Isaya 43:7 - KITABU KITAKATIFU

⁷ Vaveeye avandu vange, ndaavalomba vaduuki koleta uvukumi ku inzi.”

Isaya 43:7 ပူးပေါင်းရင်းမြစ်များ

Zaburi 100:3

Mumanye ndi Yahova aveeye Nyasaye. Yalomba kunyi na kunyi koveeye aveeve. Koveeye avandu veve kandi koveeye chayo cha magondi geege.

Zaburi 50:23

Lwa muhaanaa lisandiza ku inzi, gaveeye kuli muhanaa visiuvilu viu kuhaana luyali ku inzi, na mulikola ndio, ligali ndahonya yavo vosi avambuliraa.”

Isaya 27:11

Zisia zie misaala ziayuma kandi ziavunika na avakali vazitenyaa kuli iziingu. Kigira avandu si vamanyi kindu mba, Nyasaye mulombi wavo sialavavera zimbavasi mba.

Isaya 29:23

Lwa muloraa avana va ndimuha, hene yaho mulamanya ndi, Inzi mbeeye Nyasaye, Mutakatifu wa Isiraeli. Mulaamba luyali nukutia inzi ligali,

Isaya 43:1

Yahova uwalomba munyi avoora, “Mutatia mba; kigira inzi ndamuhonyia. Inzi mali kumulanga ni lieta, na munyi muveeye avandu vange Isiraeli.

Isaya 43:21

Vaveeye avandu vandelombera umwene, kandi valimba lizominywa liange!”

Isaya 44:23

Mwimbi nuvusangali, munyi ligulu! Muhanzuki munyi isi wi lirova! Muhanzuki nu vusangali, munyi vigulu O, munyi militu ni misaala josi ijiveeye mu, kigira Yahova umali kohonyia kisukururwi cha Yakobo; naye alakuminywa mu kivala cha Isiraeli.

Isaya 46:13

Lidiku liovohonyi liveeye ahimbi siliveeye ihale ligali mba. Sindalindagira koleta vohonyi vwange mba. Ndahonyia avandu va Jerusalemi kandi ndaleta lizominywa ku avandu va Isiraeli.”

Isaya 48:11

Ndaakola yaga kigira inzi mbeeye Wuvunyali, sindaleka lieta liange livuli kohevwa luyali mba, noho sindaleka munyasaye wundi kohevwa lizominywa mba.”

Isaya 56:5

hene yaho, lieta liilio lilizulizwa mu Litembeli liange kandi mu vandu vange ku ing'inga indambi kuvita lwa waali ove na vayaayi kandi navakaana. Siulivilirwa kali hakuzu mba.”

Isaya 60:21

Avandu vinyu vosi valava avalungi, kandi valavugula miandu ji kivala chavo mihiga ni mihiga. Inzi ndaavaleta kandi nimbaviiki mu kivala yiki; ndakora ndio kandi nduuki kukuminywa.

Isaya 63:19

Kumali kugwa kuli yavo ava ivi wavula kwamiiha kali hakuzu, kandi kuli avandu avavura kulangwa ku lieta liilio.

Jeremia 14:9

Kigira ki oveeye kuli mundu oveeye mu ligenya, kuli musikari utaveeye ni zinguru kokonya? O, Yahova, ligali ivi oveeye harara ni kunyi! Kunyi koveeye avandu vovo; utakoleka mba.’ ”

Jeremia 33:16

Avandu vi Ivuyuda na Jerusalemi valahonywa kandi valamenya mu mirembe. Lidaala linene yili lilangwa ‘Yahova Muhonyi Wiitu.’

Danyeli 9:18

Nyasaye hulira lisaala lietu, henza ku vudinyu vwa koveeye navwo, kandi vusaliri vwi lidaala liilio. Kusaala ku ivi kigira oveeye wi zimbavasi, navuzwa si gaveeye kigira kokora uvulungi mba.

