekeke kandi avadedekere avandu va, Isiraeli mutatia mba, inzi ndamukonya Inzi, Nyasaye Mutakatifu wa Isiraeli. Inzi mbeeye muhonyi winyu.

Isaya 41:21

Yahova, mwami wa avandu va Isiraeli avoora ndi; “Munyi avanyasaye vi zihiiri, muvoore amakuva ginyu. Kandi muhaane vivuni vilahi via makuva ginyu.

Isaya 41:4

Nivwaha wakola yaga gekoleke. Nivwaha usingiliraa amakuva ga vandu vakale? Ni inzi Yahova, ndaali ho mu litanga, kandi ndakaveho mu limalirika.

Isaya 42:8

“Inzi mbeeye Yahova Nyasaye winyu, siaveeye ho numunyasaye wundi ohevwa vukumi vwange mba; anoho sindaleka vifananyi vinyoole lizominywa liange.

Isaya 43:1

Yahova uwalomba munyi avoora, “Mutatia mba; kigira inzi ndamuhonyia. Inzi mali kumulanga ni lieta, na munyi muveeye avandu vange Isiraeli.

Isaya 43:9

Leeti vandu vi zihiiri vaze mu kiyaalo. Ni uliha ku vanyasaye vaavo unyala kuvuula agaazaa kwekoleka? Ni uliha kuvo uwavuula vindu viekoleka kalunu? Leki avanyasaye yava valeete valoli vaavo kumanyia ndi vaveeye avalungi, kololekiza agiligali ga makuva gaavo.

Isaya 44:24

Yahova, muhonyi woovo, uwakolomba munda mwa mama woovo, “Inzi mbeeye Yahova walomba vindu viosi. Inzi nzieng'ine, ndaavambura ligulu; lwa ndalomba lirova, nivwaha wangonya?

Isaya 44:8

Avandu vange, mutatia mba! Munyi mwamanya yaga kutura zing'inga zia kale kuduuka lero inzi ndaamara kuvuula goosi agazizaa kwekoleka, na munyi muveeye avaloli vange. Haveeye ho na nyasaye wundi lugano ku inzi? Haveeye ho na nyasaye wundi wizingulu wa inzi ngikiri kumuhulira kali hakuzu?”

Isaya 48:12

Yahova avooreraa avandu va Isiraeli ndi, “Mumbulirizi, munyi avandu va Isiraeli ava inzi mali kulanga! Inzi mbeeye Nyasaye wu kutanga kandi we keheri!

Isaya 48:17

Nyasaye Mutakatifu wa vandu va Isiraeli, Yahova ahonyia munyi, avoora: “Inzi mbeeye Yahova Nyasaye winyu, uwenyaa kumwigiza kigira uvulahi vwinyu, kandi mwimiliraa kogenda kunzira idukanaa kogenda kuyo.

Isaya 54:5

Umulombi woovo alava kuli musaza woovo. Lieta lilie ni Yahova Wuvunyali. Yahova Mutakatifu wa Isiraeli alakohonyia aveeye Nyasaye wi lirova liosi.

Isaya 59:20

Yahova avooreraa avandu va Isiraeli, “Ndaza ku Jerusalemi kuli umuhonyi, okohonyia kandi kukinga visukululwi via Yakobo, avagirung'ana kutura ku vwoni vwavo.

Isaya 63:16

Ivi oveeye baba wiitu. Avaguuga viitu, Aburahamu na Yakobo, sivavugilira kunyi mba, navuzwa ivi, Yahova, oveeye baba wiitu kandi muhonyi wiitu, kutura kale.

Jeremia 10:1

O, munyi avandu va Isiraeli, muhuliri makuva ga Yahova amuvoleraa.

Jeremia 50:34

Navuzwa mulala uwaza avasoole aveeye nizinguru wi lieta lilie liveeye Yahova Wuvunyali. Mwene alavakolera kekolwa nokoleta milembe ku kivala, navuzwa uvudinyu vulava ku vandu va Babiloni.”

Malaki 1:14

Kilaamo keveeye ku oyo mugaadi uhaanaa kisiuviriru chu mutugu mudamanu ku inzi, lwaveeye nu mutugu mulahi muchayo chiche gwayalaga kuhaana ku Inzi! Kigira mbeeye mwami munene, navandu vi zihiiri ziosi vaatia Inzi.”

Matayo 25:34

Ma Mwami alakavoolere avaveeye ku mukono gwigwe umulungi, ‘Hambi munyi avaagasizwa na Baba wange munyore miandu ju vwami vwa mwalomberwa kutura lwi lirova liatanga.

Matayo 27:37

Higulu hu umutwi gwigwe vang'oda ho agavamuyalira kuli ndi, “UYU NIYIE YESO, UMWAMI WA VAYUDA.”

Kwidzulitsa 32:39

“ ‘Inzi, kandi Inzi wengine mbeeye Nyasaye; sihaveeyeho numunyasaye wundi oveeye wiligali mba. Nzitaa, kandi mbana livamwoyo, Nzataa ologoma kandi mbonyia, na sihaveeyeho numundu unyala kuhing'ana ku icha ngolaa mba.

Kwidzulitsa 4:35

Yahova umali kololekiza vindu yivi ku munyi kumumanyia ndi oyo yeng'ine aveeye Nyasaye kandi sihaveeye no wundi nataveeye oyo yeng'ine mba.

Kwidzulitsa 4:39

Kunangwa wizulizi kalunu kandi utivilira mba: Yahova aveeye Nyasaye mwigulu kandi ku lirova, Sihaveeye ho nyasaye wundi mba.

Kwidzulitsa 6:4

“Muhuliri, O, avandu va Isiraeli; Yahova; Yahova yeng'ine, aveeye Nyasaye wiitu.

Likunula 1:11

nigovoora, “Ng'oda via ololaa mu kitabu yiki ma ukihiri mu amakanisa gaveeye mu madaala manene saba yaga: Efeso, Simarina, Perigamo, Ziatira, Saride Filadefia, na Laodikia.”

Likunula 1:8

Yahova Nyasaye Wuvunyali avoora “Inzi mbeeye Alufa kandi Omega, wukutanga kandi wukumaliriza oveeyo, waaliho kandi uzaa.”

Likunula 2:8

“Ng'oderaa engelosi wi likanisa liveeye mu Simarina: “Yaga nigo amakuva ga uyu oveeye litanga kandi limaliriza, uwakuza kandi naava mwoyo. Avoora.

Likunula 22:13

Inzi mbeeye Alufa na Omega, wimbiri nuwukumaliriza, litanga ne keheri.”