Isaya 44:22 - KITABU KITAKATIFU

²² Mali kweya vwoni vuvwo kuli lilesi. Wirane ku inzi, kigira mali kokohonyi.”

Isaya 44:22 ပူးပေါင်းရင်းမြစ်များ

2 Samweli 12:13

Daudi yavolera Nazani, “Mali kwonera Yahova.” Nazani yativura, “Yahova ukusamihi; si ulakuza mba.

2 Kyetsinyinga 6:21

Hulira lisaala liange kandi lisaala lia avandu vovo Isiraeli lwa koheenzaa havundu yaaha nu kusaala. Noveeye mwigulu hango hoho halahi, hulira lianira lietu kandi ukusamihi.

Nehemia 4:5

Utavasamiiha uvudamanu vwavo vwavakolaa mba, kigira vamali kokonyega kunyi avakwumbakaa.”

Ayubu 37:11

Adwikaa malesi maliduhu musigo gwa mazi, amalesi gasalanyia loheni lwilwe.

Zaburi 103:12

Yahova atulizaaho uvwoni vwitu nu kuvuhira ihale ligali, kuli Ivugwi eveeye ihale kutura imadioli.

Zaburi 109:14

Leka Yahova yizuliza uvudamanu vwa vaguuga veve vaakora, kandi avuli kusamiiha uvwoni vwa mama weve kali hakuzu!

Zaburi 130:8

Naye alahonyia avandu veve Isiraeli kutura mu vwoni vwavo vwosi.

Zaburi 51:1

O, Nyasaye, ombere zimbavasi kolondekana nu vuyanzi vuvwo uvutali nekeheri. Tuliza ho uvwoni vwange kolondekana nu uvunyingi vwi livererera liilo!

Zaburi 51:9

Utahenza uvwoni vwange mba, na utulize ho uvudamanu vwange.

Kutwula 18:9

Lwa Jezero yahulira yaga goosi, yayanza

Isaya 1:18

Yahova avoora, “Kalunu, hambi kuhulirizane mu makuva yaga. Kali uvwoni vwinyu nivoveeye vwakanyu ligali ndamwogiza mulave kuli likonza; kali nivoveeye vwakanyu ligali kuli masahi, mulava avalavu kuli ipamba.

Isaya 1:27

Kigira Yahova aveeye mulungi, alahonyia Jerusalemi kandi ku woosi uwiganiraa.

Isaya 31:6

Yahova yavoola, “O, munyi avandu va Isiraeli, mumali kokora uvwoni imbiri wange nu kuhing'ana ninzi; navuzwa kalunu mwirane ku inzi!

Isaya 33:24

Sihalavaho nu mulala omenya mu kivala chietu uwaza yigaane ndi alwalaa kandi uvwoni vwosi vulasaamiifa.

Isaya 41:14

Yahova avoora, “Munyi muveeye avakeekeke kandi avadedekere avandu va, Isiraeli mutatia mba, inzi ndamukonya Inzi, Nyasaye Mutakatifu wa Isiraeli. Inzi mbeeye muhonyi winyu.

Isaya 43:1

Yahova uwalomba munyi avoora, “Mutatia mba; kigira inzi ndamuhonyia. Inzi mali kumulanga ni lieta, na munyi muveeye avandu vange Isiraeli.

Isaya 43:25

Inzi mbeeye Nyasaye usamiihaa vwoni vwinyu; kandi ngolaa yaga kigira ku lwa inzi mwene. Sindizuliza uvwoni vwinyu kandi mba.

Isaya 48:20

Muzie muturi mu kivala cha Babiloni, mulandizi ku vandu vosi ha vundu hoosi amakuva amalahi gu vusangali: “Yahova umali kohonyia avatumikiri veve Isiraeli!”

Isaya 51:11

Yavo ava umali kohonyia valilana Jerusalemi mu nuvusangali, nivimba kandi nivahanzuka kigira uvusangari. Valayaanza mihiga ni mihiga, kigira vovereri nilisioma vilatulizwa ho mihiga ni mihiga.

Isaya 52:9

“Muhanzuki zinyimbu ziuvusangali, munyi mang'anye ga Jerusalemi! Yahova alahonyia lidaala lilie linene, kandi alaleminya avandu veve mioyo.

Isaya 55:7

Avadamanu valeke zinzira ziavo zindamanu. Avandu vachamu valeke zing'anagani ziavo ziuvuchamu viirane ku Yahova Nyasaye wiitu kigira aveeye wi zimbavasi vavererera; kandi aveeye mwangu kusaamiha.

Jeremia 18:23

Navuzwa, Yahova, ivi umanya lilohiza liavo liosi liu mu vwivisu kunzita. Utasamiha uvudamanu vwavo anoho kusamiiha uvwoni vwavo mba. Uvaleke vave muliguutwa kandi uvahe amageri lwa ukikiri nu vutima.”

Jeremia 3:1

Yahova yavolera avandu va Isiraeli: “Niiva umundu alakunga mukali weve, naamuleke agwi mukali wu musaza wundi, sianyala kumwiranyia kandi mba. Yaga galononyia kivala ligali. Navuzwa munyi avandu va Isiraeli mwasigamira avanyasaye vandi vanyingi, kalunu mwenya mwirane ku inzi!

Jeremia 33:8

Ndatakasa uvwoni vwa vamali kongolera vwosi, kandi ndasamiiha uvwoni vwavo vwosi vwa vamali kwibaala ku inzi.

Jeremia 50:20

Lwa ing'inga yeyo iduuka, uvwoni sivulinyolekaku mukivala cha Isiraeli anoho uvuchamu mukivala chi Ivuyuda mba, kigira ndakasamihi avandu va Inzi mali kohonyia. Inzi, Yahova mali kovora.”

Ezekieli 16:63

Nasamihi uvwoni vwinyu vwosi vwa mumali kokora, navuzwa nimuvwizulizi kandi namuve muzizoni ligali kali sinamutivuli ku kindu mba.” Yahova Wuvunyali umali kovora.

Mika 7:18

Nivwaha oveeye Nyasaye kuli ivi, usamihaa uvwoni kandi ukunikaa amahiolo ga yavo avatigara avavandu veve avatovole? Siaviika nu vutima vwivwe mihiga ni mihiga kigira usangalaa muvuyaanzi vutaveeye nekeheri.

Zekaria 1:3

navuzwa kalunu muvooleraa ‘Mwilane ku inzi, na inzi ndamwilanira.

Zekaria 3:4

Engelosi yavolera vatumikiri veve vumwigulu, “Mutulizi zinguvu ziayiviki zifunyaa yizi.” Maku yavolera Joshua, “Ndatuliza vwoni vuvwo kandi ndakuha zinguvu zimbia wiviki.”

1 Vakorintho 6:20

Yaagula ivi nu vuguli vonene. Kulwayago, mutumikiri miviri jinyu kulwu vukumi vwa Nyasaye.

Kwidzulitsa 32:43

“Zihiiri, kuduuka mwizominye avandu va Yahova ahaanaa mageri ku yavo vosi avaviita. Avanzaa kisaalia ku avasigu veve kandi asamiiha uvwoni vwa avandu veve.”