Danyeli 9:19

Yahova, ukuhuliri; Yahova ukusamihi. Yahova hulira lisaala lietu kandi okole kolondekana ni lienya liilio. Kunangwa mundu woosi amanye ndi ivi oveeye Nyasaye, utalindagira mba! Lidaala yili harara na vandu yava vaveeye mulio navoovo.”

Amosi 9:12

Na ndio, avandu va Isiraeli valaguuta nu kuvugura avandu vaatigara nokohona mu kivala cha Edomu, harara na avandu vi zihiiri ziosi izia avalange avange.” Yahova ulikola ivindu yivi kwekoleka.

Yohana 15:8

Vukumi vwa Baba wange vumanyiangwa ku liama makuyu lienyu, kandi munzira yiyi mugwizaa aviigi vange.

Vikolwa 11:26

Lwa yamunyola, yamuleta Andiokia. Vosi vaviri vamenya harara ni likanisa ku muhiga mulala, nivigiza avandu vanyingi. Mu Andiokia yimwo nimwo mwa avalondi va Yeso vatanga kulangwa, “Avakristayo.”

Varumi 9:23

Yenya kandi kuvuula vukumi vwivwe vunyingi vwaviikwa ku kunyi avakoveeye viju viu vukumi vwivwe, yavo avavetegekiza vanyoore vukumi vwivwe.

2 Vakorintho 5:17

Lwu mundu woosi, aveeye mu Kristo, aveeye ekelombe ikihia. Henza ivindu viosi via kale vimali kuvita. Na viosi vigwiyi vihia.

Vagalatia 6:15

Likevwa anoho kuvula kokevwa siliveeye kindu, navuzwa kindu keveeye kenene nikuva ekelombe kihia.

Vafeso 1:12

Kunangwa gendi kunyi ava kwaali vukutanga kuva ni lisuuvirizwa mu Kristo, kwizominyi uvukumi vwa Nyasaye!

Vafeso 1:6

Gendi kwizominyi Nyasaye kigira vukumi vwi zimbavasi zizie, ku kihanwa chiche cha yahaana ku kunyi mu Mwana weve Muyanze.

Vafeso 2:10

Nyasaye umali kokolomba kuli koveeye, kandi mu lihambanywa harara na Kristo Yeso, yalomba kunyi kigira livamwoyo lie vikolwa vilahi, viamali kwetegekizira kunyi kuduuki kokora.

Yakobo 2:7

Yava nivo avanyegaa lieta lilahi lia mumali koheevwa.

1 Petro 2:9

Navuzwa munyi muveeye ihiiri etovoleywi, avasaalisi vu Mwami, avandu avatakatifu, avandu va Nyasaye mwene, yavo avatovolwa valandizi uvulahi vwa Nyasaye, uyu wamulanga munyi muturi mu kisundi muduuki mu vulavu vwivwe vwokogenyia.

1 Petro 4:11

Mundu woosi naava niyilwaza, gamudukira yilwaaze likuva lia Nyasaye amali kumuha; uyu utumikaa, atumiki mu zinguru zia Nyasaye amuhezaa. Kunangwa mu vindu viosi, Nyasaye aduuki kwizominyirwa kuvitira mu Yeso Kristo, udukana anyoore uvukumi kandi zinguru mihiga ni mihiga. Amini.

1 Petro 4:14

Musangare lwa munyegwa kigira muveeye avalondi va Kristo; yili limanyia Roho wu vukumi kandi Roho wa Nyasaye asoseraa mu munyi.

Likunula 3:12

Uyu ugutaa uvulwani, ndamukora itiiru mu Litembeli lia Nyasaye wange. Sialazia ichova walio kandi mba: ndang'oda kuye lieta lia Nyasaye wange, kandi lie lidaala lia Nyasaye wange, Jerusalemi imbia, likanga kutura mwigulu ku Nyasaye wange. Kandi ndang'oda kuvo lieta liange lihia.

1 Samweli 12:22

Yahova umali kulagana ligali kandi si alamuleka mba, kigira umali kukalaga akole munyi kuva vandu veve.