Isaya 43:19 - KITABU KITAKATIFU

¹⁹ Heenzi kindu kihia icha nziza kokora. Chekoleka kalunu, na munyi munyala kokelola kalunu! Ndalomba inzira mwigendanyama, nukusinukiza migera mu changalangwi.

Isaya 43:19 ပူးပေါင်းရင်းမြစ်များ

Zaburi 105:41

Yakunura ulwanda na mazi manyingi ganyinyuka. Giturukaa kuvitira mu changalangwe kuli mugera.

Zaburi 126:4

O, Yahova, ukwiranyie mu kivala chietu, kuli imbura yiranyia amazi mu migera jakama.

Kutwula 17:6

Inzi ndasingira imbiri woovo ku lwanda ha Kiguru cha Sinai. Uduyi kulwanda zana, na amazi galasinuka kulwo ma avandu vanwi.” Musa yakola ndio imbiri wa aviimiliri va Isiraeli.

Isaya 30:25

Ku ing'inga yene yeyo, lwa minaara javasigu vinyu jirakagumilwi na vandu vaavo kwitwa, migera ja amazi jilakatuli kutura kuvuli kiguru kitambi.

Isaya 32:2

Vuli mulala kuvo alakave kuli chukwikinga kutura kumbuuza kandi havundu hu kwivisa kutura kumbula yikiihi. Valakave kuli migera ja mazi jiturukaa kutura mu changarangwi, kandi kuli chiriri chu lwanda lonene mu kivala kitaveeye ni liama.

Isaya 33:21

Yahova alakakumanyia kunyi uvukumi vwivwe. Kulamenya ahimbi ni migera migalamu kandi notogera, navuzwa zimeri ziu vulwani sizileelema kujo mba.

Isaya 35:1

Changarangwi kandi kivala chumu vilasaangala, kandi vimuli vilalaviza mwigendanyama.

Isaya 41:18

Ndakakole migera ja mazi kwituruka ku vigulu viumu viosi, kandi visenukiru via mazi kwituruka hagati ha mavoona. Ndakagilunganyie changarangwi kugwa madavalia ga amazi, kandi ndagilung'anyia vivala viumu kugwa visinukiru via amazi.

Isaya 41:19

Ndakakole misaala ji midaragwa, vikuma, amavono kandi mizeituni kumera mu changarangwi. Militu ji misaala ji miberozi, mivinje kandi misunobari kuviruka mu changarangwi.

Isaya 42:9

Vindu viandavula vimali kololeka kalunu kuva agiligali. Kalunu ndamuvolera vindu vigeni vizizaa kokoleka kali imbiri wa vikikiri kwekoleka.”

Isaya 48:5

Ndamuvulira kale vindu viaza viekoleke ku munyi ku madiku gaaza, kandi nimuvoolera vindu viaza viekoleke imbiri wa vikikiri kwekoleka. Ndakora yaga kunangwa namuvuli kovora ndi, ‘Vifananyi viange viakola yaga kokoleka; vifananyi viange vie misaala nu munyasaye wikivia yagatakasa.’

Isaya 48:6

“Munyi kalunu mumali kolola vindu via ndamuvolera viosi vimali kokoleka, na muduuki kuvugilira ndi livuula liange liveeye lia agiligali. Kalunu ndamuvolera vindu vihia vizizaa kwekoleka, vindu viandavula kali kumuvuulira maziambiri.

Isaya 49:10

Sivalakave ninzara anoho uvuluhu mba. Sivalasalirizwa nuluya lwu muchangalangwe anoho umuvasu sigulavasamba kandi mba, valimilirwa nu mulala uvayaanzaa. Alakavimiliri kali kuduuka ha visenukiru via amazi.

Isaya 51:3

Inzi Yahova, “Ndaleminya Jerusalemi mwoyo. Kandi ndaleminya mwoyo yavo vosi avamenyaa mu mang'anye galio. Kali niiva kivala chalio keveeye ichangalangwe, ndakekola keve mulimi kuli gwa Edeni ugwa ndataaga. Uvuyanzi nuvusangali vilava yo, kandi zinyimbu zieliizominya kandi lisandiza ziliimbwa ku inzi.

Jeremia 23:7

Yahova avoora, “Ing'inga yiza lwa vandu valivula kwisuha ku inzi kuli Nyasaye oveeye mwoyo, waleeta avandu va Isiraeli kutura mukivala cha Egebeti.

Jeremia 31:22

Munyi avandu vataveeye nilisuvira, mulavoyavoya kudura ing'inga ki? Inzi mali kolomba kindu kihia kandi keveeye lugano, keveeye lugano kuli mukali asoola umundu musaza.”

Jeremia 31:9

Avandu vange vazavirane nivalira, nivasaara lwa nambe nimbimilira mulirana. Inzi nambimiliri kuduuka ku migera jiamazi, kunzira inungi yavalivulaa kwikigatira. Mbeeye kuli baba uvandu va Isiraeli kandi Efuraimu nu muyaayi wange wu kutanga.”

Livalidza 20:11

Kunangwa Musa yaginga imbimbu nakuya ku lwanda haali kaviri, nu mugela munene gwa mazi gwasinuka, kunangwa vandu vosi ni mitugu vanwa mazi.

2 Vakorintho 5:17

Lwu mundu woosi, aveeye mu Kristo, aveeye ekelombe ikihia. Henza ivindu viosi via kale vimali kuvita. Na viosi vigwiyi vihia.

Kwidzulitsa 8:15

Yamwimilira kuvitira muchangalangwe kenene kandi chukutiihiza, mwizinzoka ni izing'e ziuvusungu vululu ziali. Mu kivala chumu gada, kandi ikitaveeye mu na mazi, yalomba amazi nigidoloka kutura mu lwanda ludinyu kigira munyi.

Likunula 21:5

Maku Nyasaye yavoola, “Henza! Inzi ngolaa ivindu viosi vive ivihia.” Yambolera, “Ng'oda yili, kigira amakuva yaga gaveeye agiligali kandi aguvusuuvirifu.”